💔 حب خادع 💔
في المستشفي
يجروا الدكاتره علي غرفه حمزه
ياسر بصوت عالي: حد يفهمنا فيه ايه
ليليان ببكاء شديد: ارجوكم حد يقولنا ابيه ماله حد يفهمنا حاجه
شمس واقفه بتعيط وسانده حياه: شمس وتشوف الممرضات بتجري حد يفهمنا حرام عليكم
داخل الغرفه يحاول الدكتور يعمل صدمات كهربائيه لحمزه بعد ما النبض وقف يحاول اكتر من مره ومفيش استجابه يخرج الدكتور من الغرفه بحزن
الدكتور بحزن وأسف: البقاء لله
يااسر بصدمه: لا لاا حمزه مستحيل يموت ويهجم ياسر علي الدكتور ويمسكه من ياقه قميصه لاا حمزه مش هيموت قوول ان حمزه مش هيموووت قوووول
الدكتور: اللي حضرتك بتعمله دا غلط دا قضاء ربنا ودا ميعاده البقاء لله ويمشي الدكتور
ليليان بانهيار: لا ابيه حمزه مش هيموت مستحيل يموت مستحيل لاااااااا عايزه ابيه حمزه هاتولي اخوياا لا قولولي انه عايش لااا وتجري ليليان علي غرفه حمزه وتقعد علي الكرسي اللي جنب السرير وتمسك ايده وهي منهاره ابيه حمزه انت سامعني ابيه قوم علشان خاطري متسيبنيش مش بعد ماعرفت قيمتك تسيبني وتروح ليه ربنا مستكترك عليا لييه انا غلطت كتير بس عرفت اني كنت غلط ارجوك بقي قوووم وتصرخ قوووووم مش هتموت مش هتروح وتسيبني وتهز فيه جامد قوم يا ابيه مش هتسيبنا لوحدنا
وتقوم حياه بخضه: لا لا مش هتموت وتجري عليها ليليان وشمس
ليليان: حياه مالك فيه ايه
شمس: اكيد كابوس اهدي ياحبيبتي متخافيش
حياه: ح.حمزه فييين حمزه فيين
ليليان بحزن: لسه زي ماهو من امبارح
شمس: الدكتور كان عنده دلوقتي
حياه تحاول تقوم بس متقدرش تساعدها ليليان وتوديها عند غرفه حمزه
ياسر: جيبتوها هنا ليه دلوقتي
شمس: هي اللي صممت تشوف حمزه
حياه بحمود: عايزه ادخل لحمزه
ياسر: مينفعش يا حياه الدكتور قال ممنوع الزياره
حياه: وانا قولت هدخل لحمزه يعني هدخل
شمس: خليها تدخل لحمزه يمكن لما تتكلم معاه يستجيب ليها
ياسر: طيب يا حياه خديها ياشمس للممرضه تجهزها وتروح حياه تجهز و تدخل حياه لحمزه وتشوفه نايم وحواليه الاجهزه تروح وتقعد جنبه وتقول بجمود: انت هتفضل نايم كده قوم يلا علشان نمشي من هنا وبعدين انت عارف اني مابحبش المستشفيات انت مابتردش عليا ليه ها قولتلك قوم يلا علشان نمشي من هنا انا خايفه وتهز فيه حياه: انت مابتردش عليا ليه بقولك قووم يلااا قوووم وتصرخ حياه: قووم ياحمززه قووووووم متسيبنيش لوحدي انا بحبك ياحمزه بحبك بحبك قووم ياحمزه قوم بقي انا خايفه من المكان دا قوم خدني في حضنك تاني مش همنعك والله مش انت كان نفسك تسمع مني كلمه بحبك انا بقولهالك بأعلي صوووت بحبااااااااااااااااااااك قوم يا حمزه
