عايزه تفاااعل والناس اللي كانت رافضه فكره خضوع حمزه لحياه كل اسئلتكم اجابتها في البارت وزي ماقولتلكم اصبروا وهنعرف كل حاجه ❤
💔 حب خادع 💔
عزه: اطلع يابني ارتاح منها لله ربنا مش هيسامحها ابدا
حمزه: معقول تدعي علي بنتك علشاني
عزه: انا معنديش بنات عندي ولد واحد هو انت ياحمزه يابني وتحط ايديها علي وشه تلاقي حرارته عاليه جدا
عزه: يالهوي حرارتك عاليه اطلع يابني ارتاح وانا هقوم اشوف حاجه تنزل حرارتك
حمزه يجي يقوم بس يفقد التوازن ويقع علي الارض فاقد الوعي
ليليان بصريخ: ابييييه
عزه: ياحبيبي يابني اجري يابنتي كلمي ياسر يجي يتصرف
ليليان بدموع: حاضر
تنزل حياه علي صوت صريخ ليليان وتلاقي حمزه في الارض فاقد الوعي تحس بخنقه ومتعرفش سببها وتنزل من علي السلم وتحاول ترسم الجمود علي وشها
حياه: ايه فيه ايه ماله دا
عزه بدموع: حرام عليكي منك لله عملك ايه علشان تعملي فيه كده
ليليان: كلمت ياسر وهو كان جي في الطريق وداخل علي الڤيلا
ويدخل ياسر الڤيلا ومعاه شمس يجري ياسر علي حمزه وتروح شمس تقف جنب حياه
ياسر: حمزه حمزه!! ياخبر حرارته عاليه اوي ساعديني يا امي نطلعه غرفته
عزه: حاضر يابني ويحاول ياسر يسنده هو وعزه ويطلعوه غرفته وتطلع وراه ليليان
شمس بخبث: مالك يا حياه
حياه: هاا..لا ابدا مفيش
شمس: ياسر قالي اللي انتي عملتيه في حمزه
حياه: شمس انا....
شمس بمقاطعه: انا مش جايه الومك يا حياه بالعكس انا قولت لياسر دي حاجه خاصه بيهم وملناش دعوه بكل اللي بيحصل دا واقنعته انه يفضل يشتغل في الشركه لانك هاتحتاجيه ومش بقول كده علشان هو جوزي لا انا بقول كده علشان عارفه ان فعلا حمزه كان بيحتاج ياسر كتير واقنعته انه يبقي تحت امرك وانا في الاول وفي الاخر صاحبتك ومليش دخل في اللي بيحصل دا ومش هخسرك علشان عارفه ومتأكده انك عملتي كده لسبب ودلوقتي انا هسيبك وهطلع اطمن علي حمزه واه صح انا طبعا اللي هكون سكرتيره صاحبتي ولا ايه ياقمر
حياه: اكيد ياحبيبتي
شمس: ماشي ياقلبي عن اذنك
ــــــــــــــــــــــــــــــــــــــــــــــــــــــــــــــــــــــــــــــــــــــــــ
في غرفه حمزه
بعد ما يدخلوا غرفه حمزه وينيمه ياسر علي سريره يروح ياسر يقفل الباب ويروح يقعد جنب حمزه علي السرير ويحاول يفوقه بالمايه
عزه بدموع: ياحبيبي يابني كان مستخبيلك فين دا كله بس
ليليان: ياسر اعمل حاجه ارجوك
ياسر: استنو بس يا جماعه .... ماتقوم يا عم البطل انت هتعمل فيها ميت ماخلاص ايه الاوڤر دا
حمزه يفتح عينه ويقوم ويقعد: الله يخربيت افكارك السوده يا ياسر الكلب انت ويطلع من جيبه شريط برشام جايبلي بيورينول للنقرس بتفول عليا يا واطي
عزه وليليان يتصدموا لما حمزه يقوم وهو كويس ومفيهوش اي حاجه
ياسر: تصدق انا غلطان خساره فيك المساعده تستاهل اللي جرالك
ليليان: انتو بتتكلموا واحنا هنا مش فاهمين حاجه حد يفهمنا ايه اللي بيحصل
حمزه: ولا حاجه كل الحكايه ان حياه فاكره اني علشان خاضع ليها يبقي كده استسلمت بس للاسف هي متعرفش مين حمزه الصياد ومشافتش الوش التاني وحقي هيرجع بنفس الطريقه اللي خدته بيها علشان كده انا لقيتها فرصه اني اوافق اكون السواق بتاعها علشان تكون قدام عيني طول الوقت
عزه: بس انت يابني حرارتك عاليه اوي
ياسر: ماهو زي الفل قدامك اهو ياست الكل مفيش حاجه كل الحكايه ....
