❤❤❤❤❤
الاء : 😍😍😍😍 ياخ انا مبسوطة وطايرة فرحة بس 😍
اجلال : ربنا يديم بسطتك..
الاء : اللهم امين ياااارب .. تلفوني بيضرب دي امنية 😍.. الووو
امنية : الوية 😍😍😍😍😍 وينكم انتووو بفتش عليكم من قبيل اتصلت ع تسابيح رسلت لي رسالة هي توسل في محاضرة ..
الاء : 😍😍 واااو باين عليك الانبساط احنا جايين في الطريق .. حا تكوني وين
امنية : 😍😍 بتلقوني جمب الكلية ...
الاء : تمام 10 دقايق ونصل
امنية : تمام حبيباتي يلا
ضحى طبعا اتصلت علي رشاد ورشاد جاها جمب المبني 5 . المهم عاوزة تشوف ردت فعلو كيف من بعد ما شاف صور اختو اللي رسلتها برقم غريب طبعا .. لكن هي اتفاجأت
رشاد : ضحى والله ياخ انا مبسوط
ضحى : ربنا يديم البسط الباسطك شنوو .
رشاد : في واحد صاحبي شديد اسمو عمر .. امس جا اتقدم لي امنية طبعا بتكون كلمتك.. ما انتو اصحاب
ضحى : 😲😲😲 اتقدم ليها ..
رشاد : اااي انت ما عارفة ولا شنو
ضحى : 😄😄 طبعا عارفة بس ما كنت فاكرة انها جادة كدة "دة طلعت ليه الشهامة دي من وين يتقدم ليها اسي 😒😒.. ما مشكلة بتصرف برااي " .
رشاد : ضحي دقيقة اجيب موية من الدكان داك واجي ..
ضحى : طيب .. رشاد 😍
رشاد لما مشا خلي تلفونو وشنطتو الشايلا .. بس هو في الدكان كدة اجلال اتصلت عليه مسجلها علي تلفونو "وتيني"
ضحي طبعا من شافت الاسم وشها اتقلب واتمادت ردت علي التلفون
اجلال : الوو هشام .
ضحى : هشام ؟ 😑 هشام منووو
اجلال : معليش انت منوو .. هنا اجلال فكرت انو تكون دي امو ولا حاجة..
ضحى : انا ضحى حبيبة رشاد .. انتي المنو
اجلال : 😒😒😒 ضحى ههههه رشاد غاشيك ولا شنووو ما اسمو رشاد اول شي
ضحى : عايني حبيبتي ما طلبت منك توريني اسم حبيبي ..
اجلال : عفوا منك .. دة حبيبي انا .. بعدين اسمو هشام ما رشاد .. ممكن تسألي حبيبك تقولي لي اسمك منو 😏😏
ضحى : "قبل كدة كأني سمعت هشام دة ولا انا بتخيل 🤔"
انت واحدة ماعندك موضوع وتاني ما تتصلي هنا الرقم زاتو غلط امشي شوفي هشامك دة بي وين .
اجلال : ضحى تتذكري اليوم القلتي لي فيه انو اسمو رشاد وانو غاشيني وكدة امشي اتأكدي اول بعدين تعالي اتكلمي معاي .. اسي وينو هشام
ضحى لحظة عاوزة ترد عليها كدة هشام ضحي فلتت التلفون ووقع فوق الشنطة بدون ما هشام يحس والخط فاتح طبعا ..
رشاد : ضحى جبت ليك بارد والله علي زوقي نسيت اسألك .
ضحى : البجي منك كلوو حلو
رشاد : تسلمي
ضحى : تسلم لي انت ..
اجلال : طبعا سامعة دة كلو بالتلفون - 😠😠.. وقفلت الخط طوالي..
ضحى : رشاد عاوزة اسألك .. انت عندك اسم تاني
هشام : اايوة انا اصلا ما اسمي رشاد اسمي هشام
ضحى : 😳😳😳 "اجي " ليه بقولو ليك كدة
رشاد : هشام اسمي الحقيقي في الشهادة لانو الحاج كان عاوز يسمي كدة .. بس الحاجة نفسها تسمي رشاد فبقت كدة اتقسمو الحكاية بينهم 😂😂
ضحى : 😂😂..
