مساء الخير
البارت الثامن
طائر بلا تغريد
رؤى الجبوري
حناجر متحجره
مساء الخير طبعا اسفه لأن تأخرت بلبارت بس والله كتبة البارت صارلي يومين وجان يوكع المبايل من أيدي وينكسر
والله وراح كل الي كتبته
والبارحه طلعت مبايل صغير عندي كتبت بيه
واحرفه كلش صغيره
كوه كتبت بيه
بلكت اشتري مبايل جديد وبدي اكتب بيه
اختكم
طائر بلا تغريد
طلعت من المكتب وبالي شلون أثبت الحقيقه
أجرت سياره وطلعت عنوان المستشفى إلي بيهه الطفله انطيته للسائق بعد نص ساعه توقفة السياره أمام مستشفى آل ......مستشفى اهليه ضخمه
نطيته أجرته ونزلت
دخلت للأستعلامات سألت على غرفة البنيه
دلوني بعد ما كلت ألهم اني احد اقربائه
وصلت الغرفته باوعت من الجام كاعده مريه عمره بلأربعين محجبه ماسكه قرآن بيده تقري بيه
دكيت الباب
منو تفظل
صباح الخير
أهلا صباح الخير تفظلي
شلونج خيتي
تنهدت بحركه وكالة
الحمد لله
منو حظرتج
أني تلكىة شنو اكله
كتله
أني صحفيه بصحيفة الكترونيه سمعت عن قصة ينتج وحبيت أعرف أخباره
لازم الناس تعرف يلي صار ما لازم نسكت عن الي صار وياهه
هزت رأسه بلموافقه باوعت البتة
تلمست شعره وتحسرة بقوه
مرت لحظات ساكته بعده كالت
جانت طفله مفرطة الحركه
دائما جانت تحرك سبب وبدون سبب
إخوانه الأكبر منهه يشتكون منهه
بيوم ضاعت محفظة ابوهه دورنه عليه ماكو
هيه جانت تدور ويانه ههههه
بعد ما ايسنه من المحفظه كعدنه نستراح جان تجي على ابوه وتكوله
بابا لكيت محفظتك
صدك وين لكيتيه
لكيته بس اذا تريدها تعال نلعب اني ويأك
ظحكنه على تفكيره
طبعا تكررت هاي الحاله
كل متريد واحد يلعب وياهه تأخذ حاجه منه وبعدين تطلعهه ههههه
عرفنه حالته تريدنه ننتبه اله نلعب وياهه
من كبرت شويه دخلت للروظه جانت خايفه متمسكه بيه
ضل ابوهه وياهه للضهر
يوم تداوم ويوم لا لحد ما كملت سنه
أما من دخلت المدرسه فهذا اليوم جان مميز هههه
تدرين أربع مرات اوصلهه للمدرسه وأرجع ورى نص ساعة الكاهه بلبيت
وأرجع اوصله للمدرسه
وهم ترجع البيت
اخر شي بقية وياهه بلمدرسه
ثاني يوم زعلت منهه وقاطعته لأن هم رجعت
بس لأن تحبني ومتريدني ازعل قبلت تروح تداوم
BẠN ĐANG ĐỌC
حناجر متجرحه
Truyện Ngắnأنا امرأة... أبكي من جرح شوكة صغيره إن لمست جلدي اللطيف و أقف في وجه أي اعصار قد يقذف بقلبي الضعيف و كلما زادت طعنات الزمن لي كلما تحدى عمري النزيف لست أسيره أو رهينه في يد رجل يريد لي الدمار إن أرادني شريكة دربه سأكون لطريقه المنار سأكون له سكن و...
