💔 حب خادع 💔
تاني يوم في غرفه حياه تصحي حياه من النوم تلاقي حمزه نايم علي الاريكه تقوم من علي السرير وتروح تقعد علي الارض قصاده وتبص ليه كأنها بتحفظ ملامحه ويفتح حمزه عنيه مره واحده ويلاقي حياه قصاده
حمزه: حياه ايه اللي قعدك كده
حياه باحراج: هاا لا ابدا بس كنت جايه اصحيك
حمزه: طيب ياحبيبتي هي الساعه كام
حياه: الساعه 12 الضهر
حمزه ويقوم بسرعه: يااااه دا انا اتأخرت اوي
حياه: خدني مع؛اك
حمزه: والله ياحبيبتي انا مش رايح الشركه انا رايح مشوار تاني
حياه: مشوار ايه
حمزه بتنهيده: هتعرفي كل حاجه لما اجي ويقبل جبينها ويخرج من الغرفه ويذهب لغرفته ويدخل الحمام ياخد شاور ويغير هدومه ويذهب لمشواره
ــــــــــــــــــــــــــــــــــــــــــــــــــــــــــــــــــــــــــــــــــــــ
تنزل حياه من غرفتها تلاقي دولت قاعده تحت ومعاها اصدقائها تبحث بعينيها علي والدتها تلاقيها في المطبخ تروح حياه لوالدتها المطبخ
عزه: صباح الخير يابنتي
حياه: صباح النور يا ماما
عزه: جوزك راح شغله
حياه: ايوه ياحبيبتي
عزه: طيب ياحبيبتي
حياه: انتي واقفه ليه في المطبخ يا ماما
عزه بارتباك: م.مفيش يابنتي كنت بعمل قهوه
حياه: من امتي بتشربي قهوه يا ماما ولو هتشربي قهوه هتشربي كل دول
عزه: ا.اصل يابنتي
حياه: فيه ايه يا ماما قوليلي انتي يا سعاد
سعاد الخدامه: بصراحه ياستي اللي حصل
فلاش باك
دولت: انتي ياست انتي. انتي رايحه فين
عزه: ابدا يا دولت هانم طالعه الجنينه
دولت: مفيش خروج وانجري اعمليلنا قهوه هو اكل ومرعه وقله صنعه ولا ايه ناس تربيه شوارع بصحيح
عزه بدموع: الله يسامحك يادولت هانم
دولت بغضب: امشي انجري من قدامي واعملي اللي قولتلك عليه
عزه: حاضر يادولت هانم
باااااك
حياه بعصبيه: لا كده جابوا اخرهم معايا وتروح حياه لدولت قاعده مع صحابها بيضحكوا انتي ياست انتي
دولت ببرود: انتي بتكلميني انا
حياه بعصبيه: انتي ازاي تقولي لماما تعمل القهوه انتي فاكراها الخدامه بتاعتك ولا ايه
دولت: هي اللي شكلها كده زيها زي الخدم اعمل ايه يعني
سلوي صديقه دولت: ياي يادولت مين دول وازاي يتكلموا معاكي كده
نجوان: معقول حد يستجري يتكلم كده مع دولت هانم
دولت ويتملكها الغضب: انتي اتجننتي ازاي تكلميني بالاسلوب دا ياجربوعه انتي
حياه بصوت عالي: والله ماحد جربوع غيرك انتي واللمامه اللي قاعدين معاكي
سلوي: ايه الاسلوب دا ايه يادولت انتي جيبانا علشان الخدم بتوعك يهزقونا ولا ايه
نجوان: انا الخدم اللي عندي ميستجروش يبصوا في عيني الله يعينك علي الخدم اللي عندك
حياه بصوت عالي: خدم مين ياست منك ليها البيت دا بيتي وانتو هنا ضيوف في بيتي
سلوي: ازاي انتي صاحبه البيت ايه يادولت الكلام دا صح
دولت: بيت مين يا شوارعيه يا زباله انتي
عزه: خلاص يابنتي حصل خير ماحصلش حاجه لدا كله
حياه: ايوه بيتي وبيت جوزي وهو صاحب البيت اللي انتي قاعده فيه دا
دولت: لا بقي كده كتير انتي قليله الادب ولسه هترفع ايديها وتضربها بس تلاقي ايد مسكتها
احلام بغضب: ايدك لو اتمدت عليها هكسرهالك
دولت بصدمه: احلام
احلام: ايوه احلام. احلام اللي دمرتيها وخليتي جوزها يشك فيها ويرميها بره البيت في نص الليل فاكره ولا مش فاكره
دولت: انتي ازاي عايشه ازاي
احلام: ايه يا دولت فكراني ميته ولا ايه
دولت بارتباك: لا ا.ا.بدا ا.ا.اصل
احلام: مالك مش علي بعضك ليه وبعدين مش عيب تكوني الخدامه بتاعتي وتشوفيني وماتعمليش القهوه بتاعتي دا انا حتي مكنتش بشربها من ايد حد غيرك
ويتصدم كل اللي قاعد من كلام احلام ويستغربوا صحاب دولت من الكلام
نجوان: ايه دا فيه ايه ومين خدامه مين
سلوي: معقول دولت خدامتك انتي ماتقولي حاجه يا ديدي ساكته ليه وايه اللي بتقوله الست دي
احلام وتبص علي حياه وتلاقيها مصدومه من اللي بيحصل ومش مستوعبه حاجه تروح وتقف قصاد حياه
احلام: انتي حياه صح
حياه باستغراب: ايوه انا حياه مين حضرتك
حمزه: دي تبقي امي يا حياه احلام هانم
حياه: مامتك ازاي اومال دي تبقي مين فهموني
حمزه: بصي يا حياه انا هقولك..