ياسر يجري عليها: حياه لو سمحت اخرجي بره كده غلط عليه يلا قومي ويمسكها من ايديها علشان يخرجها بره بس تقاوم حياه وتمسك في حمزه لااا مش هخرج من هنا غير وهو معايا هو هيقوم انا متأكده انه هيرجع وتحس بحمزه بيحرك ايه وبيمسك ايديها جامد تزق حياه ياسر وتقعد علي الكرسي. انت حركت ايدك صح ايوه حركتها يعني انت سامعني طيب قوم ياحمزه ارجع لحياتك حياتك مش عارفه تعيش من غيرك ارجوك ياحمزه ارجع ارجوك اوعي تسيبني
ياسر: يا حياه حمزه في غيبوبه انتي بس بتتخيلي انه حرك ايده اخرجي بره كده غلط عليه
حياه بزعيق: لا متأكده انه حرك ايده ويحرك حمزه ايده تاني ويشوفه ياسر
ياسر: مش معقول حمزه حرك ايده بجد انا هنادي الدكتور ويجري ياسر علي الدكتور يبلغه باللي حصل ويجي الدكاتره والممرضات يجروا علي غرفه حمزه ويكلم ياسر احلام في الموبايل يقولها اللي حصل
الدكتور: اتفضلي يا مدام بره دلوقتي
حياه بدموع: لا مش هخرج مش هسيبه
الدكتور لفريق الممرضات: خرجوها بره حالا ويروحوا الممرضات علشان يخرجوها بس ميقدروش عليها ويسمعوا صوت الجهاز بيصفر ويلاقوا النبض وقف وفي لحظه انتهي كل شئ هل دي نهايه حمزه فعلا
الدكتور بزعيق: يا مدام بره لو سمحت ويحاول الدكتور يعمل صدمات كهربائيه بس مفيش فايده
حياه بصريخ: حمزه لاااااااااااا وتهز فيه حمزه متسيبنيييييش حمزه اوعي تسيبني تيجي الممرضه تبعدها بس تلاقي حمزه ماسك ايديها جامد
الدكتور يشوف ايده المتمسكه بيها: سيبيها هي اللي هتنقذه ويطلب منها تتكلم معاه يمكن يستجيب ليها ويحاول الدكتور تاني بالصدمات الكهربائيه
حياه: مش انت قولتلي انك مش هتسيبني ليه دلوقتي عايز تسيبني حمزه انا بحبك متسيبنيش ارجوك وتبوس حياه ايده ويبدأ حمزه ياخد نفسه والنبض يرجع تاني ويحرك ايده ويحرك شفايفه
حمزه بتعب: ح.ح.حيا.ا.ه
حياه: قلب حياه ايوه ياعمر حياه حياتك جنبك مش هتسيبك بس انت ارجعلها ويبدأ حمزه يفتح عينه واحده واحده ويبص علي حياه بحزن وتعب تبتسم حياه ليه بدموع
الدكتور: لو سمحت اتفضلي بره دلوقتي
تسيب حياه ايد حمزه وتخرج بره تلاقي احلام وعزه وحامد
احلام بدموع: حمزه ماله يابنتي
حياه: اهدي يا ماما حمزه فاق والدكتور معاه جوا
عزه: ياما انت كريم يارب
ياسر: الحمد لله
شمس: حمد لله علي سلامته
ليليان بفرحه: بجد ابيه حمزه فاق ياسر اييه حمزه فاق اخيرااا وتحضنه ليليان
تشوف شمس ليليان بتحضن ياسر ماتستحملش
شمس بغل: عن اذنكم انا لازم امشي علي الشركه
حامد: طيب انا هنا من امبارح وادام حمزه فاق همشي انا علشان الشركه عن اذنكم
احلام تبص ليه بقرف ومتردش
ياسر: طيب يا عمي اتفضل ويمشي حامد يرجع الڤيلا
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عائله الصياد
يرجع حامد الڤيلا وينادي علي دولت بغضب: دووولت دوووولت
