💔 حب خادع 💔
تاني يوم تصحي حياه تلاقي نفسها لسه في حضن حمزه تبص علي الساعه تلاقيها 9 صباحا تحاول تبعد عن حضنه وتقوم بس يمسكها حمزه ويشدها عليه
حمزه بحب ويمشي ايده علي خدها: اوعي تكوني في حضني وتبعدي عني تاني يا حياتي
حياه تحاول تبعد عنه: حمزه لو سمحت مينفعش كده
حمزه وهو بيقرب اكتر: مينفعش ليه انتي مراتي وحلالي ايه اللي مينفعش بقي ويقرب اكتر ولسه هيلمس شفايفها بس تبعده حياه عنها وتقوم من علي السرير بسرعه وتقف يقوم حمزه يقف وراها ويحاوطها بزراعيه ويبوسها من رقبتها وتحس حياه بنبصات قلبها السريعه وتحاول تبعد عنه لكن يلفها حمزه ليه ويقرب من شفايفها ويبوسها وتحاول حياه تقاومه بس تتجاوب معاه ويبعد عنها بعد وقت وتتكسف حياه وتطلع تجري علي الحمام وتقفل الباب وتقف وراه وتحط ايديها علي قلبها لتتحسس نبضاته السريعه بس تفوق من تفكيرها وتقول: بردو لا ياحمزه قلبي مش هيكون ليك ولا هيميل ليك في يوم من الايام وتاخد شاور وتغير هدومها وتطلع تلاقي حمزه لابس هدومه وقاعد مستنيها تتكسف حياه لما تلاقيه بيبص عليا وتيجي تخرج من الغرفه بس تقف علي صوت حمزه
حمزه: حياه يلا علشان تنزلي معايا الشركه
حياه بفرحه: بجد هتاخدني معاك الشركه يعني هرجع الشغل تاني
حمزه بابتسامه: ايوه ياحبيبتي بس يلا علشان انا اتأخرت ويقرب منها بخطوات بطيئه: اصل انتي لما بتكوني في حضني بنسي الدنيا باللي فيها
حياه: احم طيب يلا بينا
حمزه: بتهربي مني يا حيااتي مااشي بكره ياجميل تقع تحت ايدي
حياه تبتسم وتسيبه وتنزل تحت وينزل حمزه وراها ويلاقي والده ودولت وليليان قاعدين علي السفره
ليليان: ابيه حمزه رايح الشركه
حمزه: ايوه ياحبيبتي عايزه حاجه
ليليان: لا ابدا يا ابيه بس كان نفسي توصلني الجامعه انت
حمزه: وانا تحت أمر الجميل يلا بينا
دولت بزعيق: ليليان معاكي عربيتك تروحي بيها لوحدك انتي مش صغيره
تنزل احلام وتسمع كلام دولت وتقول: البنت نفسها اخوها اللي يوصلها وانتي ايه اللي يدايقك في كده
حامد: دولت بتتكلم مع بنتها متدخليش انتي
حمزه بنفاذ صبر: يلا ياليليان علشان اوصلك عايزه حاجه يا ماما
احلام: لا يابني ربنا يجعلك في كل خطوه سلامه
حمزه: اللهم امين عن اذنكم يلا يا حياه يلا يا ليليان
ويخرج حمزه من الڤيلا ويوصل ليليان جامعتها وتطلب منه ليليان يوصلها لحد جوا وينزل حمزه من العربيه هو وليليان
ليليان: حياه تعالي معانا
حياه: طيب وتنزل حياه من العربيه ويدخلوا الجامعه هما التلاته وتلاحظ حياه نظرات البنات لحمزه وتحس بالغيره ويشوف حمزه نظراتها اللي كلها غيره ويبص في المكان اللي هي باصه فيه ويشوف نظرات البنات ليه ويفرح من جواه ويحس بالسعاده لما يشوف حياه غيرانه عليه وبدون مقادمات يمسك ايديها ويكملوا طريقهم وتحس حياه برعشه في جسمها بسبب لمست ايديه ليها ويوصلوا ليليان ويستأذن منهم حمزه ويدخل لرئيس الجامعه وتشوف ليليان صحابها جايين عليها ومعاهم تالا وتحس ليليان ان العاصفه هتبدأ بوجود تالا وحياه في مكان واحد
ليليان بسرعه: حياه حبيبتي يلا بينا نقف في مكان تاني او اقولك يلا علي الكافيتريا
حياه وتشوف تالا جايه عليها وبتبصلها بغيظ وقرف: لا هنا كويس وتقول لنفسها: لو جدعه تبقي تتكلم نص كلمه علشان تاخد علقه محترمه زي المره اللي فاتت
وتوصل تالا وتقف قدام حياه وتتكلم ببردو
تالا: هاي
ليليان بخوف من الموقف: تالا فينك مبتجيش ليه بقالك فتره
تالا: سوري حبيبتي كنت مسافره مع مامي وبابي ورجعت امبارح وتبص لحياه بقرف دا انا كمان كنت هاجي النهارده علشان متعرفيش حمزه وحشني قد ايه
ليليان: احم اكيد طبعا ابيه حمزه بردو اخوكي زي ماهو اخويا
