لكنه لي❤️

الحلقة التامنة♥️

لگــنه لـــي 🖤
رقدت نيرين زي اسنين طوييلة او هي كانت تبكي ايه تبكي تبكي او مكانتش عارفة شن بدير كانت أتفكر حتى احداها النوم
ناضت بدري ساعة7 لبست توتة امتع الرياضة كانت عبارة عن تب كم طويل او سروال توتة او سبيدرو سبورت دارت شعرها كودة اخدت ا سمعاتها او طلعت كانت تختار في ألأغنية برا قدام الحوش
انس كان طالع ابيمشي للكوشة الي بحداهم بيجيب خبزة
انس استغرب شن ادير في الوقت هدا مزال بدري
انس:صباح الخير
نيرين:صباحو
انس:شن امنوضگ من توا ورفع حاجبة
نيرين:اندير رياضة
انس مقدرتش انشد روحي أبديت نضحك هلبا
نيرين:الصبر خيرگ
انس:يانيرين ابسرعة اتعوطي ع ابريطانيت وانسياب ليبيا
نيرين:اعلاش
انس: احني من أمتى لبنات ايديرو رياضة
نيرين:عنديش علاقة فيهم اني بندير
انس: مش اهني اكيد
نيرين:توا نمشي للبحر
انس:بحر شني توا كلهم تلقيها امعبيه شباب
نيرين نحت سمعاتها او حطتها بجيبها او كانت اموليا للحوش
انس:بس يمكن ناخدگ لمكان مانلقا فيه حد مضمون
نيرين:ابجد احلف
انس :ابتمشي؟
نيرين؛وين المكان هدا
انس:ناخد خبزة للحوش وأنجي
نيرين:ok
قعدتفوق موقنون السيارة من قدام نسمع ع ألأغاني ونفسفس
لين جا
انس:هيا اركبي
نيرين:جاية هي
نيرين:وين هيا اتكلم
انس :اسمعي انتي ديما السانگ مايدغلش اتقولي رغوة
نيرين:بلاهي توا اخر شي
انس:هي اشوي او نوصلو
نيرين:اووف😒
بعد ربع ساعة وصلو او طبعا نيرين ما استسلمتش او هي تدوي
انس :انزلي او صلنا
نيرين:حلو جبالي ع البحر ابجد شكرا 🥺🖤
انس:عفو 😉
نيرين جت حطت سماعاتها ع ودنها
انس:شني شني هادو
نيرين:سماعات
انس:لا فكينا منهم تعال انهرولو او ندو اشوية
نيرين:امممم باهي
أبدو يمشو او ماحد اتكلم
نيرين:شن درت
انس. :في شني
نيرين/في حياتك كلها في السنين الي مشت شن درت
انس: هه كونت روحي كان لازم ايكون امعاي فلوس كان لازم نتعب ع روحي لأن القلب الطيب ما عاد ينفع لأن الناس ماعاد انشوف لرجال ابدت انشوف لفلوسة لهدا قررت انو أنحي موال لبنات من راسي او الحب او الكلام هدا كلا ابديت اتعيش ليا ولأمي نسعد نفسي قبل كل شي
نيرين:منعرفش اصلا علاش مكنتش زي خوگ زمان معندكش فلوس مفروض كنت زي خوگ عندگ فلوس ونعبئ او شخصية حلو انو ايكون عندك لفلوس مش مهم عندك قلب المهم عندگ لفلوس ابجد لفلوس اهم شي في الدنيا
انس وقف ع الهرولة
انس:كييف
نيرين وقفت حتى هيا
هجايه ايجد شني يعني انت بلا فلوس شي انت لازم اتكون زي خوك شوف خوك كيف طرف ايهبل
علاش لأن عندا فلوس ابجد فلوس نعمة
انس:هه طلعتي زيهم ابجد اتغيرتي مني انتي وين نيرين نيرين البنت الي مايهمها شي وينها ابجد يا خسارة
انس أعطى ضهرة او قاللها امتى اتكملي رياضة اني في السيارة
نيرين بصوت عالي او خانقتها العبرة ؛انت الي قتلتها انت الي اقتلتها أقتلتها ايه اقتلتها بكلامك زي السم
انس:كيف
نيرين:كيف كأنگ هكي مدارش شي هكي عادي مدراس شي انت صح
انس بعصبية :شن علاقتي اني اتكلمي ها
نيرين شدت تليفونها دارت تليفون لشوفير باش ايجيلها
انس:نتكلم اني ره
