حناجر متجرحه

البارت السادس والعشرين

البارت السادس والعشرين

حناجر متجرحه
طائر بلا تغريد
رؤى ألجبوري

زينب .......

صاح بيه اطلعي ودفعني من الباب
وگعت على حيلي ظهري انرگع على المحجر

صحت

أخ. أخ يمه الحگيني واتلوه من الوجع
حسيت شي وگع عليه

عيوني على جلال الي ما اهتم يباوعلي بغضب

أسمع خالتي من جوه اجت تصيح

اسم الله يمه اسم الله ولج حاجيني زنزبه شصار
تريد تصعد الي ما تگدر باقيه جوه وتصيح
ولك جلال شسوت بلبنيه وهيه حامل

حسيته فاصل عن الواقع بس من سمع حجاية امه انتبه عليه باوع وهز راسه
شنو شنو انتي حامل

هزيت راسي وآني متوجعه

رفع ايده الشعره بدء يدلك بيه وعيونه كله حيره

خالتي مستمره تحجي وتگله ولك نزله الي خلي اشوف بت الوادم شبيه
سترك ربي سترك ربي

تقرب عليه گعد يمي
من شوكت ليش ما گلتيلي

ما ما أدري والله اليوم حللت وعرفت

لزمني من زندي گلي
تگدرين تگومين

ما أدري احس ضهري مكسور

تحسر ودنك وخالتي بعده تحجي من جوه وتغلط على جلال

صاح
يوم رحمه لهلج بس اسكتي شويه خليني اعرف أتصرف

ولك شتتصرف البنيه حامل وگعت لازم ناخذه الطبيب

نزله يمي ما أكدر اصعد

تقرب عليه خله أديه جوه ضهري
وأيد جوه أكتافي ورفعني
نزلني جوه وآني اون من ألألم

خلاني على الكرويته واجت خالتي تسألني

ها يمه شلونج خو ما وگع عليج شي

هزيت راسي أي حسيت بشي وگع بس ماشفت شي

دگت على صدره وهيه تولول
يبو عليه اسم الله يمه ماكو شي ان شاء الله
التفت على جلال گالتله
شو واگف ولك

لعد شسوي

امشي طلع سيارتك خلي ناخذه المستشفى بسرعه

تحرك بدون ما يعلق
اكيج خاله خوما هوايه نزفتي

لا شويه

خوش
راحت ورجعت
اگلج هو شنو الصار

شافتني بجيت
هزت راسه وراحت

شويه ورجعت.
اكلج. خاله. خابرت جارتنه ام قيصر تروح وياج هاي مره مبروكه
آني ما أكدر اعوف رفوهه وحده وان شاء الله ماكو شي

هزيت راسي أي لا ترحين ضلي يم رفاه

شويه دخلت مريه سمينه لابسه نضارات گالت