تالا: ايه ياليليان اللي بتقوليه دا اخويا ايه وكلام فاضي ايه مانتي عارفه اني بحب حمزه ولا انتي خايفه من البتاعه اللي حنبك دي وتشاور علي حياه بقرف
حياه بغضب: بقي انا بتاعه يا زباله يا لمامه
ليليان: خلاص يا تالا بقي الله انا اسفه يا حياه حقك عليا
تالا: انا لمامه وكمان زباله يا جربوعه انتي عارفين يابنات حمزه جايبها من الشارع وعملها هانم بس هتشوفي ازاي هخليه يرميكي بره زي كلاب السكك
حياه: ليه فكراني زيك بتاعه رجاله وبرمي نفسي علي كل راجل شويه وبجري وراه علشان فلوسه
تالا بغيظ وترفع ايديها علشان تضربها: انا بتاعه رجاله يا زباله
تمسك حياه ايديها وتلفها ورا ضهرها وتضربها بالقلم من قوه القلم تقع تالا علي الارض
ويوصل حمزه مكان ماهما واقفين ويلاقي تالا واقعه علي الارض بس ميعرفش السبب يوطي عليها حمزه ويساعدها تقوم
حمزه باحترام: تالا مالك وايه اللي رماكي علي الارض كده
تالا وتمثل البكاء: اسأل مراتك ياحمزه ضربتني بالقلم ووقعتني علي الارض
حمزه: ليه كده يا حياه ليه المشاكل دي قدام الناس
حياه بعصبيه: اسألها اهي عندك وتسيبه وتمشي
ليليان: طب روح انت يا ابيه وراها بسرعه
ويجري حمزه ورا حياه يلاقيها بتركب العربيه يركب هو كمان ويمشي السواق في طريقهم للشركه
ــــــــــــــــــــــــــــــــــــــــــــــــــــــــــــــــــــــــــــــــــــــ
في الشركه
يوصل حمزه وحياه وتسيبه حياه وتروح تقعد علي مكتبها ويدخل وراها حمزه
حمزه: حياه اسمعيني بس
حياه: بص انا مش عايزه اسمع منك حاجه اتفضل علي مكتبك احسنلك دلوقتي
حمزه برفعه حاجب: علي فكره انا صاحب الشركه
حياه بغيظ: قولتلك علي مكتبك دلوقتي احسنلك
حمزه بخوف مصطنع: طيب حاضر حاضر ويدخل علي مكتبه وبعد شويه تيجي شمس تجري علي مكتب حياه
شمس: حيااااااه وحشتيينيييي اوي والله مصدقتش انك هنا غير لما سمعت الموظفين كلهم بيقولوا الاستاذ حمزه والمدام بتاعته جايين مع بعض
حياه: وانتي كمان ياشمس وحشاني كده متسأليش عليا كل الفتره دي
شمس: معلش ياقلبي بس والله ماما تعبانه اوي ودايما معاها دا حتي باشمهندس ياسر هو اللي بيوصلني بعد الشغل وساعات بياخد ماما يوديها المستشفي
حياه بغمزه: قولتيييلييي باشمهندس يااااسر صحيح ياسر عامل ايه
شمس بارتباك: م.معرفش و.و.بعدين ماتخلي جوزك يسأله وانا مالي
حياه: ااااه طيب طيب مسيرك تيجي وتحكيلي يا جمييل
شمس: يانهاار ابيض الباشمهندس ياسر كان طالب مني اخلص شويه ملفات علشان اجتماع الوفد الالماني وانا نسيت وجيت جري علي هنا
حياه: هههه طب روحي ياختي خلصي شغلك وانا كمان هشوف شغلي
شمس: انتي مش هتحضري الاجتماع
حياه: لا هعمل ايه في الاجتماع دي مش شغلتي
شمس: ازاي مش انتي سكرتيره استاذ حمزه يبقي هتحضريه وانا كمان هحضر وبعدين هتسيبي جوزك مع الطلقه الالمانيه
حياه باستفهام: طلقه يعني ايه مش فاهمه
شمس: دي بت المانيه جايه تمضي العقود بتاعه الصفقه اللي بين شركتنا وشركتها بس اييه طلقه كل الموظفين هيموتوا عليها ولا علي اللبس اللي هي مش لابساااه يختااااااي
حياه: اييييه بس بس كل دا ماهي ست زي اي ست فيه اييه
شمس: مانتي علشان مشوفتيش اللي انا شوفته ياختي سلام اشوفك في الاجتماع وانا متأكده انك هتحضريه وتمشي شمس تروح علي مكتبها ويرن موبايل حياه وتلاقيه حمزه اللي بيرن ترد عليه
حياه: افندم
حمزه: تعالي مكتبي عايزك
حياه: وانا مش جايه
حمزه: نعم ايه اللي مش جايه انتي مش السكرتيره بتاعتي وبعدين انا هنا مديرك ولما اقولي عايزك تيجي علي طول ومعاكي اقل من دقيقه وتكوني عندي باي يا حياتي
حياه بغيظ: طيب ياحمزه استني عليا لما نرجع الڤيلا وتقوم تدخل مكتب حمزه: افندم عايز ايه
حمزه: فيه واحده تقول لمديرها عايز ايه
حياه بتلقائيه: بس انا بتكلم مع جوز..
