❤❤❤❤❤
طلال : تسلمي يا اجمل اخت ..
حنين : كدي اسي بطل كشكرة وخلينا نمشي للخطوة البعدها..
طلال : اوكي ..
حنين : اوكي في عينك انت مخسرني ساعة وعلاقة 😒😒
طلال : 😄😄😄 كتيرة علي ؟
حنين : ما كتيرة لكن برضووو خلاص اعتبرها حقت عيد ميلادك ما بجيب ليك لما يجي عيد الميلاد الحقيقي .
طلال : اتفقنا ...
نرجع لي شلتنا الزييت . طبعا فطرنا كلنا سوا و مشينا غسلنا ايدينا لما رجعنا لقينا حنين واقفة جمب بابا الكافتيريا ..
الاء : حنين
حنين : اهلين 🙁
الاء : 😐 اجي !! مالك مكرفسة وشك اكلتو ليك بقرة ؟
حنين : " جملة طلال زاااتا معناها المووضوع ماشي تمام 😊" ماف شي والله 😔
الاء : حنين معقول بتدسي علي فهميني في شنو
حنين : انا وطلال متخاصمين 😔😔
الاء : متخاصمين 😍... 😳 احم اقصد متخاصمين في شنو 😥 "ووب علي ان شاءالله ما تكون انتبهت .. انا زااتي بالغت والله دة شنو البعمل فيه دة "
حنين : (تضحك بسرها) " 😂😂 كلبة " كنت بشرح لي زميلي عادي .. جا احتج
الاء : اجي 😐 زول ما واثق فيك طوالي تسفهيو 😑😑
حنين : بس انا بحبو يا الوية
الاء : يحبك برص 😒😒 الولد ما عندو ثقة فيك
حنين : انا ماشة الكلية عندي موضوع كدة .. لي بعدين
الاء : خلاص تمام .. ان شاءالله
عاوزة ارجع للشلة كدة اجلال وامنية طالعين قلت ليهم ماشين امنية قالت لي عندي حاجة كدة عاوزة اجيبها واجي
قلت ليها خلاص تمام .. وانا رجعت لباقي شلتي ..
امنية : اجلال والله انا عاوزة اتكلم معاك بصراحة
اجلال : اتفضلي .. عن شنو
امنية : اخوي ناوي يتقدم ليك رسمي يا اجلال ..
اجلال : 😳😳😳😳 ااا ا دة موضوع منتهي 😔 .
امنية : جد والله حتي يوم كدة ناداني قال لي دايرك في موضوع ضروري . اصلا دي اول مرة تحصل قال لي والله عاجباني بنت وحكي لي القصة كلها انت والاء .. جد والله انا اول مرة احس بيه زول جادي كدة ..
اجلال : بس يا امنية لو اتختيتي في مكاني حا تعملي شنو
امنية : ماف زول معصوم من الخطا يا اجلال واهو اخوي عرف دربو وين واختارك انت ..
اجلال : ما عارفة اديني وقت بس ...
امنية : اكيد 😍 اخدي راحتك للاخر ..
اجلال : تسلمي حبيبة 😊
امنية : غواليك يا عسل . يلا تعالي نرجع للجماعة
امنية : ماانكون اتخرنا عليكم 😊
تسابيح : لا عادي ما اتأخرتو والله .. اتفضلي .
اجلال : " معقولة رشاد يتقدم لي 😐 تعملي شنو يا اجلال اسي انت جايطة شديد " ادمنته سراً..ولا ادري لادماني سبباً..فانا انثى ملتزمة.. لم تتزوق يوما كاس عينيه..ولم ارتوي من غموضه..لم اتزوق الا رشفات قليله من بحات صوته..وقليل من الكلمات ولكني وجدتني غارقه فيه الى حد الثمالة.. مدمنة انا ولا ارى لتوبتي منه سبيل ☺❤ "
قعدنا نتونس تاني كدة حوالي ساعة وقمنا طلعنا ماشيت ع البيت خلاص . انا انتبهت ع انو اجلال ساكتة مرة تتبسم براها ومرة عادي المهم ما شاركتنا كتير قمت سالتها
قلت ليها : اجلال مالك بتتسمي براك مالك جنيتي 🙂
قالت لي : لا ما بتبسم برااي بس بفكر في .. ..
طبعا انا قاطعتها وقلت ليها رشاد ؟
قالت لي .. ااي والله 😍 قال جاي تقدم لي ..
الاء : منوو . رشاد 😳
اجلال : ااي امنية قالت لي كلم امو وقال ليها هي .. انو لقي البنت البحبها عاوز يخطبها 😊😊 .
