The Charm

Chapter 25

Chapter 25

Hinawakan ko sa braso si Faerie. Tiningnan niya ako at nagkaunawaan na kami sa tingin ko pa lang.

"See you later." Bumuntong-hininga siya. "I'll wait for you at the parking area."

Binitawan ko siya at iniwan na niya ako. Naglakad ako at ramdam ko na pinanonood nila ang kilos ko. Umupo ako sa isang upuan. Napalingon ako sa aking tabi at nginitian ako ni Sir Gael.

Matagal na rin na hindi kami nagkakausap na dalawa. Ako na mismo ang umiwas sa kanya dahil ayoko siyang mapag-initan ni President.

"Let's start with the meeting," the principal announced.

Tumayo kaming lahat at pinangunahan na mismo ni Mr. De Guzman ang panalangin. Nang natapos ay sinenyasan niya kami na pwede na kaming umupo.

"Hindi na ako magpapaliguy-ligoy pa, alam n'yo naman kung para saan ang meeting na 'to," simula ni Sir.

Muling tumuon sa akin ang atensyon ng lahat. Tipid akong napangiti nang hawakan ni Sir Gael ang kamay ko at marahan itong pinisil sa ilalim ng mesa.

"How many times do I need to remind everybody that classes must always have their subject teacher inside the classroom?!" Sir De Guzman shouted.

Bumilis ang kabog ng dibdib ko. Pinagdikit ko ang mga labi ko.

"Aware kayo sa nangyari kanina, 'di ba?!" dumadagundong pa rin ang boses niya. "Muntik na tayong mawalan ng isang estudyante dahil sa kapabayaan n'yo!"

Nag-init ang mga mata ko ngunit pinigil ko ang pagsabog ng emosyon. Inangat ko ang tingin at inilibot ni Sir De Guzman ang mga mata sa amin hanggang sa tumigil ito sa akin.

"Ilang klase ang walang teachers sa loob ng classroom! Alam n'yong kayo ang liable kapag may nangyaring masama sa mga estudyante n'yo sa oras n'yo! Ano na lang ang sasabihin ng mga magulang sa kapabayaan ng mga teachers dito?"

"2 sections gathered inside and outside the ladies' room," Ma'am Marissa interjected. "'Cause there is this suicidal student." Bumaling sa akin si Ma'am Marissa. "Advisory mo, right, Ms. Escobar?"

Dahil hindi ko maibuka ang bibig ay tumango na lang ako.

"Nasaan ka ng mga oras na 'yon? Alam mo ang mga responsibilidad natin dito sa eskwelahan bilang guro, pero nawawala ka—"

Bumukas ang pinto at lahat kami ay napalingon dito. Napalunok ako nang nakita si President na pumasok at isinara ang pinto. He looked straight to the direction of Ma'am Marissa.

"She's with me," he said. Natahimik ang lahat. "We're working on some documents that needed further attention."  Naglakad siya patungo sa likod ni Sir De Guzman. "Are you people blaming her for what happened in the ladies' room?"

Walang 'ni isa ang nagsalita. Inangat ko ang tingin sa kanya at kita ko ang galit sa mga mata niya na lumibot sa buong meeting room.

"I think it's unapt to have an urgent meeting like this." Tumuon ang mga kamay ni President sa magkabilang balikat ni Sir De Guzman. "We must protect our employees at all cost, right, Mr. Principal?"

Mr. De Guzman cleared his throat. "Yes, Sir."

"Good that you understand my language, Mr. De Guzman." Inalis niya ang mga kamay sa balikat ng principal. Lumipat ang tingin niya kay Ma'am Marissa. "Next time that you, teachers, do something like this—embarrass a co-teacher or co-employee, I'll take immediate action."

Naglakad siya at umupo sa tapat ko.

Napaupo ang principal at hindi maitago sa mga mata niya ang kaba.