البارت العاشر
حناجر متحجره
طائر بلا تغريد
رؤى الجبوري
انصدمت برد جلال گال
حبيبتي عادي صح انتي عروسه ولازم نروح فد شهر عسل بس انتي بداية مشوارج بلعمل ولازم تكونين گد المسؤليه
و15,يوم تره مو شويه نروح فد اسبوع لأربيل ونرجع كافي
وگدامنه العمر كوله نتونس بيه
يعني مضايج لأن منطوني شهر عطله
لا طبعا لأن اني هم عندي شغل والتزامات واعرف العمل لازم ميتوقف وزين من عدهم راح ينتظرونج
شكرا الك هواي ريحتني جنت خايفه لا تزعل
هههه معقوله لا طبعا وبعدين انتي شعليج قابل انتي متردين اجازه
لا والله بلعكس
خلاص يروحي
يلله هسه شوكت تطلعين تكملين مسواگج
باجر ان شاء الله العصر نطاع ماعدنه شي بعد بس بدلة الحنه وبدلة العرس
تمام بس ما اوصييج بدلة العرس شوفيهه مستوره لأن قاعه وشي ولو القاعه مو مختلطه بس هم الحذر واجب
لا طبعا بدون متوصي أكيد راح اشوفهه مستوره
تسلمين بعد چلاويي ههههه
ثاني يوم بعد ما رجعت من الدوام طلعة ويه لمياء وامي
شتريد شغلات واجرت بدله للحنه لون أحمر وبيه شغل فضي بسيط كولش حلو
وياهه طوك فضي
وبدله بيضه مال محجبات بس مجبت حجاب وياهه
وماسكه
رجعت للبيت هلكانه
طول الأيام الي قبل الزفه تجنبت التقي ويه أمجد
مجرد سلام واروح المكتبي لو راد مني شي يدز السكرتيره
بيوم الثلاثاء كتبت إجازتي ولازم أقدمهه اله
حاولت اخلي السكرتيره توصله اله بس مقبلت
گالت لازم اني اسلمهه
دگيت الباب ودخلت
صباح الخير استاذ
جاوب بدون ميباوع عليه
صباح الخير
استاذ هاي إجازتي ممكن توقعهه
خليت الأجازه گدامه على الميز
انتظر دقائق بعدين جر الورقه وقعهه بدون ميباوع عليه
دفع الورقه عليه وهو ساكت
سحبت الورقه وگتله شكرا وطلعت
گلبي يدك ألف دگه بلدقيقه
رجعت للبيت لگيت البيت متروس بنات عم أمي هنه وبناتهن
وبنات عمي الثاني نص ساعه بس أسلم هههه
صعدت للغرغه سبحت وبدلت وطلعت اني ولمياء ويانه بنت خالت امي سماح اسمهه هاي لزگه وشايفه روحهه
گوه لزكت روحه ويانه
VOUS LISEZ
حناجر متجرحه
Nouvellesأنا امرأة... أبكي من جرح شوكة صغيره إن لمست جلدي اللطيف و أقف في وجه أي اعصار قد يقذف بقلبي الضعيف و كلما زادت طعنات الزمن لي كلما تحدى عمري النزيف لست أسيره أو رهينه في يد رجل يريد لي الدمار إن أرادني شريكة دربه سأكون لطريقه المنار سأكون له سكن و...