حمزه بابتسامه: كمليها يا حياه ايوه قولي اني جوزك قوليها يا حياه
حياه: احم حضرتك كنت عايزني فيه
حمزه يقوم ويقف قصادها: عايزك تكمليها يا حياه عايز اسمعها منك
حياه: لو سمحت احنا في مكان شغل قولي حضرتك كنت عايز ايه
حمزه بحزن: طيب يا حياه علي العموم كنت عايز اقولك ان الوفد الالماني وصل وعندنا اجتماع دلوقتي وهتحضري الاجتماع بما انك السكرتيره بتاعتي
حياه: حاضر يافندم حضرتك تأمرني بحاجه تاني
حمزه: لا شكرا اتفضلي اسبقيني علي غرفه الاجتماعات
حياه: حاضر عن اذنك وتروح حياه علي غرفه الاجتماعات وتشوف الوفد الالماني وتشوف البنت اللي شمس قالتلها عليها وتحس فعلا بالغيره علي حمزه منها وتشوفها شمس وتقولها
شمس: مش قولتلك طلقه مسمعتيش كلامي
حياه: احم ومين قال بس اني غيرانه منها
شمس: هههههه بصي علي نفسك في المرايه ياختي وانتي تعرفي
ويدخل حمزه الغرفه ومعاه ياسر ويسلم علي الوفد وتتصدم حياه لما تشوف البنت سلمت علي حمزه وباسته من خده وتيجي تسلم علي ياسر بس يبص ياسر لشمس يلاقيها متغاظه من البنت يسلم عليها بالايد بس تيجي تبوسه يرفص ياسر باحترام ويبص لشمس ويغمزلها تتكسف شمس بس تبص عليه وتبتسم
حمزه: هل يمكننا بدأ الاجتماع
ايلينا: حسنا يمكنك بدأ الاجتماع
حمزه: باشمهندس ياسر سوف يشرح لكم كل شئ
ويقوم ياسر يقف قصاد شاشه العرض ويبدأ يشرح تفاصيل المشروع وبعد وقت يخلص ياسر شرح
ياسر: هل تريدون ان اعيد شرح شئ ما من جديد
ايلينا: هايل هايل مسيو ياسر حقا انه مذهل
حمزه: حسنا نتفق علي السعر 5 مليون كويس
ايلينا: حسنا ليس لدي اي اعتراض
ياسر: اتفضلي سيدتي وقعي هنا وتمضي ايلينا
ياسر: وانت كمان ياحمزه امضي
ويمضي حمزه ويقوم الوفد علشان يستعدوا للذهاب
تشهق حياه بصدمه وبعد ما ايلينا وقفت: ايه جا يالهوووي
شمس بضحك: هههههههههه مش قولتلك احمدي ربنا دا هي المره دي لابسه حاجه محترمه وبعدين انتي سايباها تبوس جوزك وجايه تتصدمي من لبسها
تبص حياه علي حمزه تشوف ايلينا بتبوسه من خده وحضنته تروح حياه تقف جنب حمزه بغيظ
يحس حمزه يغيرتها: هذه زوجتي الجميله واسمها حياه
ايلينا: زوجتك حقا جميله
حياه بابتسامه بارده: ميرسي
ويمشي الوفد الالماني وتخرج حياه من الغرفه بغيظ وتروح مكتبها ويروح وراها حمزه وهو بيضحك عليها بهستيريا
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عائله الصياد
تطلع الخادمه غرفه عزه وتبلغها ان فيه ناس تحت وعايزين يشوفوها
عزه: مقالوش هما مين يا سعاد
سعاد: لا ياست هانم بس باين من طريقه كلامهم انهم صعايده ومعاهم راجل كبير وباين عليه الهيبه كده
عزه بفرحه: ابووي وتنزل عزه تحت وتلاقي ابوها وامها واخواتها ومعاهم ولادهم تجري عزه والدها وتميل علي ايده وتبوسها
عزه: ابووي اتوحشتك جوي يابوي بالله تسامحني يابوي صعب عليا فراجك كل السنين دي
عبد المجيد: اني اللي اسف يابتي اني خابر اني ظلمتك بس انتي يابتي اصيله وهتسامحي ابوكي