تيجي سعاد: دولت هانم مش هنا يا بيه
حامد بغضب: مش هنا اومال فين
سعاد: والله ماعرف يا بيه هي خرجت امبارح ولسه مرجعتش انا افتكرتها معاكم في المستشفي هو استاذ حمزه اخباره ايه دلوقتي
حامد: فاق من الغيبوبه الحمد لله انا هطلع اغير هدومي حضري الفطار ولو دولت جت قوليلها اني عايزها ضروري
سعاد: حاضر يا بيه
ويطلع حامد يغير هدومه ويروح علي غرفه حمزه يحاول يفتح الخزنه بس ميعرفش لان الخزنه بتفتح ببصمه العين وطبعا بصمتها عين حمزه وبس يحاول تاني بس يقف علي صوت دولت
دولت: ريح نفسك يا حبيبي الخزنه محدش بيعرف يفتحها غير البيه ابنك اللي خد منك كل حاجه في غيابك
حامد بغضب: كنتي فين يا هانم من امبارح
دولت بارتباك: ك.ك.نت مع صحابي بقالنا كتير ماتقابلناش قولنا نسهر مع بعض
حامد: تقومي تباتي بره البيت يا هانم اسمعي يا دولت لو حصل واتكرر بياتك بره البيت تاني متلوميش الا نفسك
دولت تحس ان هي ممكن تخسر قصاد غضبه تقرب عليه بدلع: ايه ياحبيبي ليه بس الغضب دا معقول وحشتك يعني
حامد يلين من كلامها: مش عايزك تباتي بره البيت تاني
دولت وتقرب اكتر: من عنيا ياروحي يقطعني علشان زعلتك بس مقدرش اسيبك زعلان وهراضيك دلوقتي حالا بس مش هنا في غرفتنا وتمسكه من ايده وتاخده علي غرفتهم
ــــــــــــــــــــــــــــــــــــــــــــــــــــــــــــــــــــــــــــــــــــــ
في الشركه
توصل شمس وهي متعصبه وتروح علي مكتبها
شمس: بتحضنه وحضرته سايبها تحضنه عادي كده وتفتكر لما شافت ياسر حاضن ليليان تحس بوجع في قلبها وتنزل دموعها: يمكن مبقاش يحبني او يمكن مكنش بيحبني وكان عايزني شفقه علشان صعبت عليه لما شاف امي المريضه وحالتنا عامله ازاي بس لا يا باشمهندس مش انا اللي اصعب علي حد ويشفق عليا من دلوقتي انت في حالك وانا في حالي ومش هيكون بينا اي حاجه غير الشغل وبس ويرن الموبايل بأسم ياسر وتمسح شمس دموعها وترد
شمس بجمود: ايوه يا باشمهندس
ياسر باستغراب من لهجتها: ايوه يا شمس حامد ممكن يكون في الشركه في اي وقت روحي مكتب حمزه وافتحي الخزنه وخدي كل الملفات وحطيها في الخزنه اللي في مكتبي رقم الخزنه بتاعه حمزه ..... بسرعه ياشمس ولو جالك وحاول يدخل مكتبي امنعيه بأي طريقه وانا هطمن علي حمزه وهاجي حالا
شمس: حاضر مع السلامه وتقفل وتروح علي مكتب حمزه تفتح الخزنه وتاخد كل الملفات وتخرج وتفتح درج مكتب حياه تتأكد لو فيه اي ملفات وتلاقي ملف تاخده وتروح مكتب ياسر وتفتح الخزنه وتحط كل الملفات فيها وتخرج تقعد في مكتبها
