بارت دسم اكثر من ٣٠٠ كلمه ..يلا 👿👿🔪😈
نهى:
انتقالي لبغداد كان تغيير جذري بحياتي ..قدمت دراسات وبديت اداوم وتعرفت على ناس جدد وصديقات اكثر ..بده الوضع يتغير بالنسبة الي وصرت اسعد...
اكثر شي ساعدني وجود وضاح حوالينا ...الاخ اللي تركناه من كنا صغار كبر وصاير زلمه وسند وفعلا تندمت ما تواصلت وياه خلال سنوات مرت ..هواي ساعدني وطلع وياي للكلية ووصلني لمكانات ما اندلها وعرفني على ناس يعرفهم بالكلية فادتني علاقاته كلش وعلاقات وقاص اكثر رغم ما شفته ولا التقيت بي غير مرات قليلة ...
امي رادت حياتي تكون طبيعية واقترحت انزع الاسود ..عاندت واعترضت بس هالكلام ما يمشي عدها اخذت ملابس كاملة الي الوان ...اني اصلا البس عباية راس ما راح يبين شي لبست اسود او الوان بس الشالات ماخذتلي كوم وجايبتهم تشوفني ..انقهرت من اصرارها وهي تدري اني ما اريد انساه لمنير ولا ابطل حدادي عليه
ايام عاندت تالي رضخت لطلباتها لان اشوف هذه صارت امنية بالنسبة الها ..امي ما تستاهل تنتظر شي منا وما نسويه الها كل اللي نحبه تسويه بلا ما نطلبه وحنانها كافي يخلينا ما نرفض الها كلمه ..وبهالفترة كانت صبا مشكلتها ما اريد اصير مشكلة ثانية الها...ردتها ترتاح ..طاوعتها وكانت عندي قطع يم وضاح يعدلها الي لان شويه تحتاج تعديلات ..فاتفقت وياه ارجع من دوامي واطلع بوجهي اله اشوفهم واخذهم
......
ماشية بسوق ال.....متوجهة لمحلات جدي محمود الخياط ...وصيت ابن عمي وضاح على عباية راس شغل مضبوط وهو تكفل بالخياطة اللي راح تسويها الي..وخليت يمه بناطيري وقمصاني والجبب حتى يحضرها الي للدوام اللي محتاج تقريم واللي يحتاج كف وغيره من امور التعديل ..اليوم بعد ما طلعت من الكلية توجهت لمحلهم اشوفه كملهن لو لا ...كان الجو حار حيل ولبسي الاسود يكتسب حرارة اكثر من الطبيعي.. يلا راح اغيره قريبا للالوان بعد عركات طويلة ويه امي يلا اقتنعت والملابس اللي يم وضاح كانوا اختياراتها ومقاسات صبا لان رفضت اطلع اشتري لو اختار شي ..نفسي ثكيل اجره وتعبانه من الطريق ..دخلت الفرع بهدوء الوقت ظهر وهيج وقت المحلات اغلبها تعزل فأني اختتريت هالوقت حتى لا امر بزحمة السوق ...وضاح منتظرني ينطيني شغلاتي ويعزل يروح لبيتهم يرتاح ..يا رب ما اخرته هواي
وصلت قريب جدا وهو واكف بالباب منتظرني مبين معصب هههه يلا ميخالف لعد بس يريد اقنع اله فهاوة بلاش ههه
واني ماشية وما اشوف غير ماي يتطشر على ملابسي كلهن من فوك لجوه والماي وياه طين وملابسي تدمرت وصار نقاط على وجهي ..مسحته بعصبية والتفتت للمصدر ...واحد غبي بتسريحة شعر غريبة قميص مورد وكلادة حاجب ابو اااالطبرة موديل سنتنا لعبت نفسي من شكله اني من اشوف هيج شخص تجي ببالي مرادفة وحدة بس (وصخ)😖دا ينظف بمحل مال حلاقة وطشر ماي الكاع عليه ...ارتبك وايده رفعها يريد يعتذر لكن الشد العصبي والارهاق اللي اني بي وقهري مال سنه اتفجر بهاللحظه
YOU ARE READING
كذبتي الصادقة❤
ChickLitقصة باللهجة العراقية قصة ثلاث معشوقةوعاشقة ومعذبة بالعشق ...فمن هي الاكثر حظا ؟؟وما رأي القدر ؟؟