عزه: لا يابوي متجولش إكده انت تجيب جذمتك فوج راسي
إحسان بفرحه: تعالي في حضني يابتي اني اتوحشتك جوي
عزه وتترمي في حضن امها وتبكي: واني كمان اتوحشتك جوي ياماي
احسام: كفاياكي بكي يابتي اللي فات جدر ومكتوب
عثمان: كيفك ياخيتي اتوحشناكي جوي
عزه: اني بخير ياخوي كيفك انت وكيف مرتك وولدك
عثمان بخير ياخيتي ومرتي بعتالك السلام ودا ولدي رعد سلم علي عمتك يا رعد ياولدي
رعد: كيفك ياعمتي
عزه: بخير ياولدي كبرت يارعد وبجيت راجل
عتمان: عزه خيتي كيفك ياخيتي وفين بتك عايزين انشوفها
عزه: بتي في الشغل هي وجوزها وزمانهم علي وصول اتفصلوا يا جماعه وتيجي دولت تزعق بصوت عالي
دولت: مين دول ويتفضلوا فين انتي نسيتي نفسك فاكره ان البيت بيتك ولا ايه ياست انتي
احسان: مين دي يابتي وبتتحدت معاكي اكده ليه
عزه: دول اهلي يا دولت وجايين من الصعيد وبقولهم يتفضلوا فيه ايه وبتزعقي ليه
دولت: يتفضلوا فين دول شويه زباله يلا كله برررره من بيتي بدل ماطلبلكم البوليس برررررره
رعد بغضب: اتكلمي زين يامره انتي بدل ماطوخك عيارين
عبد المجيد بصدمه لما يشوف دولت يفتكر حاجه: خلاص يارعد ياولدي احنا اسفين يا بتي وهنعاود دارنا دلوق
وينزل حامد من فوق ويسمع كلام دولت لاهل عزه
حامد: مين دول يا دولت وبتزعقي ليه
دولت: اسأل الست اللي فاكره ان البيت بقي بيتها وفتحتلنا البيت اوتيل للزباله اللي جيباهم
حياه بزعيق: اللي انتي بتقولي عليهم زباله دول يبقوا اهلي ولو سمعتك بتغلطي فيهم تاني هرميكي بره انتي فااااااهه
حمزه: البيت دا بيتي ومحدش ليه حق يتصرف زي ماهو عايز هنا غيري انا ومراتي وماما احلام وماما عزه انما انتي وجوزك ملكوش مكان هنا وانا سايبكم هنا علشان بس اسم جوزك اللي ورا اسمي في البطاقه
وتنزل احلام من فوق بعد ماخلصت صلاه: انتي ياللي اسمك دولت انتي مش هتبطلي مشاكل بقي وبعدين البيت دا بيت عزه قبل مايبقي بيتك انتي نسيتي نفسك ولا ايه دا انتي خدامه هنا روحتي او جيتي هتفضلي خدامه اوعي تكوني فاكره ان شويه اللبس اللي بتلبسيه والدهب اللي في ايديكي والالماظ دا هو اللي هيخليكي هانم لا فوقي لنفسك كده هتفضلي عمرك كله خدامه ليا ولاي حد في البيت دا
حمزه: انا اسف اوي ياجماعه علي اللي حصل اتفضلوا اقعدوا وينادي علي سعاد بصوت عالي: سعااد من فضلك حضري الغدا
عبد المجيد: كتر خيرك ياولدي باين عليك ابن اصول
حمزه: الله يخليك يا جدي اتفضلوا
عزه: سلمي علي جدك الاول يا حياه دا ابويا الحاج عبد المجيد ودي امي الحاجه احسان ودا اخويا الكبير صابر ودا رعد ابنه ودا اخويا الصغير عتمان ودا ابنه منصور
حياه بتردد تروح تسلم علي جدها وهي ماسكه في حمزه وخايفه من نظرات رعد اللي كلها غضب ويحس حمزه بخوفها ويتدم معاها ويمسك ايديها ويروح لجدها يسلم حمزه عليه وتسلم عليه حياه وياخدها جدها في حضنه ويبكي
عبد المجيد: ياااه يا بتي حضنك زين جوي زي امك