تدخل شمس: اقولك انا بقي ياست الكل الحكايه لما ياسر سابكم ورجع البيت وحكالي اللي حصل انا طبعا اتصدمت وقولت لياسر لازم تكون موجود في الشركه وخصوصا الايام دي طبعا ياسر رفض الفكره وقال مستحيل يدخل الشركه وحمزه مش فيها وسابني ودخل الغرفه وانا جريت وراه
فلاااش باااك
شمس: ياسر اسمعني بس
ياسر بغضب: امشي من قدامي ياشمس دلوقتي انا مش طايق نفسي
شمس: ماهو انا مش هسيبك غير لما تسمعني الاول
ياسر: عايزه ايه ياشمس
شمس: بص انا قصدي انك لازم تخلي حياه تثق فيك لازم تكسب ثقتها بأي طريقه...ياسر لو بجد عايز تساعد حمزه لازم تعمل كده
ياسر يفكر ويقتنع بكلام شمس: والله فكره وليه لا
شمس: وانا كمان هنزل الشركه بس هكون سكرتيره حياه وطبعا هكون في صفها هي علشان تثق فيا اكتر ونعرف نتصرف معاها
ياسر: موافق وهننفذ من دلوقتي ويطلع موبايله ويبعت رساله لحمزه
شمس: بتعمل ايه
ياسر: فاكره لما قولتيلي ان مامتك كانت تعبانه من النقرس ورفصت تاخد البرشام علشان بيعلي درجه حرارتها
شمس: ايوه بس ايه دخل البرشام دا بالموضوع
ياسر: دلوقتي تعرفي بس لازم ننزل حالا
في الشركه عند حمزه
يجيله رساله علي الفون من ياسر يفتحها ( حمزه بص دلوقتي انزل هتلاقي مع امن الشركه شريط برشام تاخد منه برشامه من غير ما حياه تاخد بالها هتلاقي درجه حرارتك عاليه ماتخفش دا بسبب البرشام ولما اجيلك هافهمك كل حاجه انا داخل علي الشركه اهو)
يقفل حمزه الموبايل ويمثل ان دموعه نزلت يمسحها ويخرج من المكتب وتخرج وراه حياه وتطلب منه ينزل يحضر العربيه ويوافق لان دي فرصته وينزل هو علي السلم بحجه انه ينزل اسرع من حياه ويحضر العربيه وطبعا ينزل قبلها
رجل الامن: حمزه بيه الباشمهندس ياسر كان هنا وطلب مني اوصلك دا
ياخد منه حمزه ظرف يفتحه يلاقي شريط البرشام
حمزه: الله يخربيتك يا ياسر الكلب ناوي علي ايه وياخد حمزه برشامه
حياه: انت بتعمل ايه
حمزه يخبي شريط البرشام: ابدا اتفضلي اركبي
تركب حياه ويروح حمزه يركب ويرجعوا علي الڤيلا
باااااك
شمس: بس ودي كل الحكايه وباشمهندس حمزه زي الفل ولما اغمي عليه دا كان تمثيل علشان حياه تتأكد ان هي فعلا بتنتقم منه بس السؤال واللي لازم نعرفه ليه وايه السبب اللي يخليها تنتقم منه مع انها بتحبه اوي
حمزه: اللي زي حياه مايعرفش يحب ياشمس اللي زيها بيدمر بيدمر وبس
شمس: لا يا باشمهندس لو شوفت تعابير وشها لما ياسر خدك علي غرفتك انا شوفت عنيها دموعها كانت هتنزل بس هي حاولت تتماسك حياه فعلا بتحبك بس لازم نعرف ليه عملت كده
عزه بدموع: انا مش عارفه اقولك ايه يابني والله مش عارفه
يقوم حمزه ويمسك ايديها ويبوسها ويبوس راسها: لا يا ست الكل اوعي تقولي كده تاني يا امي انتي ملكيش ذنب انا بس نفسي اعرف ليه حياه تعمل كده
ليليان: وانا هحاول اصاحبها
شمس: حياه كده او كده ملهاش مشكله معاكي لان اللي لاحظته انها مش بتطلب منك اي حاجه ولا بتعاملك وحش
عزه: محدش يطلب مني حاجه علشان مش هقدر وهتكشف حياه لو بصت في عيني هتعرف كل حاجه
ياسر: يخربيت شيطانك يا شمس متجوز محقق يا ناس
شمس: احم علشان تعرف بس
ياسر: اموت فيك يا جميل انت
حمزه يضربه: ماتتلم يالا احنا في ايه ولا في ايه
ياسر: طيب ياخويا الوقت اتأخر يلا بينا ياشمس
شمس: طيب يلا بينا ويمشي ياسر وشمس وتروح ليليان وعزه علي غرفه عزه وتنام جنبها ليليان
