البارت الرابع
حناجر متجرحه
رؤى الجبوري
طائر بلا تغريد
حظري نفسج الخميس خطوبتج
غصيت بلأكل عيوني جحظن من الغصه
أمي گالت
شنو شتگول
الي سمعتي الخميس خطوبت لهيب ابن عمهه خطبهه وآني وقبلت
بس يارجال غير تسأله
وليش أسأله شعليه هيه
شنو شعليه غير مستقبله
وأني ابوهه وادره بمستقبله وماريد واحد يحجي بلموظوع بعد
شمر الخاشوگه وگام من الأكل
بقيت اباوع لأمي الي عيونه دمعت
گتله عفيه يمه شلون
لتخافين اني احجي ويا
راحت امي ورى ابويه وآني صعدت للغرفه
تمددت وعيوني على سگف الغرفه وبالي بحياتي الي راح تندفن أذا قبلت بجلال
اجت وراي لمياء وهيه تواسيني وتصبرني بس ميفيد
شويه سمعت صوت أبويه يصيح وأمي تبجي
نزلنه نركض
وصلنه النهاية الدرج ونسمع عياط ابوي
ويه أمي
وصوت التكسير بلغراض
دخل أخوي علي من الباب يصيح شكو شكو
اشرتله على غرفة ابوي
ابوي من يتعصب محد يگدر يحجي ويا
كل احنه نتجنبه
نوصل للباب ونرجع
واحد يباوع للثاني
والصياح متواصل
بس انتبهن الكلامه ويه أمي
أذا عدتي كلامج اشمرج بره وتحرم عليج شوفت جهالج
ماعرف منين اجتني القوه
دخلت للغرفه
شفت أمي گاعده بلگاع بين الجربايه والكنتور
بلا حجاب
دموعه على خده
ثوبهه مزك
شعرهه منفوش
ذاك المنظر عمري ما انسى
ابويه رغم يعصب هواي بس أبد ما مد أيده على أمي
بس هلمره شنو الي گالته أمي وخلاه يتعصب ويمد ايده
ذبيت روحي على أمي وآني أحظن بيهه
سمعت وراي علي ولمياء وسام دخلو للغرفه
صاح ابوي بصوت مثل زئير الأسد
شعدكم هنا الكل يطلع منا بسرعه ماريد واحد يبقه
طلع علي وسام ورى
وآني بقيت حاظنه امي وابجي
جرتني لمياء من أيدي وهيه تسحل بيه تريد تطلعني
وآني متمسكه بأمي
دفعتني أمي من صدري وگالت روحي يمه مابيه شي
طلعت وآني حقدي على أبوي اكبر من الدنيه
سمعت الباب نسدت وراي
گعدت باب الدراج على أول بايه وآني اتصنت على غرفت ابوي خايفه يرجع يظربه
بس ماسمعت شي
بعد ربع ساعه صعدتني لمياء للغرفه
مرينه على غرفة الولد اسمع وسام يگل العلي
YOU ARE READING
حناجر متجرحه
Short Storyأنا امرأة... أبكي من جرح شوكة صغيره إن لمست جلدي اللطيف و أقف في وجه أي اعصار قد يقذف بقلبي الضعيف و كلما زادت طعنات الزمن لي كلما تحدى عمري النزيف لست أسيره أو رهينه في يد رجل يريد لي الدمار إن أرادني شريكة دربه سأكون لطريقه المنار سأكون له سكن و...
