ماااااااااااااااااااااااا تنسسوا الفوت...
--------------------------------------
❤❤❤❤❤
اجلال : اااي اختي البتتكلم معاها وتتشاكلو دايما .
رشاد : ايوة بس طبعا ما كنت عارف هيا دي نفسها .
اجلال : مامشكلة .
رشاد : 😶😶😶😶 ..
اجلال : يلا عن اذنك صحباتي بكونو طلعو .
رشاد : تمام .. اتفضلي 🙂🙂 ..
الاء : 😡😡😡😡😡😡
اجلال : الوية ..
الاء : نعم 😡😡 همتارو دة ما عاوزة اشوف وشو تاني .
اجلال : يابت ما عرفك انو دي انت .
الاء : المهم تاني غايتو ما بتكلم معاهو نهائي ..
اجلال : ناس توسل وتسابيح طلعو ..
الاء : لالا لسة ما طلعو ... تعالي نمشي علي الكافتيريات .
اجلال : يلا
- طبعا انا ماشة ووزعلانة وفي نفس الوقت بفكر اكلم اجلال بالموضوع كيف ... المهم انا سرحانة كدة بفكر في الموضوع قمت اتصدمت ب ضحي شايلة عصير واتدفق في ملابسها واصلا انا كنت زهجانة منها من اليوم داك .
ضحي : 😠😠😠 يابت انت ما بتشوفي قدامك .
الاء : مابشوف ااي حا تعملي شنو 😒😒😒 .
ضحي : كيف يعني ما بتشوفي كشحتي العصير في هدومي .
الاء : ياخ بكشحو 😡😡😡😡😡 ابعدي عن خلقتي عشان ما اتم الباقي في راسك .
اجلال : 😳😳😳😳😳 اجي ...
ضحى : والله العظيم الليلة ما اخليك
- ضحي كانت عاوز تهجم علي فجأة اجلال مسكتا بالجد كنت متمنيا تعملا عشان اطلع عينا.
اجلال : 😡😡 هييييي دقيقة في شنو انتي مالك ..
ضحي : ما تدخلي انت ماف زول سألك .
الاء : بتدخل تدخلي في النار اوعك تتكلمي معاها فاهمة انتي معاي انا .
اجلال : الاء اهدي وانتي اوعك تمدي يدك قسم بالله بكسرا ليك ااي شي الا اخواتي 😡😡😡
ضحي : مابخليكم نهائي .. وبتشوفو ..
الاء : خلخل ضروسك اتخارجي من وشي ..
توسل : مالك يا بت في شنو .
الاء : السجم دي انا لو شفتها تاني ح اغيرها ليها ديكور وشها دة وطقم اسنانها بنزلو ليها ع الارض.
توسل . مالا هي عملت شنو .
اجلال : بري والله بس صدمناها وبقت تكورك ..
توسل : دي مجنونة ساي انسوها .
الاء : وين سبوحة .
توسل : احمد لاقانا في الطريق ومشو الكافتيريا التانية
- كسرة كدة مش قلت ليكم في (البارت الاول) سبوحة عنها معجب بس ياهو احمد دة ..
اجلال : اشي اياما والله .
-- ضحي طبعا مشت زعلانة وشوية كانت حا تفرقع من الغضب والزعل مشت لي صحبتها
امنية : 😳😳😳 دة شنو يا بت مالك .
ضحي : شفتي صحبة اخوك المجنونة دي (مجنونة انتي 😒😒 ) صدمتني وكشحت العصير فيني وبقت تتعاور . وما براها معاها بت تانية لكن اليصبرو لي الاتنين ما بخليهم .
امنية : اجي 😳😳😳😳 امكن ما شايفاك ..
ضحي : انتي ليه بتدافعي عنها صحبتي انا ولا هي انتي .
امنية : ما تجوطي يابت وتعلي لي صوتك فاهمة انا قلت يمكن دي شنو دي 😒😒😒😒😒 .. (امنية حبيتك يوووخ 😘😘😘 )
----
رشاد : (مكالمة هاتفية ) الووو عمر انت وين .
عمر : في السوق جاي ع الجامعة .
رشاد : تمام بتلاقيني في الكلية .
عمر : تمام . كسرة كدة عمر دة صاحب رشاد شديد الروح بالروح وهو جاي يقدم للماستر في الجامعة ..
ربع ساعة كدة وعمر وصل الكلية لقي رشاد قاعد .
رشاد : عمر .
عمر : اوووه رشاد كيفك ..
رشاد : الحمدلله .. بتتزكر البنت الحكيت ليك عنها بحبها لي سنة وما شفتها .
عمر : بتزكر ااي مالا.
رشاد : الليلة شفتها يا عمر ❤💔😔😔😔 .
عمر : شفتها وين 😳 قبلت انها تلاقيك .
رشاد : لا ما قبلت تلاقيني هيا بتقرا هنا وانا جيت درستهم المحاضرة لكن كلمتها انا جاي ادرس المحاضرة .
عمر : ياخ والله تمام ماشاءالله .
رشاد : ياخ لكن في مشكلة يا عمر 💔.
عمر : مشكلة شنو 😳
رشاد : اختها .. ( رشاد حكي لي عمر القصة كلها )
عمر : غلطان انت ليه ما وريتا انو اسمك رشاد لكن هشام دة في الشهادة بس .. لو كانت عارفة بالموضوع دة كان اختها مستحيل تحبك وتاني انت غلطان انت بتحب ليك واحدة بتلعب ببنات الناس مالك 😡😡 .
رشاد : انت جاي تزيد علي الوجع ولا تخفف عني حبة 😒😒😒 مؤكد الاء حكت لي اجلال عني ..
- امنية اللحظة ديك جات وطبعا قطعو الحديث كلو ..
امنية : سلام عليكم .
عمر : وعليكم السلام امنية ☺
طبعا عمر وامنية مدشدشين في بعض شديد بس ماف واحد فيهم عارف انو التاني مدشدش فيه .
امنية : كيفك يا عمر ☺☺
عمر : الحمدلله والله
-نرجع حبة لي شلتنا.
ونخلي عمر وامنية ورشاد يتونسو براحتهم ....
اجلال : عاوزة اسألك يا لولا .
الاء اتفضلي .
اجلال : انتي رشاد دة وينو للان ما شفتو 😒😒😒😒
الاء : رشاد 😳😳😳😳.
تابعوني 😍
يتبع ...
