لكنه لي❤️

الحلقة الأولى🧸الجزء التاني ♥️

الحلقة الأولى🧸
الجزء التاني ♥️
لـكـنـه لـــ🍃ـي
بعد مرور سنتين من وفاة نيرين بنمر على كل شخص شن صار فيه ابنحكيلكم في هادي السنتين كل حد حياتة بإختصار
(عــــاهــــد)
عاهد من أمتا سمع بوفاة بنتة او هوا ساكت او راقد في غرفتة مقدرش يستوعب لوقت هادا ان بنته وحيدتة اختفت من الدنيا كان الفراغ الي في قلبة أكبر من كل شي اكبر من حباتة حتى صعب ان كان قريب هلبا من بنتة بس في لحضة اختفت كان طول السنتين هادو ايلوم في روحة لأن مروحش لليبيا كا ايقول لو قعدت اهني احسن او قعدت امعاي بنتي او افتكيت من هادا الهم الي في قلبي توا هوا كان حابس روحة او يبكي كان ضعفان هلبا اقريب ايموت من الضعف ع خاطر زعلا ع بنتة ليه سنتين مطلعش من الحوش او كانو ابياخدو ايعالجو بس هوا في السنتين هادو كلهم قال ان اني مابيا شي او سكت ممكن كان ايعاقب في روحة بالعزلة والسكوت او طبعا مروحش لإيطاليا لأن اولا خايف ع ولدة تانيا مستحيل ايخش ع هداك الحوش الي نيرين كانت تعبي الحوش بوجودها اتنوض ادير رياضة او اتروح او احني منستنوش فيها كان شريط حياة بنتة كلها قدام عينة فقط •

(أمــــيــٰـٰـر)
امير اتغير 180درجة امير الولد الي ايحب الحياة والطلوع او خدمتة او دراستة ابدا من الخدمة للحوش من الحوش للخدمة نيرين خلت اتر كبير في قلبة تتخايلو كسرت قلبة لالا انتو مش متخايلين متعرفوش راهي قداش واعرة انها أختة كوم أو انهم توأم كوم كان ايحبها فوق الحب كانت اختة هي البير امتع اسرارة كانت ادافع اعليه قدام بوها اه قداش مستاحش لكلامها او حنيتها او صوتها او ضحكتها او اختمامها بنفسها او الرياضة الي ادير فيها او لما ننجرح اضمضلي جرحي ايه افتقدتها افتقدتها هلبا فيه جرح سنين الدنيا مش حتوفيها خلت بصمة كبيرة في العيلة الدنيا ابدت بايخة في غيابها ماعاد نومي نوم لا شي الدنيا كلها سودة قدامي رغم انها ميتة بس حاسس فيها حاسس بنبضها حاسس ان في حاجة غريبة فيه جانب انشوف فيه من قلبي منعرفش علاش•
( أنـــــســ♥️)
شعور جامد شعور صعب يوصف عاش امعاها ايام حلوة هلبا ايام بحلوها او مرها قداش ما عشم قلبة قبل سنين بحب نهايتة قدر غير متوقع قدر شاء ان ينهي كل شي بدون وداع قدر منتهي انس شاب مهزوم مقهور من الدنيا متحطم من فقدان الامل
لحيتة الي بدت كتيفة او عيونة الي كلها محوقة او لونة الشاحب اتغيرت حياتة بعد فراق شخص كان ليه كل شي
لميس♥️
فراق اختها او بنت عنها او صديقتها ام لسان الي كانت تصبح اعليها اتفيقها الصبح للمدرسة ادرسها باش تنجح ندكر فرحتها هداك اليوم لما نجحت او بتسافر ياريتها قعدت ماشبعتش منها نبي انضمها ونبويها او نحكيلها نبي انقوللها هلبا كلام نبي انقوللها يا نيرين اليوم الي مفروض تنخطبي بيه سمعت خبر وفاتك يانيرين اليوم الي مفروض ايكون عرسي اختفيتي اتحول عرسي لعزا او غيس الي ماليهش اتر ليه سنتين مسمعناش اعليه شي منعرفش الدنيا سن تبي فينا تبي تقتلني ع البطيء بي شني حنكمل او اني مطحطما مشتاقة او هلبا كلام مس حيكفي بوصفة
ام سارة او رجب فهما في قلوبهم ميبعدوش اعليهم هلبا بس ايحاولو ايرطبو الجو او بدون نتيجة
ألأتر الي خلاتة نيرين في قلب كل شخص كان اكبير كان ضحايا موتها كتار كان كل سخص ليه مكان مخصص ليه في قلبها.صعب انگ تتخايل انها كانت تنغرق في البحر كانت نفسها ايضيق كانت محتاجة اكسجين كانت اتلقط في اي هواء بس بدون فايدة ماتت او هي مودعتش حتى بوها تعرفو شن تاريخ وفاتها 12/12/2019
الي يقرا الرسالة الي خلتها الكل يبدا يبكي ام انس الي كانت كل يوم الحاح على انس باش يتزوج او ايدير صغار لأن العمر كان يمشي كانت تبي اتشوف احفادها هي ماراعتش وضع ولدها او ونساتة لا طلبت ان يتزوج بعد ماعرفت العيلة ان انس ايحب نيرين قالة رجب اعلاش ماقلتش فال انس كنت مستني زواجة لميس اتم او اهني زاد القهر اكتر
( نيرين خلت أتر حلو في قلوب غيرها خلت بصمة عميقة بس هادي البصمة كانت سبب دمارهم 💔)

يتبع