The Girl Grim Reaper (Completed)

Epilogue

"It's okay, bilisan nalang natin ang pag-uusap. May importante pa kasi akong pupuntahan." Sabi niya. Tumango nalang ako at nag-focus. Na-miss ko bigla si Al. Sobrang tagal narin ang lumipas simula nung magpaalam kami ni Sue sakaniya.

Umabot yata ng ilang minuto ang pag-uusap namin bago kami nag-paalam sa isa't isa.

"Thank you." Sabi ko ng makatayo kami. "Sige na, mauna ka na. May importante ka pang pupuntahan. I'm sorry kung napatagal ang pag-uusap natin."

"It's fine. Nag-enjoy naman akong kausap ka." Sabi nito at sabay kaming nakarating sa pinto ng restaurant. Lumabas kaming dalawa ng may nag-park na kotse sa harap namin.

"Fuck," Napatingin ako kay Al ng bigla siyang mag-mura.

Napakunot ang noo ko. "Bakit?"

"Balik tayo sa loob," Hinila ako ni Al at tatangkain sana naming pumasok ulit sa loob ng restaurant ng bigla kaming makarinig ng pagsara ng kotse. At mukhang padabog pa ito.

"Allan!" Boses ng babae. Napalingon ako at laking gulat ko ng makita si Roxiah. Oh my god! Mas lalo siyang gumanda ngayon! I can't believe na may mas igaganda pa siya sa panibago niyang buhay.

"Patay," Bulong ulit ni Al at binitawan ang kamay ko. Mabilis kaming nilapitan ni Roxiah at nagulat ako ng bigla ako nitong sinampal. Shit. Anong ginawa ko?

"Roxiel!" Mabilis nilapitan ni Al si Roxiah at nilayo sakin.

"Siya ba 'yung babae mo, ha?!"

Nanlaki ang mata ko sa sinabi niya. Ano daw? Babae? What the fuck?

"Hindi ko siya babae, Roxiel. Tumigil ka na!" Awat sakaniya ni Al pero nanatili itong masama ang titig sakin habang ako speechless sa mga nangyayari. Grabe, ang sakit pala manampal ng babaeng 'to!

"Bakit magka-holding hands kayo?!" Tanong ni Roxiah na Roxiel na ngayon ang pangalan. Lahat ng taong napapadaan ay napapatingin samin. Damn, nakakahiya.

"Lahat nalang binibigyan mo ng malisya! Wala lang 'yon. Mag-isip ka nga, Roxiel." Sagot ni Al na hinihilot na ngayon ang noo. Kahit ako mapapahilot sa noo dahil sa ginagawa ni Roxiah este ni Roxiel.

Inirapan ako ni Roxiel, "I'm not stupid, Allan."

"Ilang beses ko bang ie-explain sayo? Wala nga lang 'yun!"

"Paano mo nasabing wala lang 'yon? Ha? Paano mo nasabe?" Sabi ni Roxiel na ngayon hinarap na si Al.

"Dahil may boyfriend na siya!" Sabi ni Al na ikinatigil ko. B-Boyfriend? Seriously?

"Ipakita mo sakin! Gus—"

"Bakit ba ang ingay mo, Miss? Ako ang boyfriend ng babaeng 'to. Bakit? May problema ba?" Biglang may umakbay sakin na lalaki. Hindi ko alam kung makakahinga pa ba ako ng maayos. Dahil, kilalang kilala ko kung sino 'tong lalaking 'to! Boses niya pa lang, kilala ko na!

Nangilid bigla ang luha ko. Hindi ko alam na sa ganitong sitwasyon kami magtatagpo. Ito na ang oras na pinakahihintay ko. Ang makita at makausap siya.

Natahimik si Roxiel at Al ng makita ang lalaking katabi ko.

"Pasensya na p're, sobrang selosa lang nitong girlfriend ko." Sabi ni Al at hinila na palayo samin si Roxiel. Girlfriend ni Al si Roxiel? Paano na si Sue?

Naestatwa ako ng maalalang may lalaki pala akong kasama. Ang lalaking mahal ko noon at hanggang ngayon.

"Sorry kung nasabi ko 'yon, Miss. Sobrang ingay kasi ng babaeng 'yun. Nakakahiya na sa ibang tao." Sabi niya at tinanggal ang pagkakaakbay sakin. Hinarap ko siya at sunod sunod na luha ang bumuhos sa mata ko ng makita ang itsura niya. How I missed him. Hindi ako makahinga ng maayos sa sobrang kakaiyak.