وفي نفس الوقت يوصل حامد الشركه ويروح فعلا علي مكتب حمزه ويحاول يفتح الخزنه ميعرف يجرب تاريخ ميلاد حمزه بس يطلع غلط يجرب تاريخ ميلاد احلام وتتفتح الخزنه بس يلاقيها فاضيه يقفلها تاني بغضب. اكيد هلاقي حاجه في مكتب ياسر ويروح مكتب علي مكتب ياسر يلاقي شمس. باشمهندس ياسر جوا
شمس: لا يافندم الباشمهندس ياسر لسه في المستشفي
حامد: طيب ويجي يدخل المكتب بس تمنعه شمس
شمس: لو سمحت يا حامد بيه باشمهندس ياسر طلب مني محدش يدخل مكتبه طول ماهو مش موجود
حامد بزعيق: انتي ازاي تمنعيني ادخل المكتب الشركه دي كلها شركتي انا انتي فاهمه ويجي يدخل تاني بس تروح شمس تقف علي الباب وتمنعه
شمس: يا حامد بيه من فضلك مينفعش كده حضرتك كده هتسببلي مشاكل في شغلي لو حضرتك عايز حاجه ممكن تستني باشمهندي ياسر لما يجي هو زمانه علي وصول
حامد بغضب: مش هستني حد وهدخل يعني هدخل ويجي يزق شمس بعيد عن الباب بس تمنعه ايد ياسر
ياسر: ايدك يا حامد بيه دي مهما كان زي بنتك بردو
حامد بغضب: ازاي تخلي السكرتيره بتاعتك تمنعني ادخل المكتب
ياسر يمثل الزهول: اييه دا هو حامد بيه كان عايز يدخل المكتب
شمس: ايوه يا باشمهندس
ياسر: وكنت عايز ايه من مكتبي يا حامد بيه اكيد حاجه مهمه وتستاهل انك تزعق كده مع شمس
حامد بارتباك: ه.ه.هكون عايز ايه يعني انا كنت عايزك في موضوع مهم وكنت فاكر انك جوا والسكرتيره بتكدب
ياسر: وهي السكرتيره هتكدب ليه يا حامد بيه علي العموم انا وصلت اهو تقدر تتكلم معايا في مكتبي اتفضل
حامد: لا انا هروح علي مكتبي عندي شغل ويمشي حامد وترجع شمس تقعد علي مكتبها وتتجاهل ياسر
ياسر يروح ويقعد علي الكرسي اللي قدامها: ممكن اعرف ليه بتتجاهليني كده وازاي تمشي بسرعه كده من غير اذن
شمس ببرود: والله انا كنت مستنيه اطمن علي باشمهندس حمزه واطمنت ورجعت علي شغلي
ياسر: شمس اتكلمي عدل
شمس بغيره: والله انا مشيت قولت اسيبك تكمل احضان براحتك
ياسر يبتسم بخبث: دا انتي غيرانه بقي
شمس بغيظ: وانا هغير ليه انت مديري في الشغل وبس مفيش بينا حاجه علشان اغير
ياسر: ههههههههه واضح انك مش غيرانه خالص
شمس بغضب: طب قوم بقي واتفضل علي مكتبك عندي شغل
ياسر برفعه حاجب: انا مديرك علي فكره بفكرك بس ها
شمس تيجي تتكلم بس يقاطعه صوت حسام
حسام: الناس الواطيه
ياسر: مش معقول حساااام ويقوم يحضنه فينك يابني مختفي بقالك فتره
حسام: مانت لو بتسال هتعرف انما انت والباشا التاني قله الاصل عندكم بنسبه عاليه شويه انا كنت مسافر مؤتمر طبي في المانيا ولسه راجع جيت من المطار علي هنا وروحت مكتب حمزه لقيته فاضي حتي مفيش سكرتيره
ياسر بحزن: حمزه في المستشفي يا حسام
حسام بصدمه: انت بتقول ايه
ياسر: زي مابقولك ويبدأ يحكيله اللي حصل .....
حسام بحزن: طب هو في مستشفي ايه دلوقتي
ياسر: مستشفي .....
