حناجر متجرحه

البارت الثالث

البارت الثالث

حناجر متجرحه

رؤى قاسم
طائر بلا تغريد

مسائكم عسل صافي

رفعت راسي وأشوف گدامي استاذ أمجد
تخربطت كل احاسيسي
مشيت ويه جواد وآني بالي ويه أمجد

وصلنه للقاعه وجواد ماترك أيدي. عجيب هلشخصيه بسرعه تأخذ ميانه يعني مصارلي أربع ساعات من عرفته بسرعه اخذ ميانه وياي وشال التكلفه صار يصيحلي

لهليبو ههههههه

وصلنه القاعه ترك أيدي جواد رحت لبست روب التخرج والشفقه وگفو يم زملائي يصيحون علينه

شويه وأشوف الطلاب كله راحت باوعت شفتهم مجموعين بلقرب من باب القاعه
الأساتذه وياهم
بعد شويه انتبهت شفت أستاذ أمجد وأكف بلنص والناس داير مدايره يسلمون عليه
ورى شويه رجعت بنيه وگفت يمي گتله

منو هذا الي رحتو عليه

يا وج هذا أستاذ أمجد

اعرف بس منو

هذا محاظر يجي ي
للكليه ينطي محاظرات

صدك بس مشايفته قبل

مو هو مو دائمن يداوم بس من أستاذ يحتاجه
يعني مريظ او مسافر أو عنده شغل ييخابرو يجي بمكانه

أها لعد شدعوه هلگد تحبونه

مو هو كلش حباب تدرين من ينطي محاظره عبالك يسولف سوالف
يحجي ويانه مثل الأصدقاء مو كمدرس وطلابه

بس آني شو مشايفته

طبعا لأن هاي السنه ماأخذ هواي محاظرات لأن هو جان مسافر
ولعام أكيد شايفته بس متذكرين وبعدين انتي العام اجيتي لكليتنه انتقلتي يعني مشايفته هواي

والله ماعرف يجوز ما أذكر صدك

اشتغلت الموسيقى وبدو يصيحون بلأسماء
الي يصيحون بأسمه يصعد على الأستيج وينطونه شهادته
وبعدين يروح على أستاذ أمجد ينطيه هديه
عباره عن أي باد. ويا ورده

صاحو أسمي مشيت وآني بين الفرحانه بأنجازي وتفوقي وبين خوفي وأرتباكي

وصلت يم العميد سلمت عليه انطاني الشهاده وبعدها رحت على أستاذ أمجد
عيوني صارت بعيونه وهو مبتسم الي
انطاني الورده وبعدين الهديه
وبعده طلع هديه من جيبه خلاهه فوك الهديه مالتي وگلي
هاي من عندي لمتدربتي وابتسم

ردت ارجعه بس استحيت من المدرسين والطلاب حيل تظايقت هسه شراح يفكرون بيه
نزلت وآني حيل مقهوره وظايجه انتبهة للبنيه الي سألته عن أستاذ أمجد تباوعلي بطرف عينه

وگفنه كلنه بعد ماكملنه تسلم الشهايد
شغلوا اغنية عبد الحليم حافظ

الناجح يرفع إيده.. هيه
ونغني بعيدنا وعيده.. هيه
ويقول ونقول.. دايماً
ناجحين على طول.. دايماً
ونجاحنا يطول.. دايماً
دايما على طول.. دايماً
دايما على طول دايما على طول
دايماً دايماً دايماً دايماً دايماً هـــــــــــــــي