كذبتي الصادقة❤

الاخير ❤

مع وصول قصتي للمركز الاول حتنتهي مع الاسف ..😥

صوتولي لاخر مره 😘😘بلا سجاجين ولا دعوات احبكم اني كلش كلش هواي ❤❤

صفا:
دوامي بحضانة للاطفال شويه خفف من صدمتي وحاجتي لطفل ..بعد ما اجهضت الطفل الثاني بديت اميل للكأبه والقلق من عدم مقدرتي على انجاب طفل ...كلام طبيبتي خوفني اكثر طبيعة رحمي ما متقبله لطفل واصلا كان ميت قبل لا اجهضه بايام ..متت بجي ..ما دريت بي ولا حسيت بحملي ...اصلا لو ما المشكلة كان بقيت شايله طفل ميت بأحشائي وكان ممكن يصير عندي تسمم الحمل ...

وقاص ما ردت اشوفه وفعلا فتره طويله ما شفته ...يدز امه وصبا ويدز وياهم فلوس لو يجي وضاح يحاجيني ارجع واخرها اجو اهله كلهم يرجعوني واني عاندت ..بابا شهاب ما تدخل بمشاكلنا ابدا وماما تنصحني بالرجوع وتكول ما تسوى ومو بسببه سقطتي وكل رجل ومراه تصير بينهم مشاكل ...زين وحبسه ومنعه الي وضربه كلهن حجيتهم ..بابا ملتزم الصمت ..وماما تهون الامور وتكول تصير ..

رفضت ارجع وبقيت مو كرها بي بس هو مت كلف نفسه واجا اعتذر لو كال شي ...بالعكس زاد بالغلو والعتاد ورافض يعتىف هو غلط...اخر شخص اجاني كانت جدته ...وكان حديثنا جدا شيق هو المفروض جايبها ترجعني اله وتردني لبيته بس اللي صار هو المضحك....كان حديثي معاها كله غريب كالت الي
-صفا لا ترجعين ابد ..خلي يعرف غلطه وهو يجي يلا ترجعين..هو حفيدي وحبيبي بس ما ارضى هيج اله..لمصلحتج ومصلحته تبقين هنا فتره ..خلي يحس بذنبه

-اي طبعا ما ارجع بعد
-اي ادري 😏
-بيبي شبيج ما مقتنعه بكلامي ههه...
-اعرفج خايبه بوستين تغنيله وياك اروحن ...
-ههههه

-باعي ..شنو انت تتغلين عليه وتتعززين شكد مجالج اتعززي عليه ..خليه يتوسلج
-ههه بيبي وقاص يتوسل!!

-ولج اي يالفاهية من توصل يمج يتوسل...تره وضعه مو عاجبني ..اريده يتبدل ..علاقته بامه لازم تتصلح ..ترجعون منا غير شكل وقاص تخربطت حياته من زمان ..وما كاعد ترجع
-وترجع براسي بيبي؟؟

-لا ما افتهمتي هو يحبج واجاني لهناك اجي واكولج ارجعيله واني اكولج لا ترجعيله الا تشوفيه النجوم بعز الضحى ...علميه مو كل شي يريده حاضر وسهل رجلج يريدله دروس ...

بعدنا نسولف فاتت امي شايله الضيافة اشو الحجيه انقلبت وياي
-يعني مترضين ترجعين ..بنتي رجلج جابني مناك لهنا لا تفشليني..تغمز الي بعينها من وره ماما
-لا بيبي جيتج غاليه عليه ..بس ما اكدر ارجع هسه اني تعبانه واريد ارتاح فتره

-خوش لعد اني اترخص وراي روحه اشوف البنات وارجع لبيتي
امي جلبت بيها وما قبلت تكعد وراحت ..واجتي امي تحجي عليه ..جدتهم كلش مره معروفه ومهيوبه بين الناس ..ما رادتها تطلع من بيتنا متفشلة..ما كلت الها كلامها لان هي بحركتها الاخيره فهمت الكلام يبقى بيني وبينها