كذبتي الصادقة❤

٣١

جزء ٣٠٠٠ كلمه تعويضي

البارحه كنت مريضه جدا اعتذر حبايبي😘😘

نهى:

بحفلة الحنة وبزحمة الناس اجتني صفا تضحك شايله موبايلها ..تشوفني محمد يركص مدري منو داز الها مقطع هو ووضاح متكابلين بملابس بيتيه ملونه شورت وفانيلا حمرا بلا ردن ..كان المقطع بمحل الحلاقه ووياه هواي شباب اصدقاءه ...شويه وانهزم من الحفله ..عزااا بعيني هذا شلون يهز!!!هالنوب وضاح اضبط بعد
-ولج صفا هذا يركص

-ايي فدوووة لعمره شوفيه شلون فرحان فدوة
-ولج يا فرحان هذا يعرف يركص
غمزتلي بطرف عينها وحجت بضحكه سخيفه مثلها

-اي يعرف وهسه يعلمج فد ساعات وتركصون سويه انت وياه
-ادب شويه ادب والله اكول لماما عليج شنو هالسوالف المستهترة

هزتلي كتفها تركص وراحت بالنص وتسويلي حركات مثل اللي شفناهم بالمقطع ..كله اغاني من هاي السريعه من بين ايديه وراح مني ...وهي منطلقه...صبا كاعده يمي وساكته وبس تبتسم حبيبتي وصلت بشهرها الثامن وبطنها شكبرها ..عمتها دزتها النا لان همه هم بيتهم هوسه وحفلة بنتهم وخافت عليها دزتها لماما قبل الحفلة اليوم يمي وباجر يمهم خايفين عليها وتوصي بينا عليها عنايه خاصه معتنيه بيها لان عدها مشاكل قويه كانت ويريدوها تكمل هالشهر بخير...

باوعت الها وحجيت
-صباوي اتصلي بوضاح اسأليه شوكت يجون
-ما اتصل شعندي متصله بي

-لخاطري الله عليج ..
-مااا
-صباااا

-همه يجون اثكلي شكو متصركعه عالعرس 😒
باوعت الها بمثل نظرتها وصديت ...فوك ما هي فهاوة صايره كأبه الله يساعدك وضيحان...

جرت موبايلها ومدري شنو رسلت ورجعت ضمته ثواني ورد عليها اريد اشوف شكاتب توديه بعيد عن نظري ...عابت شلون اخوات صايرات...سدته وسكتت
-هااا شكال

-بالطريق !!
-بالطريق شكو ما تحجين ....ارتبكت وبقيت افرك بايديه

-اكول حتى تتخبلين مثل هاي ولج ما ياكل تره ...اكولج نهى ..تقربت وطبكت وياي كلش متذكره سالفه
-كولي

-محمد هم .......
شاورتني بكلمات قليلة ادب ما اكدر اكولهم حتى محمد ما حاجي وياي مثلهم ..باوعت الها باشمئزاز

-لا ..لا طبعا ...بالواقع الاجابه نعم ..بس شراح تكول عني اذا اكدت كلامها
-وضاح قبل لا يخطبني سواها

صديت الها بصدمه
-شوكت ؟؟؟

-من رحنا اني وماما نجيب ملابسج مره منه من نزعتي الاسود
-ايا جليلين الحيا ..وانت شسويتي

-ما سويت ..شسويله يعني
-يمه شكد فطيره انت ليش ما ضربتيه
-منو ضاربه قبله واضربه 😒عود نشوفج عيني جاكي شان

-عوفينا...شلونه وياج هسه
-يعني شلون
-يعني علاقتكم

-أخويه بحتة ..امه ما ترضى يفوت عليه بالغرفة وابقى وحدي وياه ..ابتسمت ودنكت عرفت جافصتها اختي واعرفها
-اطلعي بالمفيد صبا