احلام بمقاطعه: لا يابني استني انا اللي هقولها بصي يابنتي من 3 سنين كنت عايشه هنا مع جوزي وولادي وكنا عايشين حياه سعيده لحد ما في يوم تعبت ومبقتش اقدر اتحرك من مكاني وجوزي جابلي خدامه وتبص لدولت وللاسف الخدامه دي كانت السبب في دمار حياتي كلها
حمزه: والخدامه دي تبقي دولت اللي فاكره نفسها هانم بجد وهي اصلا جايه من الشارع
حياه: انا مش فاهمه حاجه
حمزه: دولت لما دخلت حياتنا كانت ماما تعبانه وكانت بعيد عن بابا والحقيره دي كانت بتتقرب منه في الوقت دا بسبب طمعها واتفقت مع واحد يجي الڤيلا في الوقت اللي كان بابا مسافر فيه وحطت لماما في اكلها منوم وصورته جنبها ولما بابا رجع من السفر شاف الصور اللي مع دولت وضرب ماما واتهمها بالخيانه وطردها في نص الليل لا وكمان فضلت ورا اخويا لحد ماكرهته في ماما وبقي يعتبر كل البنات خاينه
دولت: كدب كدب انا معملتش كده كدب كله كدب
نجوان: معقول انتي تعملي كده للاسف انا ميشرفنيش اني اعرف واحده زيك لا وطلعت خدامه ومن الشارع
سلوي: وانا كمان ميشرفنيش تكوني من صحابي يلا بينا يا نجوان من هنا عن اذنك يا احلام هانم
حياه: يعني دولت خدامه طب وليليان مش اختك
حمزه: للاسف اختي بابا بعد ماطرد ماما اتجوز دولت بعدها بشهر دولت دي شيطان وبنتها زيها
احلام: وبعتت ورايا ناس يقتلوني بس حمزه ابني كان مصدقني وخرج ورايا وشافهم وهما بيخطفوني وضربهم وخدني شقته اللي في المعادي وكنت قاعده فيها ومحدش يعرف اني عايشه
حياه: انا حاسه اني عايشه مع مافيا انتو ايه دا ليه حياتكم كده ليه ليه وتطلع تجري علي غرفتها
احلام: اطلع يابني ورا مراتك خليك جنبها اما انتي بقي يا دولت هترجعي خدامه زي مانتي ولما حامد يرجع من السفر هو هيتصرف معاكي
دولت ببرود: وانتي فاكره ان حامد هيسمع كلامك انتي هههه تبقي غلطانه هو شايفك واحده خاينه معندهاش شرف
احلام بعصبيه وترفع ايديها وتضربها بالقلم: اخرسي اللي معندهاش شرف دي اللي تاخد راجل من مراته انتي اللي معندكيش شرف وخدامه وهتفضلي عمرك كله خدامه
دولت بغل: بكره هتدفعي تمن ضربك ليا دا غالي ان ماخليتك تترمي في الشارع زي مارميتك من 3 سنين مبقاش انا دولت هانم
احلام: ههههه هانم تصدقي ضحكتيني انتي صدقتي نفسك ولا ايه علي العموم هسيبك تتكلمي براحتك وتبص لعزه والده حياه مش انتي والده حياه بردو
عزه: ايوه يا هانم انا امها
احلام بحب: اسمي احلام. احلام وبس تعالي معايا نطلع نشوف الولاد
عزه: طيب يلا
ــــــــــــــــــــــــــــــــــــــــــــــــــــــــــــــــــــــــــــــــــــــ
في غرفه حياه
يطلع حمزه يلاقي حياه قاعده علي الاريكه بتعيط يروح يقعد جنبها ويمسك ايديها ويبوسها ويمسح دموعها وياخدها في حضنه بس تبعد عنه حياه وتيجي تقوم يمسكها حمزه من دراعها ويقف قصادها
حمزه: حياه اسمعيني انا عارف انك كل شويه تواجهي مشاكل بسببي بس صدقيني والله الست دي تبقي امي بجد وكل كلمه قولناها حقيقه مش كذب
