❤❤❤❤❤
اجلال : كيف يعني يا بت الكلام القلتي دة انا بتكلم معاك
ضحى : عديل كدة انت ما عارفة بالمعلومة دي معناها الولد بكذب عليك بس.. دة ياهو رشاد
اجلال : 😳😳😳 "يعني عشان كدة الاء ليها يومين ما طبيعية ... لكن ليه ما كلمتني 😢.. ليه بس"
- طبعا اجلال بدون شعور ما ردت علي ضحى ومشت خلتها واقفة وبدت تتذكر كل البحصل دة وانها سألتي وما رديت عليها لحد ما وصلت قاعة تسابيح
تسابيح : جلولة مالك يختي ما ادوكم محاضرة .
اجلال : شنو 😓؟
تسابيح : مالك انت في شنو وشك منفوخ كدة
اجلال : انت كنتي عارفة انو رشاد ياهو استاذ هشام صح ؟
تسابيح : 😨😨😨 انت ما جادة .. هشام ياهو رشاد ..
اجلال : اممم ما عارفة يعني .. 😓 💔
تسابيح : لا طبعا صدمتيني والله .
اجلال : 😐😐😐
تسابيح : تلفونك بيضرب
اجلال : 😳 دة هشام .. الووو
هشام : صباح الخير يا قلب
اجلال : اهلين 😑
هشام : مالك باين عليك متضايقة من صوتك
اجلال : ماف شي بس تاني ما تتصل علي لو سمحت ..
هشام : 😳😳 كيف الكلام دة
اجلال : عديل كدة .
هشام : لا فهميني الحاصل
اجلال : ماف شي حاصل ... مع السلامة
تسابيح : 😐😐😐
اجلال : "وفي لحظه ما.. نبدا من جديد.. تتملكنا لحظات وعي و نرى من حولنا بمنظور مختلف.. تتغير معظم افكارنا تجاه من نتعامل معهم.. نراهم بشكلهم الخام.. مجردين من اضواء البدايات المبهرة " 😔😔😔
اجلال قفلت الخط في وش هشام خلت ليكم خشمو ملح ملح وبليمون كمان ومعاها حبة شطة .. بالاضافة لي انها قفلت تلفونها.. عشان ما يحاول يتصل تاني
من الجهة التانية كان هشام وصاحبو عمر مع بعض ..
هشام : 😕 انت عارف حصل الفي بالي
عمر : حصل شنو
هشام : الاء حكت لي اجلال عني ..😐
عمر : 😐😐😐.
انت في داعي من البداية تقول لي الاء انك بتحبها وما ادراك ... رشاد انا ما بقدر اقول ليك حاجة انت بتحب اجلال .. تمشي تتلاعب مع البنات مالك .. اها شفت عشان عمايلك دي وقعت مع اختها
هشام : تسلم والله .. دايما قاعد تطمني 😒😒.
عمر : طبعا اجلال حا تكون قايلاك بتلعب بيها هي زاتا .
هشام : اكيد .. 💔
- انا طبعا دخلت القاعة وحجزت لي اجلال معاي ومستنياها تجي لانو وقت المحاضرة جا خلاص الساعة 10 بتبدا و10 جات خلاص .
الاء : ياربي اجلال اتأخرت كدة مالها .. وتلفونها مغلق 😐
😨 الدكتور جا داخل سجمي .
دقيقة يا دكتور انادي اختي معليش
الدكتور : اتفضلي .. واسرعي
الاء : حااضر .
طلعت برا القاعة وعاوزة اتجه لقاعة تسابيح بس لمحتها جاية من بعيد .. ماشة علي راحتها وكأنو وقت المحاضرة ما جا 😐 .. المهم قمت مشيت عليها ..
الاء : اجلال يابت اسرعي . الدكتور دخل
اجلال : 😐 ليه ما كلمتيني يا الاء ..
الاء : بشنو ما كلمتك 😳.
اجلال : هشام ياهو رشاد ذاااتو
الاء : 😨😨😨.. ال ال القال ليك منو
اجلال : ما عليك بالقال لي .. انا اسمع من الناس وانت اختي ما ورتيني .. مع اني سألتك كذا مرة .
الاء : 😐
اجلال : انت عارفة انا زعلانة منك اكتر ما زعلانة منو هو اصلا هو ما فارق معاي ما بهمني بتهميني انت يعني لو قلتي لي هشام دة ياهو رشاد البتحبه كان دقيتك مثلا 😥 .. بالعكس كنت عشان تكوني مبسوطة حا اقيف معاك وكنت حا اساعدك كمان .
الاء : انا كمان فكرت زيك كدة حبيبتي ... انا عارفة اكتر منك انك بتحبي لهشام .. والله انا بس زولة غبية شديد خفتك تزعلي بس وقلبك ينكسر بسببو عشان كدة ما وريتك .
"انا كنت متأكد رشاد الغبي حا يحكي ليها 😡.. لكن الحمدلله كنت متأكدة اختي عسل بس 😢❤"
اجلال : 😊❤ حلوو بس برضو زعلانة منك بقي فيها اسرار وكتمان بينا .
الاء : 😄 تاني عمرو ما حايحصل كدة وما عشان ما زعلك حبيبتي انا ❤.
اجلال : والله ما بعرف يا زولة لاتحبيني ولا احبك .. عاوظة تراضيني اعزميني فطور وبارد بس 😉
الاء : 😄😄😍 عيوني . (المحاضرة يا عالم 😓)
اجلال : 😨😨 المحاضرة
الاء : 😱 اووووب نسبتها .
ضحي وامنية يادوب طلعو من محاضرتهم ومشو ع المكتبات .
امنية : ضحى انا ماشة اشتري شيت من المكتبة .
ضحى : امشي انا حا استناك جمب الكولر ...
"انا عاوزة طريقة اخلي فيها امنية تقربني من رشاد 😑"
😏😏😏😏
امنية : جيت ... جيت هووي
ضحي : اااا ماكنت منتبهة
امنية : سرحانة وين
ضحى : سرحانة في رشاد 😐
امنية : ايوااا 😊 .
ضحى : عايني انا حا اتكلم معاك بوضوح .. جد انا بحب رشاد ومكسرني وانت عارفة كدة 😐.
امنية : وتاني ؟
ضحى : يعني انت حاولي خليه ينتبه لي مثلا
امنية : مجنونة انت ...
ضحى : ااي انا مجنونة وعادي ممكن جنوني يوصلني لي رشاد وكلمو بقصتك انت وعمر 😏😏
امنية : 😏😏😏 كلميه ما فارقة معاي 😊
ضحي : اوكي 😏 يلا باي ...
امنية : باي 😳😳😳😳
يتبع..
❤خاطرة من خواطر الكاتبة ابتهال خوجلي❤
