لكنه لي❤️

الحلقة التاسعة عشر ♥️

الحلقة ماقبل ألأخيرة💔💭
لكنه لي🍃🌸
او أني قربت من الغرفة مسافة هلبا صغيرة او نوصل  حتى ابديت نسمع في صوت ايه فيه صوت برا فكرت ان امير ولا رجب لحقوني معرفتش كيف اندير حتى نسمع صوت اني لما اسمعته اتنرفزت صوت صوت الشرطة لا ياربي من الي قال لشرطة توا كنت بنكمل اطريقي او نعطي المستندات بأقصى سرعة فتحت الدار مالقيتش فيها حد او  القيت ورقة مكتوب اعليها
(انا حدرتگ ولاكنگ انت لم توفي بوعدگ والأن أنا أيضا لن أوفي بوعدي على الحفاض على إبنتگ)
كنت نرجف من الي كنت نقرا فيه لين طحت ع الارض مجرذ تواني قليلة او اوقفت ع حيلي بنتي توا محتاجتتي امشي بسرعة ممشيتهاش سنين الله او امشي لطريق اي باب القيت باب قدامي او كان مفتوح شفت شال ع الارض بس مكانش لنيرين المهم هما طلعو من اهني ابدا ايفتش ويفتش لين لقة باب تاني دخل فيه لقة موبايل ع الارض  شالة او شاف ألأرقام لقة اخر رقم رقم الشرطة شاف الارقام التانية ولا اسم مسجل جت الشرطة القاتة شاد التليفون
الشرطة؛انت شن مداير هني
عاهد مدارش اي ردة فعل   اعطاهم الاوراق من الشنطة الي في يدة باش يفهمو الموضوع
اخدا الشرطي او هوا يقرا في الي مكتوب ع الاوراق
الشرطي:شني الاوراق هادي
عاهد احكالهم الي صار او حسب الاوراق ولي مكتوب فيها او عدم هروبة امعاهم او لما امشو للمركز القو ان بلغ الشرطة ان بنتة ضايعة من مدة فوق اسبوع فأخلو سبيلة بسرعة او روح  للحوش
او اول ماروح  كانو الكل مستنين ان نيرين اتجي امعاه كانو متأملين أمل فارغ (اني قلت من البداية متاأملوش هلبا مش كل نهاية لازم اتكون سعيدة فيه هلبا نهايات محدش متوقعهم بس الحمد لله على كل حال او لازم نرضو بلي ربي كاتبة )
كانو الكل امقعمزين في الصالة كانت الساعة 4الصبح ماخد اقدر يرقد ابدو واحد ورا التاني يتجمعو في الصالة لين قعدو كلهم مع بعض او ابدو ايراجو في عاهد حتا شافو لفافتة او اخيرا شافوه يدخل للحوش كلهمم وقفو او كانو مستنين حد او راه ابدو ايقربو بالگ ابعيدة او ايشيء حل السكوت لدقائق حتى قطع السكوت هدا
بصوت كلها رجفة
انس:ووووييين ننيريين 💔
عاهد كانت ساكت او مايعرفش شن ايرب اصلا هوا يبي يعرف نيرين وين كيف حالها شن صايرلها امعدبينها ولا امسيبينها في حالها يبي يعرف شن حالها شن اخبارها ولا عمرة فارقها يوم كامل قطع امير التفكير الطويل هدا
امير:بوي شن صاير
عاهد دمعتة خانتة او نزلت دمعة هادي مش اي دمعة هادي دمعة اب دمعة اب مقهور مطحطم عاجز الاب مش ساهلة دمعتة لا واعرة او اعرة هللباً
كان صوت صوت شخص مكسور انسان ضعيف انسان مش قادر يتكلم بس رغم التوتر والارهاق الي واضح اعليه او رغم الغمة الي في قلبة كان هلبا اقريب من بنتة بس القدر خانة او مخلاش ايشوف نور عينة
عاهد: جت الشرطة او هربو
رجب:او من بلغ الشرطة
عاهد:ولله ماني عارف القيت تليفون في وحدة من الغرف او افتحتة القيت رقم الشرطة او هلبا ارقام غير اخدو الشرطة التليفون مني او توا عندهم او خلولي رسالة
اخدا رجب الرسالة وقراها
رجب:الحق يا خوي هادو مش ناوين على خير
عاهد :ربي يستر اني توا ماعاد عندي الى نصبر او ندعي لربي  (وإن الـلـه عــلـى گـل شــي قديـر💙)
انس مانطقش ولا كلمة اصلا هوامش فاهم شي تحلامة اتحطمت توا في هادي الدقيقة  اه وخلاص سارة او لميس قاعدين يبكو او يندبو او الله غالب ع الزمن الي هكي او كل شخص او نصيبها او هي هادا هوا نصيبها في الدنيا ربي يستر فيها لميس حست براسها ايدور ركبت ال دارها اشوية او بعد ذقائق ارتاحت اشوية دقت تليفون على غيس بس ماردش دقت او دقت او ماردش  استسلمت لنوم او رقدت رغم كل الهموم ترقد باش تنسى همها باش تنسى ان لياةة عمرها انخطفت بيها اختها  في اشياء خاطرنا ننسوهم او ماعاد ندكروهم نبي انسكر اعيوني او نفتحهم نلقا نيرين بخدا باش انضهما او انعبي اعيوني بشوفتها   جا اليوم الي بعدة او لميس ادق ع تليفون غيس او مايردش اليوم او اليوم الي بعدة او الي بعدة او الي بعدة لا فيه اتصال جا من الرجال لا اتصال جا من غيس كلمت امة او قالتلي ليه اسبوع ماروحش للحوش او مايردش على تليفونة  بالي نشغول اعليه يكفيني صدمةة وحدة في حياتي يكفي اختي في الدنيا او سندي امشت او خلتني متحرمنيش من انسان حبيتة او اعشقتة يااارب او بعد اسبوع او نص دق التليفون كا الي ايدق علاء
عاهذ:الو
علاء:ايوا
عاهد:وين امشيتو ببنتي وين امشيتو بيها
علاء:بنتگ انساها او دير بالگ ع ولدگ توا اني قلت اتقول لشرطة بنتگ اضيع او توا بنتگ ضاعت او اترحم اعليها اللعب متلعباش امعانا يا استاد عاهد بنتگ توا في دار الحق ادعي ربي يرحمها ها ها ها
.......او سكر المكالمة بس التليفون مزال في ادن عاهد او من الصـ...يتبع ♥️

قصدي تفاعلو  💔