وينام حمزه ويستغرب لو فعلا حياه مش بتحبه كانت طلعت طردته من غرفته وعلي الاقل كانت هتخليه ينام في غرفه من غرف الخدم
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ويمر اسبوعين علي نفس الحال
حمزه سواق عند حياه وياسر نزل الشركه وبيحاول يكسب ثقه حياه بأي طريقه وشمس اللي بقت السكرتيره ودراعها اليمين وليليان اللي اتصاحبت علي حياه اكتر وعزه اللي بتتجاهل حياه ودا بيخلي حياه مشوشه ومش عارفه تركز في اي حاجه
في الشركه يدخل ياسر مكتب حياه ويلاقي شمس معاها: الله الله قاعدين هنا وانا طالع عيني في الشغل
حياه: ههههههه وانت عايز ايه
ياسر: فنحان قهوه وهدعيلك والله
حياه: هههههه بس كده حاضر
وتكلم حمزه وتخليه يطلع علي مكتبها ويطلع حمزه
حمزه: افندم
حياه ببرود: روح اعمل 3 قهوه لينا بسرعه
تبص شمس لياسر بحزن يبصلها ياسر بمعني الصبر قربنا نوصل لهدفنا ويوجه نظره لحمزه بمعني روح يا صاحبي
حمزه بجمود: طيب ويروح حمزه ويخرج وراه ياسر
ياسر: حمزه استني
حمزه: ايوه يا ياسر
ياسر: استني انت مش هتعمل حاجه تعالي معايا المكتب عايزك في حاجه مهمه
حمزه: طيب يلا ويروح ياسر لعم عبده يطلب منه 4 قهوه ويبلغه يوديهم علي مكتب ياسر
ويدخل ياسر مكتبه ومعاه حمز
حمزه بغضب: انا زهقت من البني ادمه دي عايز اخلص من الموضوع يا بسرعه يا ياسر مش حمزه الصياد اللي يخضع لواحده ست
ياسر: خلاص يا حمزه هانت هننفذ النهارده ويقوم يفتح الخزنه وياخد منها ورق ويديه لحمزه ... حياه لازم توقع هنا وانا وقعت عليه شاهد وانت وقع عليه ويبقي كده ناقص توقيع حياه
حمزه: ودا هنجيبه ازاي
ياسر بغمزه: عيب عليك لما يكون ياسر موجود وتقول دا هنجيبه ازاي ويطلع ياسر من جيبه شريط برشام
حمزه: الله يخربيتك يا فقر انت يالا بتعرف الحاجات دي ازاي
ياسر: عم جوجل ربنا يباركله بقي ويستره ههههههه
حمزه: الله يحرقك ياشيخ ... ياسر اوي البرشام دا يأذي حياه
ياسر: لسه بتحبها يا صاحبي
حمزه بحزن: للاسف مش عارف اكرهها بعد كل دا حاسس ان فيه سبب علشان كل دا وانا مستني اعرف ايه هو
ياسر: متخافش يا صاحبي مش هيحصلها حاجه هو بس هيخليها دايخه ومش في وعيها بس حاول تعصبها ب اي حاجه الاول
حمزه: تمام
ويدخل عم عبده بالقهوه ويقوم ياسر ياخدها منه ويدي لحمزه فنجان قهوه .... خليك انت هنا شوف هتتصرف ازاي وانا هديهم القهوه
حمزه تمام
ويروح ياسر علي مكتب حياه ويدخل: عملتلكم القهوه بنفسي علي الله يطمر بس
حياه بغصب: ياسر انا قولت هو اللي يعمل القهوه مش انت
ياسر: اهدي يا حياه انا قولتله ينزل يحضر العربيه الساعه 6 انتي اشتغلتي كتير النهارده
حياه: يا خبر انا محستش بالوقت خالص طيب انا همشي انا دلوقتي
شمس: استني نشرب القهوه مع بعض وهوصلك انا وياسر
حياه: ماشي
ويبعت ياسر رساله لحمزه علشان يجي علي مكتب حياه
ويدخل حمزه المكتب ويقوم ياسر
ياسر: يلا بينا يا جماعه. وينزلوا تحت
حياه: انت رايح فين انت هتركب معانا ولا ايه يلا هات العربيه وتعالي ورانا
حمزه يبص لياسر بغضب: طيب
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عائله الصياد
بعد وصول ياسر وشمس وحياه يدخلوا الڤيلا ويسلم ياسر علي عزه وتروح شمس تسلم عليها ومعاها حياه
ياسر: ازيك ياست الكل
عزه: بخير يابني
شمس: ازيك يا ماما
عزه: الحمد لله ياحبيبتي
حياه: ماما انا....