نيرين:شن علاقتگ انت الي نحيت البنية الطيبة تخميمي البريء كلا انت الي اقتلتة كنت اتقولي غيري من روحك خليك زي اختك كنت تبي اتغيرلي شخصيتي غصبن عني كلكم اتغيري يا نيرين اتغيري يا نيرين اخلاص أتعبت اخلاص أعيت او لما اتغيرت معجبكمش تبوني انولي كيف ما كنت انت يا انس لما كنت منهتمش في نفسي كنت تنصحني انغير عمرك ماشفت شني الي في قلبي في كل عمرك اتقولي اتغيري مل عمرك مقلتليش حتى كلمة غير هادي كل يوم ع امل انك اتشوفني في نضرة غير كنت مستعدة انغير روحي بس لأنك اتحبني لأن قلبك كان ايحبني اتحبني لأنك انت رايدني بس لا انت كنت تبي بنية حلوة زي اختي لميس بنية تهتم بنفسها هني انت ماشفتش لقلب لميس لانك عمرك ما كلمتها رغم ان انت تكره الاطلاع الي عندها انت مش تكره الشخص الأناني هي انانية مش تكره حد يتكبر هي متكبرة بس لا انت عجبتني هي مكانتش معترضة اعليك لأنگ معندكش فلوس لا كانت تعرف اني انحبك كانت تعرف لما اضحكت أوراكم هي ضحكت قهر ضحكة جت باش أنشئا الدموع الي قريب تنزل هيا تبي تجرحك زي ماجرحتني تبي لتخلية في نفس النار زي ما انت مشفتش لقلبها او شفت لجمالها هي حتشوف لفلوسك او مش لقلبك لميس شن بدير بفلوسك او هي عايشة بقصر انس خبئت نمشي باش ننساك والحمد لله انسيتم هه
امشت نيرين او خلت انس في متاهة كبيرة
كبيرة هلبا كملت مشيها لين وصلت او شافت ان الشوفير ليه وقت جاي ركبت السيارة او مشو
ام انس الي كان مش عارف شن هادا كيف منتبهش لكل هادي المشاعر علاش هكي
كان بكل كلمة يغرس سهم في قلبها اعشان هكي اتغيرت بسبب كلامي الي كان يجرحها
بأواني ادمر الرسالة الي وصلاتة قبل سنين كان ارقم دولي او حاول يعرف من هادا الرقم بس ماعرفاش
بس اليوم عرف او كان متأكد انها كانت نيرين
هوا حي روحة اخي وبنفس الوقت فرح
انس او هوا ايكلم في روحة ادقيقة ادقيقة اني اعلاش فرحان البنية بعد الي كل قالاتة واني انحس في فرحة علاش
ركب في سيارتة او في قلبة هلبا اسئلة ام نيرين
الي روحت اوهي خانقتها العبرة روحت كانت الساعة9 ماشافت حد لوطة فرحت ركبت فوق ابيرعة دارت دوش لبست لبسة ع ألأبيض والسحابي او نزلت
نيرين:صباح الخير
عاهد:صباحو
نيرين:وين باقي العيلة ولا مزال راقذين
عاهد :لا ناضو اهوا في حجرة امتح ألأكل موجودين يفطرو
نيرين :باهي هيا خلي نمشو
عاهد:شرفي
نيرين:هههه
انس الي روح او كل الطريق او هوا ايفكر.
لا مش بس هدا اليوم الاسبوع كلا هوا ايفكر
مش عارف شن صايرلي أبدي 24ساعة انفكر فيها لما انوض انفكر بيها لما ناكل انفكر فيها لما نخدم نفكر فيها لما نرقد انفكر فيها هي امسيطرة ع كل افكاري مر اسبوع ع اخر مرة تلاقينا
سامي:الو
انس:وين غاطس ياراجل
سامي ؛ولله قاعد وين انت
انس ؛ فالحوش انت وين
سامي:اتعال اني في المقهى خلي انديرو صورة اشوية
انس:تمام طير توا هي
سامي:سلام
~~~~~~~~
نيرين:اسمعو راهي اني ولله خلوقي ضاقت كل يوم نفس الروتين خلي نطلعو هيا يا نيرو بليز طلعنا
أمير: اوف ديما حاصل امعاك وين ابناخدك
نيرين:خوذنا للملاهي 🥺🖤
امير:ااه ياربي شن بنديرو غاضي
نيرين:هيا بلله اعليك
امير:باهي تمام نمشو فيه حد يقدر ايقولي لا انتي
نيرين :ايخليك ليا يا نصي
امير :بلا بلا بلا امشو بدلو هي
نيرين :هيا ميسو نوضي
ناضو لبنات بدلو
امير:باهي أهوا اشوية ونجيك
نيرين :جاهزات
امير:أركبو به هي
ركبو في السيارة ومشو اوراهم سيارة تانية فيها حراس
امير وقف قدام حوش انس