الاء : قلت ليها شنو .
اجلال : قلت ليها اديني فرصة افكر وقالت لي اخدي راحتك للاخر
الاء : عشان كدة وشك فهرد كدة وبقي مكوي 😂😂 ... اجلال انت بتحبيه الزول دة ما تعملي لي حركات ..
اجلال : بحبو ❤
الاء : طيب لو هو فعلا جادي الموضوع يصل لي امي نقول ليها في عريس جايك وكدة .
اجلال : استكيني يابت انا لسة ما اديت امنية كلمة
الاء : بس انت بتحبي تاني دايرة شنو
اجلال : بس انت بتكرهي .. انا ما عاوزة زول اهلي ما بحبو 😥
الاء : 😒 شوف السجم دي عليك الله يابت مالك ومالي انت انت بعدين اصلا كونو بقي زول جادي عشانك وعشان خاطرك انا احبو عشانك بس .
اجلال : ربنا يخليك لي ياخ 😍😍😍
الاء : 😂😂 امين ويخليك لي ..
طبعا الكلام دة كلو في الطريق من الشارع للبيت رغم الزول دة فعلا ما بطيقو لكن سبحان الله ما انزعجت من انو اختي ترتبط بيه في النهاية هي توأم روحي عديل وسعادتها بتمهمني اكتر من نفسي .
بعد وصلنا البيت لقينا اختي ابتهال واقفة جمب الباب ومبسوطة حد الانبساط .. تقول جاها عريس وقدر ما سألناها في شنو ابت تجاوب بس تقول لينا مفاجأة مفاجأة .. اها بس بقينا مستنين المفاجأة وقاعدين وماعارفنها ذاتو حا تحصل متين ..
بس اتغدينا ودخلنا جوا رقدنا حبة بعد المغرب كدة امي جابت الشاي .. تسلمي يا نبع الحنان ❤ .. شرينا الشاي وقاعدين نتونس . فجاة تلفوني رن اشوفو ليك القاهو طلال 😳 . طبعا ما قدرت ارد ما عارفة ليه مع اني نفسي ارد 😐.. اليوم البعدو مشينا الجامعة .. ما القاهو الا في وشي ..
طلال : كيف الوية
الاء : اهلين تمام الحمدلله
طلال : امس يا بومة مشتاق ليك كنت عاوز اتونس معاك ما بتردي علي ..
الاء : تتونس معاي عن شنو
طلال : ساي بس حبيت افضفض ليك ..
الاء : بامانة ما كنا حابة ارد عليك
طلال : صراحتك دي الوقعتني زااتو ❤ 😍
الاء : 😒😒 تقع اسنانك .. زول قال ليك ما حابي يرد عليك.. تقول لي صراحتك وما صراحتك مالو دمك ميت كدة .
طلال : بالعكس .. بس انا عشان عارف انو انت كان نفسك تردي علي بس عاملة تقيلة وما عارف ليه
الاء : 😳😳😳 .. عشان بتحب واحدة تانية انا رد لشنو
طلال : بس انا برتاح معاك انت يا الحبيبة .
الاء : طلال لو سمحت خلي بينا حدود .. ما ممكن ياخ . 😶
فجأة طلال بقي بعاين لي مساااافة بدون ما يرمش ومعاها ابتسامة كدة تجيب سكتة 😍 .. شفتو التركيز دة زااتو البخليني اتهابل واتمتم وعيني تطلع .
قمت مشيت خليتو دخلنا المحاضرة حقتنا وطلعنا لقينا رشاد واقف جمب الباب بتاع القاعة .
رشاد : اجلال ❤
اجلال : 😒 انت ماعندك شغل تقضيه 24 ساعة حايم بهنا .
رشاد : عشانك بس .
اجلال : انا ما فاضية ليك عندي مواضيع اهم منك
رشاد : بس انا ماعندي اهم منك . وبقي بعاين ليها
اجلال طبعا ما بتمسك روحها نزلت راسها علي الارض وتتبسم ومفتكراهو ما منتبه ليها . وهو مركز معاها وااتكسر كمان 😍😍 حتي انو اتضح ليه انها بدت تسامحو خلاص
رشاد : يلا وتيني انا ماشي ..
دور موترو وطلع ..
ما طلع من من الجامعة زي الناس
اعترض ليه بوكس رشاد عمل حادث ووقع 😨😨😨
يتبع...
😍 خواطر المبدعة ابتهال خوجلي 😍
