Chanyeolသည် ပြောစကားနားမထောင်တဲ့
သူ့ဘုတ်အိလေးကို
အခွင့်သာတုန်းအကြိုက် ဆူနေ၏။
ဆေးခန်းကနေ ပြန်လာတဲ့တောက်လျှောက်
အဘိုးကြီးအိုကြီးလို ပွစိပွစိဆူပူနေတော့
Baekhyunမျက်နှာလည်း
မဲ့တဲ့တဲ့လေးဖြစ်လာရသည်။
"စားဦးလေ၊ မတည့်တာတွေ. . . . "
ကားမောင်းရင်းနဲ့ မျက်နှာရှုသိုးသိုးလုပ်ကာ
ဆူပူနေတဲ့ Chanyeolကို
Baekhyunပြန်ခံပက်ချင်တာ
ပါးစပ်တွေယားလှပါပြီ။
ဒါပေမဲ့ ကိုယ့်အမှားရှိနေတော့
ပြောမရဲဘူး။
" ဒါတွေကြိုမြင်လို့တားတာ ပြောမရဘူး...
ပြောရင်လည်း မကြိုက်ဘူး''
°°မကြိုက်ဘူးဟာ... ဘာဖြစ်ချင်လဲ°°
Chanyeolမကြားအောင်
လေသံတိုးတိုးနဲ့
baekhyunဂျစ်ကန်ကန်ပြောနေတာဖြစ်သည်။
"မောင့်စကားမှ နားမထောင်တာ..
အခုတော့
လူလည်းမျော့မျော့ပဲရှိတော့တယ်မဟုတ်လား''
Chanyeol
လေပူတွေမှုတ်ထုတ်လိုက်မိကာ
နဖူးက ချွေးကိုလည်းသုတ်ရသေးသည်။
အလုပ်က ပြန်ရောက်ရောက်ချင်း..
ဗိုက်ကိုဖိပြီး
ပျော့ခွေနေတဲ့ Baekhyunကိုမြင်ပြီး
သူဘယ်လောက်
လန့်သွားရလဲဘယ်သူမှသိမှာမဟုတ်ဘူး။
ဘယ်လောက်သွားထားရလို့
နှုတ်ခမ်းတွေတောင်ဖျော့နေရလဲ...။
ဒါကို သူမေးတော့ငြင်းသေးတာ။
ဆေးခန်းရောက်မှ အကုန်ပေါ်တာပဲ။
ကိုယ်တမနက်လုံး
ပင်ပင်ပန်းပန်းချက်ထားပေးခဲ့တာတွေကို
တစ်စက်မှမထိပဲ...
လမ်းထိပ်က အခေါက်ကင်တွေ
နံရိူးကင်တွေသွားစားတဲ့
အဆိုးအဆာလေး...။
မနေ့တည်းက ဗိုက်မကောင်းဖြစ်ချင်နေတာ
သူရိပ်မိလို့ အတန်တန်မှာတဲ့ကြားက
ရေခဲသေတ္တာထဲက
စတော်ဘယ်ရီအချဉ်သီးတွေကလည်း
ပျောက်ချင်းမလှ ပျောက်ကုန်တော့သည်။
သောက်ဆေးပေးပြီး...
ဓာတ်ဆားရည်တိုက်လိုက်မှ
နည်းနည်းသက်သာသွားချိန်
သူလည်းမနေနိုင်ပဲ
ပြောမိတော့သည်။
နည်းနည်းဆူပေးမှလေ...
မဟုတ်ရင်လုပ်ချင်ရာလုပ်တာ။
YOU ARE READING
ကလေးအထာ
FanfictionEverything is better with you Everything has been better since you Mpreg
