كذبتي الصادقة❤

٣١

--قبل اسبوع من رحت للطبيبة ذممني اسالها اذا اتحمل بس مره وحده لا غير🤭🤭
-اي؟؟
-اي وسألتها

-صبا ..اعصابي ما متحمله احجي بساع ما اكعد اجرهن منج جر
-اي هو واتفقنا بالليل ينزل الي من امه تنام الله وكيلج مثل الحرامية نتراجف هههه..نهى احلى مره جانت هههه
-عود ليش

-لان بالختله ومستعجلين وخايفين هههه وهم هو ضل كومه يتوسل ذليته
-عيونج الگويه لو صاير بيج شي...هاي عود نسميها فهاوة طلعنا احنا الفاهيات والله

-ولج ما عليه شي ههه فات الخطر بس ممكن تصير عندي ولاده وهو حاسب حساب هالشي

ضحكنا اني وياها مخابيل والله هذوله يعني من يصح الهم حب يطنكرون ويه بعض من تنمنع عنهم صارت حلوة

سكتنا اثنينا نباوع لصفا ذبت لحم ونسوان اكلنها اكل بعيونهن ..جانت لابسه فستان احمر يشعشع ويه زنودها البيض خبلت العالم ...شكد ضايجه منها لهاي اللزكه ام نمير هي وحماها وسوالفها والتبسمر زهكتني..بالله هالجمال كله يروح لواحد جبير ومطلق ...وقاص الغبي طلع دا يغيضها واخيرا ارتاحت شويه ...

فاتت الهوسه اهل محمد هواي ترسوا للبيت ...هو فات من الباب يركص ويه امه واخواته بوسط استقبالنا ...منطلق اباوع اله وانصي راسي بخجل ..شلته اجتي عيوني بعيونه ..ابتسم ياشرلي اكوم وياهم ..دنكت شويه وحسيت روحي طرت ..وحده من اخواته وكفتني بس شنو هي ضخمه بحيث طرت بايدها من الكرسي ...تكابلنا وجه لوجه وكام يهز بايديه كامشهن ويحاولن يخليني اركص وعبثا يحاول ..اني اثقل من ان تحركني موسيقى هههه

طالع حلو بتسريحة جديده مال عرسان ..مدري منو كال الهم لعرسان العراق اللي يتزوج يلتحق بالبحريه الامريكيه هذا الزيان والتدريج على كولته مال الجنود يتشارك بي تقريبا كل شاب مقبل عالزواج عدنا🤭🤭بس كلمة الحق تقال لايك اله ويه السكسوكه والشارب😍😍

حطلي الحنه بكفي وهو يركص ويكمز وره ما كمل من الحماس كام يصوفر مثل المطيرجيه ..يا الله حعيش وياه اني مو مصدكه هههه..الفرح شايلنا اني وياه وما منعت ابد ضحكتي تطلع تعبيرا عن مشاعري ..

بوسني وره ما كعدوا شوي وشاورني بكلامه المعتاد نفسه اللي يضحكني ويخجلني بنفس الوقت كال يتصل بيه بالليل ما انام واعوفه ولازم انتظر ويا ويلي ان عارضت ..تهديد معلن مع اشارات فطستني ضحك وهو يطلع من باب الاستقبال.. طلع بره لان وراه حفلة الحنة مالته للشباب هو وحيدر ...

بالليل بقينا نسولف اني وياه لحد ما غفينا واحنا كلنا شوق ليومنا الجاي ...العرس بسيط لان عاداتهم يسوون اكل بالحنه عالعشا وبيوم الزفه بس للاهل ..اني بيتنا بي اهلي واهل عمو شهاب نسوان فقط ..بابا كل شويه يبجي ما يكدر يسيطر على دموعه ...بناته احنا ربانا بتعب وسهر ووصلنا ونبقى نذكر هالفضل منه علينا ما تربطنا بي اي صلة دم بس كان النا كل الاهل والعزوة ..