كذبتي الصادقة❤

٢٩

نهى:

كاعده بغرفتي ودا اسولف ويه محمد ...كال حجي لبيتكم ...كمت كلت لماما لان بابا طالع لديالى ...هي كيفت
-اي همزين جنت شايله هم اريد اروح اشوف صباوي صار ايام ما ادري شبيها احس صوتها تعبان وصفا تكول ما ترد عليه

-اي ماما اني هم قبل يومين لحيت بالاتصال الا ردت ومن ردت صوتها كوه يطلع خاف مريضه بيها شي مام لا تعوفيها هالمره خطيه
-اي حنروح الها اني وصفا هسه نشوفها كولي لمحمد يوصلنا اذا اجا
-ماما مو محمد يريد يجي الي!!!

-اي ابقي وياه هي شويه وراجعات شكو يعني واخوانج يمج قابل ياكلج ..محمد خوش ولد واني مامنه بي كلش ..حتى يمج ما يكعد ولد مؤدب وثكيل ويحترم ابوج اذا موجود انتبه عليه حتى يستحي يباوعلج
باوعت لامي بطرف عيني والله لو تدرين الخوش ولد هاي كدامهم يكعد بعيد عني وما يقبل نكعد وحدنا عبالها ثكيل ويستحي هاي منو اليستحي خرب حظي... ما تدري يخاف ينفضح ما يكدر يلزم نفسه ...صار مده عاندت بعد اطلع وياه من سالفة الكلينكس 

...طلعت ماما وصفا هو وصلهن ورجع يمنا ..مهدي شويه كبر وصار يفتهم ...اصلا مفتح حيل وماخذ دور زلمة البيت بغياب بابا...كعد النا مثل الراعي بين ذيب وغنمات حتى حجي ما كدر يحجي وياي محمد لطش يمه وضل يسولف وياه على كارتونات سبيس تون ومحمد يفرك بوجهه معصب بس ساكت وكل شويه ياشرلي بايده بتهديد

...تاخروا ماما وصفا وصار المغرب وبابا اصلا بايت اليوم بديالى يم بيبي ...بقى ويانا بالبيت ..اتصلت بيهم وسمعت بحمل صبا ..طرت فرح واخيرا حصير خاله ..حبايبي ربي يسعدهم ويهدي النفوس ويجمعهم بهذا الطفل بس لما سمعت بيها نازفه انقهرت وخفت عليها ربي يكمل الها على خير ويفرحها...سديته منها ..محمد يباوع الي

-هاا خير؟؟
-صبا حامل وشويه متخربطه ماخذيها مستشفى ..شويه يتأخرون لما تكمل علاجها ويرجعهم وضاح
-ههه ما شاء الله والله فرحت الهم واخيرا اختج ام راس يابس دمرته للولد
-اي عود هو مقصر ! 

-شمسوي رجال ومن حقه يتزوج حتى لو منقطع
-هااا يعني انت اذا ازعل لو اتمرض تسويها ..طنكرت عليه وصديت ..كام واجا يمي يضحك
-ولج لو شيجي بعد ما اسويها ..مو زين حصلت هيج حوريه اشكر ربي واسكت

-يعني مسويها ...هااا اوكف شكو دسالك اصلا هاي يجوز تعلومك انت منين يجيب هالسوالف وضاح

-ايبه شريف اكولج ينكط عفة واني دنسته ..تره ابن عمج جرني لهالسوالف الطايح حظها على كولة اختج ابو قياسات
زعلت منه سويت روحي ما اريد احجي 

-رحت للمطبخ اسويلهم عشى لحكني بحجة يساعدني وعباله يختلي بيه ...لحكونا هدهد وكروش وكعدوا بصفه منا ومنا ههه اباوع عليه يريد ينفجر يمكن لو ما يدريني ازعل الا يكتلهم ...سويت الهم صاج لحم وكبسته وحضرت الصينية وجاي وسلطات ..اتحرك بالمطبخ وعيونه معلكات بيه ثولني حتى حسيت الاكله ما طلعت مثل كل مره اسويها