❤❤❤❤❤
انا واختي مشينا قعدنا نقرا حبة المواد حد كترت علينا المهم قررنا نقرا يعني اشرح ليها وتشرح لي وكدة لحد ما سبوحة وسولا يطلعو من المحاضرة .. بعد شوية كدة تلفوني جات فيه رسالة SMS .. وانا عاملة نغمة الرسايل طويلة حبة 😄. ومزعجة ياخ المهم اجلال
قالت لي : يابت صمتي التلفون دة احنا بنقرا وخلي بالك معاي هنا انا بشرح ..
قلت ليها والله انا منتبهة معاك دقيقة بس اصمتو ..
المهم انا فتحت التلفون عشان اعملو صامت انتبهت على الرسالة وكانت من طلال وكان مكتوب فيها _حلاتك وانت بتقري_ انا طبعا عيوني فتحو كدة 😳 وبقيت بتلفت يعني اشوفو قاعد وين ..
اجلال : بتتلفتي في شنو يا الوية .
الاء : طلال قاعد وين .
اجلال : طلال حبيب حنين ولا منو
الاء : 😒 يااهو
- طبعا فكرة انو حبيب حنين دي ما عااوزة تركب لي في راسي نهائي 😖وجني بقوم لما اسمع السيرة دي وبتضايق ولي شنو انا ما عارفة ما عنو الموضوع عادي وطلال مجرد صديق بس .
اجلال : سبحان يا الوية طلال دة تشوفيه كدة نهائي ما بتتخيلي انو بحب حنين . يعني لسة في بالي فكرة زماااان ديك انو بحبك انت بس حنين دي جديدة شوية لسة ما اتعودنا .
الاء : 🙂 والله ولا انا ما قادرة كدة تركب لي . 😳😳 تاني رسالة منو ..
اجلال : هي الاولى كان مكتوب فيها شنو ما وريتيني
الاء : دقيقة بس دي مكتوب فيهااا "تعالي لي انا جمب القاعة 7" (قرتها بسرها)
اجلال : مكتوب فيها شنو يابت .
الاء : قال لي تعالي دقيقة بس .. امشي واجي
طبعا قمت مشيت ليه جمب القاعة 7 . وكالعادة لبس الجزمة والقميص نفس اللون ياخ بعقد عديل .
طلال : وويين الوية
الاء : تمام قاعدة اخبارك
طلال : بخير الحمدلله .. مشتاق ليك بس
الاء : 😳 في عينك 😒
طلال : 😄 ليه ياخ .
الاء : كيف يعني تقول لي مشتاق ليك وانت بتحب صحبتي وتاني زاتو ما ترسل لي تعالي كل مرة حا تشك فيني زااتو .
طلال : رووووقي .. ما حاتشك فيك انا كلمتها قلت ليها مشتاق لي الوية ماشي اتونس معاها
الاء : بالواضح كدة 😳
طلال : اكيد مافي شي بندسو علي بعض ..
الاء : ربنا يخليكم ل ل لي .... بعض 😔
طلال : ويخليك لينا كمان .
الاء : امين
طلال : اخبار اختك شنو وكيف الزول داك.. لسة بتحبي؟
الاء : لا ما بحبو ياخ انا اكتشفت انو اصلا كان عاجبني شكلو بس وما مهم الشكل مهم الجوهر يا طلال .. لما البنت تلقي الزول البحبها والبحترمها والبرفها فوق راسو تاني مابتكون عاوزة حاجة .
طلال : في قواميسي م عادت المسافات هي نفسها المسافات...
كل م يهمني هي تلك المسافه بيني و بينك
ولا عاد الزمن هو ذاته
كل م يعنيني هي اوقاتي بقربك
لم تعد تخصني تلك الزكريات الخاليه منك..
وكل لحظة بدونك هي خارجة عن زماني
م عاد شروق الشمس بدايه يومي مثلهم
يبدا يومي فقط عندما تشرق عيناك ❤
الاء : طبعا من بعد سمعت القالو الشعر دة قلبي كان حا يطير دقة عدد دقات 5 دقايق في دقيقة واحدة ... بقيت مصدومة وما وشبه وعاية كدة
طلال : الوية ..
الاء : نعم .. امم كلام حلو .. حنين محظوظة - طبعا انا متوترة وحاسة اني بتهابل كدة بس الله يستر -
طلال : محظوظة السمعتو انا ما قلتو لي حنين لسة
الاء : اها ايواا كتبتو انت ..
طلال : لا ما كتبتو انا .. في كاتبة اسمها ابتهال اسمعتي بيها
الاء : اختي برضو اسمها ابتهال .
طلال : بالله .. والله كنت قايل اسمها اجلال
الاء : 😂 لا يا غبي اختناالصغيرة اسمها ابتهال اجلال دي ياها البتعرفها انت ..
طلال : 😂😂 اهاا .. عندك كم اخت وكم اخ
طلال : احنا 3 بنات وولد واحد . احمد الكبير اتخرج وشغال في الامارات مع ابوي هناك ما متزوج بعدو انا حتي اجلال انا واجلال فرقنا سنة بس حتي ابتهال الصغيرة وماما .