حسام: اه انا شريك في المستشفي دي طيب وهو حالته ايه دلوقتي
ياسر: فاق من الغيبوبه النهارده واتنقل غرفه عاديه
حسام: طيب انا هروح اشوفه دلوقتي
ياسر: طيب وانا هخلص شويه شغل وجي
حسام: طيب سلام ويمشي حسام يروح لحمزه
ياسر: لسه مكشره يابنتي ليليان دي اخت حمزه يعني اختي الصغيره
شمس: تحضنها ماتحضنهاش انت حر انا مليش حكم عليك انت مديري وبس
ياسر: بس يابت
شمس بصدمه: بت
ياسر: اه بت وبعدين انا كنت مديكي وقت تفكري في موضوع جوازنا بس شكلك مش بتيجي بالحنيه واول ماحمزه يقوم بالسلامه هتجوزك وغصب عنك وايوه انتي بت هاا ويسيبها ويدخل مكتبه وهو بيضحك عليها
شمس بغيظ: عاااااا رخم
ــــــــــــــــــــــــــــــــــــــــــــــــــــــــــــــــــــــــــــــــــــــ
في المستشفي
يتنقل حمزه غرفه عاديه بعد ما الدكتور اكد ان حالته بقت مستقره بس هيقعد يومين في المستشفي تحت الملاحظه
احلام بدمع: لو كان جرالك حاجه كنت هروح فيها يابني
حمزه بتعب: بعد الشر عليكي ياست الكل ماتقوليش كده
عزه: حمدلله علي سلامتك يابني
حمزه: الله يسلمك يا ماما عزه
ليليان بدموع: عارف يا ابيه حسيت ان ربنا استكترك عليا واني مستاهلش يكون عندي اخ زيك
حمزه: متقوليش كده يا حبيبتي ربنا يديني طوله العمر وافضل جنبك ودايما ضهرك وسندك
ليليان: عارف يا ابيه حياه كان هاين عليها تقتل الدكتور وهو بيقولها اخرحي بره ولا الممرضات مكنش فيه حد قادر يخرجها بره منهم
حمزه يبص لحياه ويبتسم بحب: ربنا يباركلي فيكي ياقلب حمزه
ويدخل حسام الغرفه بمرح: معقول حمزه بيه بنفسه حاجز غرفه في المستشفي بتاعتي وانا معرفش يارب تكون خدمتنا عجبت سيادتك
حمزه: فينك يابني من فتره
حسام بمرح: قولي بقي فينك وانا ارجع اقولك الاسطوانه اللي قولتها لياسر انا يا سيدي كنت مسافر مؤتمر طبي في المانيا ولسه راجع وهرجت من المطار علي الشركه ودخلت مكتبك وكان فاضي روحت مكتب ياسر ولقيته وهو حكالي اللي حصل وعرفت منه انك هنا وجيت بس صحيح انت عملت الحادث دا ازاي
حمزه بكذب: مكنش فيه فرامل في العربيه
حسام حس انه بيكذب وكمان حياه خدت بالها: طيب انا رايح مكتبي وهعدي عليك بالليل اطمن عليك
حمزه: ماشي بس الاول خد ماما ووصلها الڤيلا هي وليليان وماما عزه
احلام: لا مش هسيبك انا قاعده معاك
حمزه يحس بالتعب: يا ماما ماتتعبنيش مفيش داعي حد يقعد هنا وخلاص انا كويس وحياه معايا اهي وكمان حسام
عزه: ايوه يا احلام يلا بينا وبكره هنيجي نطمن عليه
احلام: طيب يابني
حمزه: معلش يا حسام هتعبك معايا
حسام: بس يالا احنا اخوات
حمزه: يالا صحيح بيئه امشي غور من هنا
حسام: ههههههههه حاضر ويمشي حسام علشان يوصلهم
حمزه يبص لحياه بحب: تعالي يا حياه اقعدي جنبي
حياه تقوم وتروح تقعد حنبه علي السرير يمسك ايديها حمزه ويبوسها: تعرفي انك وحشتيني اوي
حياه: احم احنا في المستشفي حد يشوفنا
حمزه: ما اللي يشوف يشوف اومال لو عملت كده ويقربها منه ويبوسها من شفايفها بحب
حياه تتكسف: مينفعش كده انت تعبان
حمزه بخبث: تعرفي اني حلمت بيكي وانا في الغيبوبه انك بتقوليلي قوم ياحمزه انا بحبك
حياه باحراج: ا.انا لا محصلش
حمزه: دا بجد يعني انا كنت بحلم
حياه: تهز راسها بالايجاب
حمزه يمثل انه تعبان ويمسك دماغه: اااه ااااه ليه كده يا حياه كان نفسي تبقي حقيقه كان نفسي اموت واكون سامع منك كلمه بحبك
حياه بخضه: لا ياحمزه متسيبنيش انا بحبك
حمزه بضحك: وانا بموت فيكي والله هههههههههه
حياه تضربه علي صدره: رخم
حمزه: بس بعشقك
ــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
توقعاتكم
ياتري ايه هي الملفات اللي كان عايزها حامد من مكتب حمزه؟
وياتري عدي هيفضل يلعب بيهم كده؟
وهل كده حياه قعلا حبت حمزه؟
