❤❤❤❤
اجلال : هشام .
هشام : معاك 😕.
اجلال : نمشي الكافتيريا .. ليه هنا الجو ظريف والله .
هشام : في الحقيقة هنا مكان ما مناسب رايك شنو نغير المكان .
اجلال : تمام ما عندك مشكلة .
هشام : 😑 "دي الجابة هنا شنو كمان" ..
طبعا في اثنا ما اجلال ورشاد ماشين صادفتهم ضحي في الطريق .
ضحى : 😒😒😒 غايتو اخو امنية دة بس مباري البنتين ديل .. انا لازم اشوف لي طريقة اقطع علاقتو بيهم 🤔🤔🤔 .. لكن كيف ؟ 😐😐...
- ضحي طوالي مشت لي امنية اختو .. اصلا هي كدة صاحبة امنية عشانو هو وهي مكسرة فيه كاسر ضلعها وعظامها ديل قاسمهم ليها النص عظمة عظمة .. يعني لو الانسان عندو 206 عظمة.. هي بقي عندها 412 😑من شدة ما مكسرة فيه ..
ضحى : امنية.. طبعا ما وريتك
امنية : شنو 😐 .
ضحى : رشاد الليلة معاهو البنت التانية اخت الاء
امنية : وبعدين .. مطلوب مني شنو .. اشاكلو اقول ليه امشي مع واحدة ما تمشي مع التانية 😒
يلا امنية اصلا بدت تحس انو ضحى دي ما صاحبتها ساي لسواد عيونا .. لانو ونستها كلها رشاد .
ضحى : امنية انت مالك يختي اليومين ديل معاي ما طبيعية
امنية : انا ولا انت طوال الوقت رشاد رشاد .. ياخ زهجتيني في رشاد زااتو
ضحى : 😕 كدة مش طيب يا ستي .. "بتشوفي يا امنية الحاعملو فيك ماعملو زول تاني قبل كدة"
طلال : الوية ح تمشي الرحلة.
الاء : ياتو رحلة ؟.
طلال : 😕 الرحلة عاملنها ناس الجامعة. الاء : اجي ¡¡ 😳 ناس الجامعة عاملين رحلة.. متين ووين؟؟ . طلال : ما حددو لسة والله لكن هي مؤكدة .
الاء : اكيد ح امشي طبعا .
طلال : 😂😂😂😂😂 .
بعد ونسة ظريفة كدة رجعنا الكافتيريا لقينا سبوحة جات .
الاء : يابت يا الليلة خلطتي كتير يختي .
تسابيح : 😂😂😂😂 .
توسل : ااي عشان كدة جات وشها مورد .
الاء : ااي 😄 .
تسابيح : شوفي الصدمة.. اتخيلي دي خطيبها جاي اجازة 3 شهور قال عاوز يعمل العرس طوالي .
الاء : 😳😳😳😳 انت جادة يابت .
توسل : ااي والله قلت ليه اتفاهم مع الاهل في الكلام دة .
الاء : اجي ؟؟ يعني ح تتزوجي قبل ما تخلصي 😳😳😳😳
. بنتكلم كدة جات اجلال .
اجلال : دي منو الحا تتزوج قبل ما تخلص؟ .
تسابيح : توسل .
اجلال : 😳😳😳😳 كيف الكلام دة .
الاء : تخيلي بس قال عندو 3 شهور اجازة عشان كدة مستعجل يختي .
اجلال : ما جادي في حياتو طبعا خطيبك دة .
توسل : انتو ما كنتو بتشاكلوني قبل يومين وكنتو بتقولو لي علي الاقل واحدة متزوجة في الشلة وماعارفة شنو .
تسابيح : 😅😅😅
- طبعا خلص دوامنا في الجامعة ومحاضراتنا ورجعنا البيت ونفس الروتين اتغدينا انا وامي واختي اجلال واختي ابتهال احنا 3 بنات بس ابتهال صغيرا في الثانوي و جينا انا واجلال قرينا حبة لكن طبعا انا شخصياً ما كنت مركزة ولا فاهمة اي حاجة ...
اجلال : الاء ... الوية
الاء : نعم يا اجلال
اجلال : مالك الليلة في شنو ما عاجباني 😓 .
الاء : مافي شي والله .. انت عارفة انا لما يطردوني من محاضرة .. والبنت الاسمها ضحى دي .. يعني اليوم كلو ما علي بعضو كدة .
اجلال : امممم 😐😐😐.. "انا ليه حاسة انو في شى تاني"
الاء : عاوزة اسألك يا اجلال
اجلال : اسألي
الاء : جلو انت هشام دة بتحبي
اجلال : كان حبيتو يا هبلة كنتي اول زول عرف .. معقولة بس دة سؤال ليك.. لكن والله يا الوية بحب اتكلم معاهو .. يعني اليوم ما اتكلم معاهو بحس انو يومي ناقص ياخ 😊 .
الاء : 😓 "لا باين حبتو"
- جا تاني يوم من الصباح لبسنا وجهزنا وجينا. كل واحدة فينا اتجهت للقاعة حقتا وانا واجلال مشينا قاعتنا حضرنا محاضرتنا طبعا انا لا انتبهت في المحاضرة ولا شي ولا عارفة ذاتو الدكتور قال شنو المهم المحاضرة انتهت وطلعنا جاني طلال . بقي بتونس معاي.
طلال صباح النور
الاء صباح الخير طلال
اجلال : صباح الخير
اجلال : انا ح اتقدم كدة لي قاعة تسابيح .
الاء : تمام .
اجلال في اثناء ما هي ماشة كدة لاقتا ضحي .
ضحي : يا بت .
اجلال : 😒😒 نعم .
ضحي : شايفاك امس مع رشاد .
اجلال : رشاد منو 🤔 .
ضحي : ههههههههههااي رشاد منو ؟ الولد الكنتي قاعدة معاهو في الكافتيريا .
اجلال : 😒 اها مالك بيه بتعرفي ؟ وبعدين ما اسمو رشاد .
ضحي : ليه غاشيك ولا شنو دة رشاد يختي ولد عميد الكلية واخو امنية وفي نفس الوقت صديق اختك "باين عليها ما بتعرف انو كان مع اختها"
اجلال : كيف يعني ... 😱😱😱😱😱 .
يتبع...