طلال : ماشاءالله ربنا يحفظكم يارب
الاء : امين يارب ... اااااا 😲😲😲
فجأة صرخت طلال اتخلع ..
طلال : مالك يا مجنونة في شنوو 😳
الاء : بسببك انا نسيت اختي قاعدة تقرا براها اسي حا تكفتني والله ما اخليك كلو بتفشى فيك اصبر بس
طلال : 😂😂😂 دة كلو صريخ عشان نسيتي اختك 😒😒
المرة الجاية راعي لمشاعر الناس الواقفة معاك يا مجنونة
الاء : معليش ياخ 😂 يلا مع السلامة
طلال : 😂 مجنووووونة برضوو
طبعا رجعت لي اجلال لقيت وشها ما بتفسر عاوزة تخنقني شوية كدة وتشوتي برا
اجلال : اها ياست الناس اتونستي .. وقضيتي ونستك ونسيتيني انا .
الاء : 😊 معليش ..
اجلال : ما معليش بس الليلة تفطريني 😒
الاء : ما كمان تنداحي كدة كل يوم اصلو 😒
ااجلال : 😂😂😂 .. اها خلينا في الموضوع المهم .. طلال عاوز شنو انت عارفة من مشيتي تميتي كم 😒
الاء : 😅😅
اجلال : توسل وتسابيح فضل ليهم دقيقتين يطلعو
بعد طلعو طوالي جرينا الكافتيريا امنية صادفتنا هناك
امنية : سلام عليكم
الجميع : وعليكم السلام
امنية : ممكن اقعد
تسابيح : اتفضلي طوالي ماعندك مشكلة
امنية : تسلم يا جميل انت
ياخ امنية دي لما تشوفها كدة ساي قلبك ينشرح وتحس اليوم دة حلو زولة كدة تتحب لوجه الله 😍 بامانة رغم انها اخت الزول البشمو لكن انا حبيتها هي في شخصها وذاتها وتقريبا كلنا حبيناها ... عسل تنخت في الجرح يبري طوالي وقلبها ابيض
يلا بس جات قعدت معانا ..
بقينا نتونس نتونس ونضحك زي الينا شهر كاااااامل ما ضحكنا وتوسل حال السرور عزمتنا عصير .. غايتو ما بعرف كرم منها ولا عشان امنية ولا في شي تاني المهم دي اول مرة تحصل غايتو 😂😂😂 . يلا بس امنية فجأة سرحت بعيد وبقت تتبسم براها .. وانحنا نعجبكم كلنا محل ما هي مركز قبلنا .. شمارات عالية بعيد عنكم .
تسابيح : حلوووو زولك عجيب
امنية : 😂 لا ياخ ما زولي ولا شي
الاء : حبيبة عيونك قالت وخلاص مافي داعي تنكري .. ايزي الموضوع
توسل : والله شكلو شخصية 😉
اجلال : اجي كان ما مخطوبة انتي كان عملتي شنووو .
- 😂😂 كلنا طبعا بقينا نضحك
امنية : والله ممكن تقولو كدة حب من طرف بس لكن بامانة بديت احس انو هو كمان مركز معاي
اجلال : شكلو ما من هنا باين عليه ... شغال وين واسمو منو
امنية : اسمو عمر صاحب اخوي الروح بالروح .. شغال في شركة .. حاليا بعمل في الماستر ادارة اعمال .. عندنا هنا .
- ماشاءالله تبارك الله .
امنية : تسلموو .. بس ضحي الواطية ماسكاهو لي اليومين ديل .. بعدين اخوي لو عرف بقطع رقبتي .. هشان كدة اخير من بعيد لي بعيد احسن .
تسابيح : اهااا . بتتحل بأذن الله وان شاءالله يكون قسمتك .
كلنا : ان شاءالله يارب
توسل : تعالي هنا انت الليلة المعنويات المرتفعة دي وتتبسمي براك في شنو يختي
الاء : انا 😁
توسل : لا انا 😒
الاء : والله مافي شي 😄 بس ساي اليوم حلوو ومكيفني بس . 😍...
نمشي نشوف طلال وحنين حبة
طلال : حنين والله انت الله يديك العافية
حنين : اللهم امين يارب . جمعا في شنو
طلال : حنين تسلمي لانك في حياتي ربنا يكتر منك ياخ .😂
حنين : 😒 انا واحدة وما بتكرر 😏 اها الجديد شنو
طلال : جديدي حلو.. وخطتك احلا 😍 تسلمي حبيبة .
حنين : ولو يا طلال نحن اصحاب في النهاية وجابة اساعدك الاء اساسا من زماان بتحبك بس براها الفكرة ما ركبت ليها كان .. لكن اسي حا تركب . وانا عشان هي ذاتها صحبتي والله وبحبها شديد وبتمني ليها كل خير وانا لو ما عارفة انك زول كويس وصادق ما كنت ساعدتك ..
يتبع ...
💕 خواطر ابتهال خوجلي 💕
