توأم روحي

5

اجلال : مالك يا بت 😳😳😳😳😳 .
دكتور هشام : سلام عليكم ..انا استاذ هشام مبارك ح امسكم كورس الاقتصادية .. بدل الدكتور .. ان شاءالله احنا ح نواصل في محاضراتو طوالي .
الاء : 😳😳😳😳😳😳😳 "رشااااااااد .. اصلو ما بصدق . لالالالا ما بصدق رشاد ياهو هشام همتارو .. لالالا مستحيل ... كيف يبقي اسمو هشام طيب" 😢😢😢😢😢
- طبعا اللحظة ديك انا كانت فكاري ومشاعري واحاسيسي كلها ملخبة وجايطة ببعض وما عرفت اعمل ااي شي .. اجلال : الاء مالك يابت في شنو 😐...
الاء: اجلال انتي متأكدة دة همتارو ..
اجلال : والله همتارو قال لي ح يدرس هنا اصلا انا ما كلمتو هو الفتح الموضوع .
الاء : 💔💔💔💔💔 بقيت جايطة شديد تقول ضربتني صاقعة .
اجلال : ليه مالو في شنو ؟ .
الاء : ماف شي 😥😥😥😥😥😥
أ.هشام : انتي .. مالك بتتكلمي ..
الاء : انا 😳 .
هشام : اااي انتي اوعك تتكلمي تاني دة اخر انذار ليك تاني تتكلمي تطلعي برا طوالي .
الاء : 😳😳😳😳😳😳
- طبعا ما استحملت شلت شنطتي وطلعت زعلانة زعل شديد والله وملخبطة ماعارفة اعمل شنو ووو الا فكرت اتصل ب صحباتي توسل وتسابيح اتصلت ب توسل حوالي 5 مكالمات ماف رد قامت رسلت لي رسالة قالت احنا في محاضرة 😢😢😢😢😢😢😢 انا طبعا نسيت انهم في محاضرة .. طبعا مخنوقة خنقة شينة خلاص ما تتخيلو فجأة جاتني منو اتخيلو ..
امنية : ازيك .
الاء : اهلين.. طبعا من شفتها فكرت اسألها ابتسمت ليها ابتسامة عريضة كدة وقلت ليها عاوزة اسألك .
امنية : اتفضلي ☺
الاء : استاذ هشام ..
امنية : اااي مالو .
الاء : هو عندو اسمين .
امنية : ايوة هشام اسم في الشهادة ساي لكن الاسم المعروف بيه رشاد .
الاء : تسلمي يا امنية .
امنية : الله يسلمك ..
الاء : 😡😡😡😡😡😡😡😡 هو قايل نفسو منو قسم بالله ما اخليه يا انا يا هو 😡😡😡
بعد خمسة دقايق كدة جاني ليك طلال وانا طبعا اللحظة ديك كرهانة نفسي وجايطة شديد ...
كسرة كدة اعرفكم ب طلال .. طلال دة معاي في الدفعة بس ما نفس التخصص... مدشدش فيني شديد بس انا رافعة القزاز وما اديتو وش ومعتبراهو صديق مع انو زول محترم قمة في الاحترام زول شاطر كمان بس انا ما دخل مزاجي كحبيب ...
طلال : سلام .
الاء : وعليكم السلام طلال .
طلال : مالك شكلك مضايقة شديد وظاهر عليك من وشك .
- يا الله طبعا انا بالجد كنت محتاجة زول يسألني السؤال دة ما صدقت طبعا لقيت روحي لا إراديا بحكي وبفضفض في قلبي كلو شي شكل وشي كواريك مع يدين طالعة ونازلة بتكلم بكل حواسي ودة كلو لانو بالجد انا كنت مقفولة شديد لما حكيت لي طلال حتي ارتحت ..
لكن المشكلة انو طلال قلبو 💔 لكن ما اظهر لي كدة بس انا عارفة بكون كاتم شديد ..
طلال : انت بتحبي يعني ؟
الاء : احبو شنو يا طلال انا جد يعني دخل قلبي ❤❤ . طلال : واختك ؟
الاء : انا يستحيل ازعل *توأم روحي* بسبب فاشل ما بسوي قشرة بصلة انا بضحي عشانا بس هيا انا ما عاوزاهو يخدعا زي ما عمل معاي فهمت علي
طلال : فهمت عليك ... بس انتي اهدي شويه و اسمعيني ي الوية.. صح قلبك اتكسر عشانو وعارف كسرة القلب م ساهله.. لكن انتي لازم تكوني قوية.. م تزعلي عليه وتبكي.. عشان اختك محتاجاك... انتي لازم تحاولي تكشفي هو عاوز من اختك شنو.. يمكن ناوي ليها علي شر..دوسي على قلبك وخليك قويه عشانة وما تتكسري.. ولو احتجتي لاي حاجة.. حتلقيني معاك
الاء : 😐😐😐 " ....عاينت ليه مدة كدة وسرحت فيهو.. ياخ و الله طلال د اخو اخوان ..." واثناء سقوطي..اهتزاز روحي..وبعثرتي..امسك يدي بكامل قوته..شعرت بقبضته تنغرس في عظامي..ايقظني من حالة اللاوعي.. تاملت اوردة يديه البارزة.. كادت تنفجر..احسست بحرارة دمه تسري في عروقي..وكأنه يسقي بقايا ذاك القلب ليزهر..زاد احكام قبضته وقال..لن تنكسري..ساظل دوما ذاك العود الزي يسوي ساقكي..لتزهري مرتفعه التاج "
- اثناء ما بتكلم مع طلال انتهت المحاضرة ورشاد .. اقصد استاذ هشام طلع من القاعة بقيت بشوفو عشرة عشرة وما طايقة وشو نهائي و طلعت اختي ب وراهو ...
اجلال : استاذ هشام ..
رشاد : نعم .
اجلال : ماشاءالله تبارك الله درستا المحاضرة يا همتارو . رشاد : 😂😂😂 اجلال ؟ كيفك .
اجلال : تمام الحمدلله والله .
اجلال : اتعينت رسمي ولا شنو .
رشاد : لالا والله بس بدرس المادة دي وبرجع حياتي الطبيعية .
اجلال : لكن كنت قاسي والله طردت اختي 😠😠
رشاد : اختك منو 😶😶 .
اجلال : اختي الاء .
رشاد : الاء اختك 😳😳😳😳😳😳😳😳😳😳😳😳😳😳😳😳

رايكم شنو في الرواية "توأم روحي" دي للأن بصراحة كدة

❤خواطر ابتهال خوجلي❤