لكنه لي❤️

الحلقة التالتة♥️

لكنه لي❣️
جت وقت الطائرة ودعن بعضهن
لميس او نيرين او هما الي يبكو هلبا اهم حيفترقو على بعض مش حيشوفو. بعض بسنين حيكبرو منغير بعض حيكملو مشوار حياتهم منغير بعض
كل وحدة منهم حتمشي فطريق
نيرين:توا ردي بالگ معاد اتكلميني ردي بالگ صحباتگ ياخدو مكاني ردي بالگ بنات خالتگ او خالگ اينسوگ بيا ردي بالگ اتخبي اعليا سر من اسرارگ اني حمقعد اختگ احنا حنقعد اخوات او كل مرة في السنة حنجي ونشوفك او ماتنسيش المكالمات ع الفيديو حنشوفگ ديما او في حال أسقطت في مادة حنديرلگ تليفون وبتشرحيلي
ع الفيديو صوري كل لخضة في حياتگ حلوة اخلاص توا معاتش فيه من ايقولي معاد تاكلي مفيش من ايقولي اقري اقرايتگ ما حد ينفعگ حنشتاقلگ هلباا هلبا يا ميسو يا اختي يا كل دنيتي
لميس ابدت تبكي او ماعرفتش شن اتقول ضمتها ال صدرها وبدو يبكو
رجب:خلاص عاد توا علاش النكد
مسحو ادموعهم ودعت عمها او مرت عمها ومشو ال رحلتهم
ركبو الطيارة او هيا تبكي هلبا
امير؛:خلاص عاد بلاش لعياط هدا كلا يزي
عاهذ:خلاص يا نيرو عاد
نيرين وقفت او ابتسمت او قالتلهم به هاه خلاص ماعاد نبكي
قعدت ع جبهة الروشن او هيا أتفكر. زعما شن الي ينطر بيا غادي زعما شن بيصير في حياتي زعما شن حيتغير فيا او هيا اتفكر حتا رقدت او نست كل شي
ناضت ع صوت عاهد
عاهد :نوضي يا نيرين اوصلنا
افتحت اعيوني لدنيا اجديدة دنيا مانعرف فيها حد غير خوي او بابا دنيا منعرفش شن حنتعلم فيها كيف حنتعوض اعليها نزلت من الطيارة او فرحانة هلبا نزلنا اخدينا شناطينا وهديناه تاكسي وتوجهنا لشقة أمتعنا اول يوم أمشى كلا رقاد ورقدنا كل اليوم اصلا احني اوصلنا المغرب المهم نضت من بدري اطلعت للبلكونة نتفرج ع الناس كيف اشخاص يمشو اشخاص ايديرو في رياضة كل حد عايش حياتة درتلهم فطور شن ياكلو او بابا قال عندا شوية مواضيع واطلع امشى لخدمتة
امير:نيرين
نيرين:انعم
امير:شن رأيك نطلعو اشوية نستكشفو
نيرين:او شن نستكشفو
امير:هادي 5اسنين ره بنعيشوها اهنئ قصدي لازم نعرفو الدنيا شن فيها
نيرين:باهي هي
طبعا نيرين مش متحجبة لبست سروال اسود وبلوزة بيضة ششورت شعرها القصير دارت اشوية مكياج ولأول مرة طلعت هي او امير يدورو في الأسواق والامولات
نيرين :هيييي
امير:خيرگ
نيرين: احني كيف نطلعو توا معاد نعرفو كيف انولو
امير:بلا هبال شايفتيني عبيط درت موقع قبل مانطلع
نيرين:اوف ريحتني هيا هيا انولو أعيت اني
امير:باهي هيا امشي خلي انولو
ولو للحوش نيرين قعمزت ع التلفزيون تتفرج او تتكلم مع لميس مكالمة ڤيديو تحكيلها كل الي شا فاتة من اول ما وصلت او لميس فرحانة لفرحت نيرين جا بوهم او جاب امعاه اعشاء أتعشو أو بدو يهدرزو
امير:اسمع يا بوي
عاهد:نعم
امير: تي راهي ملل هكي توا عطلة او قاعد في الحوش بس امع نيرين كساذ قصدي
عاهد:باهي شن بنديرلك شن تبي
امير:وللهي اني انقول خلي نخدم امعاگ مدام توا عطلة او بعد ما ترجع لقراية أنولي لقرايتي
عاهد:وللهي أدير زينة العقل اصلا تعب اعليا اني بروحي
نيرين:وللهي يابوي محلاكم وأني بللهي بأي سطل كناسة ناوين اتحطوني
أبدو يضحكو
نيرين:شن ايضحگ نقعد ابروحي يعني
امير:شن بيصيرلگ لما أتكسدي اطلعي غيري شوية جو
عاهد: المنطقة آمنة يا بنتي او فيه حراس ع الباب
فيه شوية كساد وخلاص او احني العصر انروحو
نيرين: باهي انجربو ولا نمشي أنهاكم شن رايكم
امير :لا وللهي اخر شي هادا
عاهد:شنو توا تقاعدي بروحك ولا لا
نيرين:باهي نقعد ع اساس عندي خل تاني
ناض كل واحد للغرفة
ناضت نيرين غسلت لماعين ومشت رقدت
في حوش تاني وفي دولة تانية
شخص لا هو راقد لا مستاقد او هوا ايخمم في شخص اهانة والقلب ايحبة او يبيه معاد اعرفت كيف اندير اوقفت ألبست ومشيت للبحر
قعمزت ع الشط
انس:توا علاش هكي علاش الانسان الي ع قد حالة وضعة مايستاهلش ايحب يعني اعلاش تخميمها هكي اعلاش الناس مصالح هيا شن علاقتها بالمستويات بتعيش امعاي ولا مع فلوسي
ديما انقول لي نيرين اتكون زي لميس مبعد نيرين ع لميس طيبة ماتهمها الماديات
اخزي ع الزمن وقف انس او وحلف اقسم لگ بلله ياربي الى أني لميس حنفوتها ونطلعها من راسي او من اليوم بنطلع موال البنات من راسي او ماعاد ايهمني نخلق لو كان من هوا ناض روح لحوشهم دار دوش او او جا يرقد لجنة رسالة مكتوب فيها زي ما انت شفت أوجها او ماشفتش لقلبها حتى هيا مش حتشوف لقلبك او حتشوف بفلوسك قاعد يتأمل في الرسالة او رقد رقدة هنيا
اما لميس الي كانت شبه مغروما او طول الليل او هي تفكر بشخص واخد عقلها واحلام اتجيبها او أحلام تأخذها وتجيبها
او بعد وقت اطويل كلهم رقدو