حياه: انا خلاص حاسه اني ضايعه دا انا زي مايكون قاعده في بيت مافيا حواليا عصابه انتو ايه
حمزه: وحياتك عندي يا حياه انا عمري ماعملت حاجه غلط او عملت حاجه تغضب ربنا
حياه بصدمه: بتحلف بحياتي انت عادي عندك انك تحلف بحياه حد كده خلاص حياه الناس ملهاش قيمه عندك
حمزه باستفهام: حياه انا مش فاهم حاجه تقصدي ايه بكلامك دا
حياه بغضب: اطلع بره
حمزه: حياه اسمعيني
حياه بصوت عالي: برررره وتدخل والده حياه ووالده حمزه
عزه: مالك يابنتي صوتك عالي كده ليه فيه ايه يابني
حمزه: مفيش يا امي عن اذنكم انا رايح الشركه ويخرج حمزه من الغرفه
احلام: اقعدي يا حياه انا عايزه اتكلم معاكي شويه ممكن يابنتي
حياه: اتفضلي
عزه: طيب اسيبكم انا شويه عن اذنكم
احلام: لا يا ست عزه اتفضلي اقعدي انا حابه ان كل كلمه هتتقال تبقي قدامك بصي يا حياه يابنتي الكلام دا مش علشان حمزه ابني لا دي كلمه حق وهتحاسب عليها صدقيني حمزه انسان كويس ومفيش منه وبيحبك واكيد انتي عارفه كده كويس حمزه محتاج فرصه بس يثبتلك فيها قد ايه هو بيحبك بجد
حياه: مفيش داعي للكلام دا ياطنط
احلام: اولا انا اسمي ماما مش طنط الا لو كلمه ماما مضيقاكي في حاجه
حياه باحراج: لا ابدا يا طنط احم قصدي يا ماما
احلام: ارتاحي يابنتي دلوقتي ولما جوزك يرجع من شغله بالليل ابقي اتكلمي معاه الدنيا مش مستاهله زعل يا ولاد
حياه: حاضر يا ماما وتخرج عزه واحلام وتقعد حياه علي السرير تفكر في كلام احلام
ــــــــــــــــــــــــــــــــــــــــــــــــــــــــــــــــــــــــــــــــــــــ
في الشركه يوصل حمزه ويدخل مكتب ياسر يلاقيه فاضي يروح علي مكتبه ويبص علي مكتب حياه بحزن ويحس بالخنقه ويخرج من الشركه ويركب عربيته ويرجع الڤيلا يلاقي والدته قاعده مع والده حياه
احلام: تعالي ياحبيبي
حمزه: لا يا ماما معلش تعبان وهطلع انام
احلام: طيب يابني
عزه: تفتكري هيحصل ايه
احلام: كل خير بأذن الله
يطلع حمزه غرفته ويقفل الباب بقوه وتسمعه حياه تقوم تجري علي غرفته وتخبط وتفتح الباب وتدخل تلاقي حمزه قاعد علي الاريكه وايديه علي راسه تروح حياه تقعد جنبه
حياه: احم انا اسفه
حمزه: ايه
حياه: ا.ا.سفه
حمزه ياخدها في حضنه ويبوسها من خدها: بحبك يا حياه بحبك بحبك
حياه وتبادله الحضن: انت زعلان مني
حمزه يبعدها عنه ويبص في عنيها: حياه انتي متعرفيش انا بحبك قد ايه حياه انتي بقيتي كل حياتي مقدرش ابعد عنك انا لو بعدت عنك اموت
حياه: ايه الصوت اللي تحت دا
حمزه ويقرب وشه منها: انتي بتهربي بقي
حياه: حمزه بجد فيه صوت عالي تحت
حمزه ويقرب اكتر ولسه هيلمس شفايفها بس يسمع صوت زعيق جي من تحت
حياه وتبعد عنه: مش قولتلك فيه صوت عالي جي من تحت يلا نشوف فيه ايه وينزل حمزه ومعاه حياه وكانت الصدمه من نصيب حمزه و.......
ــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
توقعاتكم
ياتري ليه حمزه اتصدم لما نزل تحت؟
وهل حياه هتقدر تحب حمزه؟