تقوم عزه وتطلع علي غرفتها
تنزل دموع حياه وتحضنها شمس: اهدي يا حياه كل حاجه هتبقي تمام
وتنزل ليليان تلاقي شمس وياسر
ليليان: ازيك يا شمس ازيك يا ياسر
ياسر: تمام
شمس: الحمد لله ياقمر انتي رايحه فين كده
ليليان: ابيه حمزه كلمني وقالي اجهز علشان هنروح نشوف ماما احلام
ويدخل حمزه: كويس انك جاهزه يلا بينا
حياه بغضب: استني عندك
حمزه ببرود: افندم
حياه: خدت اذن مين علشان تروح تشوف والدتك
حمزه بغضب: مش محتاج اخد اذن حد علشان اروح اشوف امي
حياه بزعيق: انت ازاي تتكلم معايا كده انت نسيت نفسك
حمزه بصوت عالي: لا مانستش بس اظاهر ان انتي اللي نسيتي انك مراتي ومفيش ست محترمه تعمل مع جوزها اللي انتي عملتيه دا يا هانم وانا دلوقتي هروح اشوف امي واللي عندك اعمليه ولا يهمني اصلا رئيك يلاا يا ليليان
ويخرج هو وليليان ويروحوا المستشفي
شمس بخبث: ياسر روح انت انا هبات النهارده مع حياه
حياه: ياريت ياشمس وانت كمان يا ياسر خليك النهارده
تغمز شمس لياسر علشان يوافق: طيب موافق
حياه: طيب انا هطلع غرفتي شويه ونازله عن اذنكم
ياسر: انتي ناويه علي ايه
شمس: ههههه كل خير
ياسر: الله يهدك يا حمزه انت وحياه دا انا لسه عريس يا ناس ومادخلتش دنيا اشوف فيكم يوم
شمس تقرب عليه بدلع: نخلص بس من موضوع حمزه وحياه وانا تحت امرك يا حبيبي
ياسر: طب اتلمي بقي بدل ماتهور واحنا في بيت ناس
ــــــــــــــــــــــــــــــــــــــــــــــــــــــــــــــــــــــــــــــــــــــــــ
هو: اعملي حسابك بكره الصبح هنكون عند حمزه لازم الحقيقه تظهر
هي بقلق: تفتكر هيحصل ايه بعد مايشوفوني
هو: حاليا منقدرش نتوقع اي حاجه بكره هنشوف
هي: انا خايفه
هو: متقلقيش مش هسيب هفضل جنبك
هي: اوعي تتخلي عني
هو: بحبك وعمري ماهتخلي عنك متخافيش
هي: طيب انا هقوم اشوف الولاد ناموا ولا لسه
هو: طيب ويفكر في بكره واللي هيحصل ... ياتري يا حياه هيكو رد فعلك ايه وحمزه كمان هيعمل ايه وهيسامحني ولا لا بس كل اللي انا متأكد منه اني مش هسيبك يا صاحبي مش هسيبك لازم حقك يرجع مش هخليك تكون ضحيه لحاجه انت ملكش اي ذنب فيها انا اسف يا صاحبي اسف
ــــــــــــــــــــــــــــــــــــــــــــــــــــــــــــــــــــــــــــــــــــــــــ
في المستشفي
يوصل حمزه وليليان ويسألوا علي ياسر بس يعرفوا انه في اجازه من شهر
يروح حمزه وليليان علي غرفه العنايه واحلام لسه زي ماهي مفيش اي تحسن يقعد جنبها حمزه ويمسك ايديها ويبوسها وتنزل دموعه
حمزه: وحشتيني ياست الكل قومي بقي وارجعيلي انا من غيرك ضايع يا امي ضايع محتاجلك اوي جنبي الفتره دي محتاج منك تصبريني علي كل اللي بيحصلي دا تبوس ايدك ارجعي بقي ارجعي