رشاد ضحى بعد تشربي عاوز امشي المكتبة بتاعة الهداية
ضحى : عاوز تشتري هدية لمنو
رشاد : لصاحبي .. تمشي معاي
ضحى : ممكن
اجلال : رشاد الواطي تاني كان اتكلمت معاهو ما يبقي اسمي اجلال ..
الاء : في شنووو يابت
اجلال : رشاد قاعد مع ضحى 😠😠
امنية : 😳😳😳 اجي .. ضحى دي غايتو
الاء : قصدك ضحى القاعدة معاهو 😒😒
اجلال : وشابكة تجاكرني انا حبيبتو وانا زفت 😠😠
امنية : يا بت اهدي.. امنية اتصلت علي رشاد وقال ليها هو في مكتبة الهداية .. المهم قمنا مشينا لما وصلنا لقينا ضحى واقفة معاهو وبتجرب في الساعة كمان لحظة احنا واقفين لبستها ليه هو زااتو عشان اغتبرها صداقة ما قال شي ..
المهم اجلال شافت المنظر دة ووشها اتقلب 180 درجة لمحها رشاد وبقي يناديها لكن لا حياة لمن تنادي مشت خلتو زي كأن شيئا لم يكن ..
رشاد : 😐😐.. معقول غيرتها زايدة كدة ..
الاء : لا دي ما غيرة صاحبتك ردت ع مكالمة اجلال وبقت تتساخف معاها ..
رشاد : منو ضحى 😳😳 ..
امنية : ضحى ااي ياها ذاتا... امنية تلفونها رن .. عن اذنكم..
الووو عمر
عمر : كيفك تمام
امنية : الحمدلله .. تمام كيفك انت
عمر : بخير والله الحمدلله .. صحباتك كيف .. وصاحبتك الغدارة كيف 😂
امنية : 😂😂 بخير والله .. صح ذكرتني انت عرفت كيف بموضوع الصورة .
عمر : والله عندك صحباتك 4 كدة كتر الف خيرهم جو قالو لي في صورة اترسلت لي هشام وما عارف شنووو بس طوالي من مكاني جيتكم ..
امنية : ياخ صحباتي عسل ينقط ..
عمر : ربنا يحفظهم ليك يارب ...
توسل وتسابيح مشينا ليهم في الكافتيريا لقينا تسابيح مخلوعة ومصدومة .. قلنا ليها في شنو يابت
تسابيح : انتو احمد اخوكم جاي يتقدم لي 😳😳
الاء : اااي 😍😍 اها رايك شنوو..
تسابيح طبعا من قولة ااي غمرت .. 😕😕 غمرت عديييل نصحي فيها يمين شمال ابت تصحى ما خلينا شي بصلة وتوم وكل شي الا بعد ربع ساعة صحصحت براها ..
توسل : يا بت انت كويسة ...
تسابيح : كويسة .. بالنسبة للرد بفكر واديكم خبر .. احم
اجلال : ماف داعي تفكري عرفنا خلاص 😂😂😂😂...
كلنا بقينا نضك فيها .. فجأة جانا طلال لقانا بنضك
طلال : تدوم عليكم الضحكة
الجميع : اميييين يارب ..
طبعا انا قلبي بقي يدق ساي من شوفتو
اجلال : كيف يا طلال
امنية : اووه انت طلال
طلال : يب 😄 اهلا بيك ..
امنية : اتشرفنا 😊
طلال : شرف الله مقدارك ..
الوية ..
الاء : عن اذنكم دقيقة بس طلعت مع طلال برا الكلية .
جيت الجامعة يادوب ولا شنو .
طلال اايوة قلت اول شي اشوف حبيبتي ..
اديكم معلومة بسيطة عن طلال دة .. 😍 طلال ورشاد نفس للعمر الاتنين 27 سنة .. يلا طلال قرا الجامعة زمان ما كانت رغبتو جمدها وحاليا رجع للدراسة وهو خريج معانا ..
الاء : تسلم لي والله وما بتقصر ...
بعد 3 يوم .. طبعا للان اجلال زعلانة من هشام والحكاية دي ليها 3 يوم .. المهم احنا الليلة ماشين نخطب سبوحة لأحمد اخوي 😍😍..
ومشينا الاهل اتلمو كلهم مشينا حوالي بصين وعربات صغار ..
الحمدلله تمت الخطوبة وحددو العرس كمان بعد شهر ونص بالضبط لانو اخوي اجازتو 3 شهور ..
عقبال الباقين يارب