ليليان بدموع: ماما لو انتي جنبنا دلوقتي كنتي هتصبرينا وهتقوي ابيه حمزه علشان يستحمل كل دا احنا تعبنا من بعدك يا ماما وحشتيني اوي ووحشني حضنك ارجعي يا ماما ارجعي
حمزه: يلا يا ليليان
ليليان تبوس ايد احلام: يلا يا ابيه
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلت عائله الصياد
تطلع حياه غرفتها وتلقي بجسدها علي السرير وتبكي وتجيب صوره من تحت المخده
حياه: ضحيت بكل اللي حواليا علشانك انا مش هسامح نفسي ابدا انا بحبه اوي ايوه حبيته ومش عارفه اعيش بسبب اللي عملته فيه وتحضن الصوره وتبكي بحرقه وبعد شويه تمسح دموعها ... لا هو يستاهل اكتر من كده هو اللي حرمني منك هو اللي بعدنا عن بعض هو يستاهل التدمير هو يستاهل وتنام
تحت في الڤيلا يوصل حمزه وليليان ويلاقس شمس وياسر لسه موجودين
ياسر: الورق اهو اطلع نفذ
عزه: فيه ايه وينفذ ايه
شمس: دا ورق بيع وشراء كل حاجه ب اسم حياه هترجع تاني لحمزه يا ماما فهمتي
عزه: اه يابنتس فهمت عن اذنكم وتروح المطبخ تعمل كوبايه لمون وتروح لحمزه ... فين البرشام اللي ياسر بيقول عليه
حمزه: لا يا امي ماتعمليش كده انتي
عزه: فين البرشام يا حمزه
حمزه: اتفضلي يا امي
تاخد منه برشامتين وتحطهم في العصير وتطلع لحياه تلاقيها نايمه تروح تصحيها
عزه: حياه حياه قومي يابنتي
حياه: ماما .. ماما انتي هنا مش حلم صح
عزه: لا يابنتي مش حلم امسكي اشربي العصير دا علشان تهدي
تاخد حياه العصير من عزه وتشربه
عزه: نامي يا حبيبتي والصبح نتكلم
تحس حياه بدوخه: حاضر حا.اضر
ويطلع حمزه ويغمز لعزه وتخرج من الغرفه ويقرب من حياه وهي ترمي نفسها في حضنه وتتكلم وهي مش في وعيها
حياه: علي فكره انا كدابه عارف ليه علشان انا بحبك ومش بكرهك طب تعرف ان حضنك وحشني تعرف لمستك ليا قد ايه وحشتني بحبك وموافقه اديك حقك يا حمزه بحبك
يضعف حمزه من كلامها ولمستها ليه: وقعي علي دا الاول قبل اي حاجه
تبوسه حياه من خده: حاضر وتاخد القلم من حمزه وتوقع من غير وعي وياخد حمزه الورق ولسه هيخرج
تمسكه حياه من من ياقه قميصه وتحضنه: رايح فين وسايبني
حمزه: مش هسيبك هرجع تاني ويخرج وينزل يدي لياسر الورق ويروح لعزه
حمزه: احم امي حياه احم يعني مش في وعيها وطلبت مني يعني ا.ا
عزه: حياه مراتك يابني انتي مش هتعمل حاجه غلط
حمزه: طيب يا امي ويطلع حمزه وتشوفه حياه تجري عليه تحضنه وتبوسه ويشيلها حمزه ويحطها علي السرير ويقرب منها لتصبح زوجته بالفعل
ــــــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
استنوني مع البارت الاخير بكره في رد فعل حياه بعد اللي حصل وكشف السر وصاحب الصوره ✋ تفاعل بقي