حمزه يحس بالغيره يشدها عليه: احم حياه سلمي علي جدتك وتروح حياه تسلم علي جدتها وسلمت علي خالها عتمان وبعده سلمت علي خالها صابر بس خافت من نظرات رعد ورجعت مسكت في ايد حمزه
حمزه: يلا يا جماعه الغدا جاهز يلا بينا علي السفره اتفضلوا ويروحوا يقعدوا علي السفره ويتناولون الطعام وبعد وقت من الضيافه يستأذنوا اهل عزه
عبد المجيد: ربنا يبارك في زوجك يابتي باين عليه اخلاجه عاليه ربنا يحفظه
حياه: احم يارب
عبد المجيد: خلي بالك منها ياولدي دي امانه في رجبتك
حمزه وياخد حياه في حضنه قدامهم: في قلبي وعنيا
عبد المجيد: ربنا يسعدكم ياولدي نستأذن احنا يلا يا جماعه علشان انعاود البلد دلوق
عزه: كيه يعني لا خليكم الليله يابوي
احسان: لاه يابتي انتي خابره زين ان البلد حالها يوجف من غير ابوكي
احلام: خليكم يا جماعه الليله وامشوا بكره
عبد المجيد: لاه هو اكده زين جوي يلا بينا يا جماعه وانت يا ولدي ابجي تعالي نورنا وهات معاك حماتك ومرتك
حمزه: حاضر ياجدي من عنيا قريب ان شاء الله
ويمشوا عائله عبد المجيد وتطلع حياه علي غرفتها ويطلع وراها حمزه بس تاخد حياه هدومها وتدخل الحمام تاخد شاور وتلبس كاش مايوه لحد الركبه وتخرج من الحمام يشوفها حمزه يتبهر بجمالها ويروح يقف قصادها
حمزه: حياه انتي لسه زعلانه مني
حياه تبعد عنه وتروح تقعد علي السرير: وهزعل ليه يعني
حمزه يروح يقعد جنبها ويمسك ايديها: يعني مكنتيش غيرانه علشان ايلينا باستني ويغمزلها
حياه تسحب ايديها: لا وهغير ليه ان شاء الله
حمزه يقرب اكتر: كدابه كنتي غيرانه لما باستني وكمان كنتي غيرانه لما البنات كانوا بيعاكسوني في الجامعه
حياه: ليه يعني وبعدين واخد في نفسك مقلب علي فكره
حمزه ويقرب اكتر: ايه دا يعني انتي مش شيفاني حلو وقمر زي ما البنات بيقولوا
حياه: هههه لا طبعا اصلهم بيجاملوك
حمزه ويقرب اكتر: حياه انا بحبك ومبقتش قادر ابعد عنك اكتر من كده اسمحيلي اكون ليكي زوج قدام ربنا وصدقيني عمرك ماهتندمي يا حياه علشان انا بحبك بجد
حياه: احم لا مش هينفع يا حمزه ولو سمحت ابعد عني
حمزه بترجي: حياه ابوس ايدك كفايه بعد بقي لحد كده انا تعبت
حياه بعصبيه: يووووه قولتلك لا وابعد عني بقي وتزقه حياه وتقوم من علي السرير ويقوم وراها حمزه ويمسكها من دراعها بقوه: انتي ايه البرود اللي فيكي دا كفايه جبروت بقي يا شيخه انتي ايييه مابتحسيش اعملك اييه تاني اكتر من اللي بعمله انا تعبت بجد تعبت ويزقها ويخرج من الغرفه وبعدها من الڤيلا كلها
وتقعد حياه علي سريرها وتبكي بس تقوم تفتح الدولاب وتمسك صوره وتاخدها في حضنها: عارفه اني مقصره ومبقتش ازورك انا اسفه حقك عليا وهجيلك دلوقتي وتروح تغير هدومها وتروح المقابر
ــــــــــــــــــــــــــــــــــــــــــــــــــــــــــــــــــــــــــــــــــــــ
في المقابر
تقف حياه امام قبر احد ما وتبكي: انا اسفه حقك عليا مقدرش ازعلك عارفه اني مقصره بقالي فتره بس والله غصب عني نفسي اجيلك وابقي في حضنك زي زمان
في الجهه الاخري تقف سياره وينزل منها شاب ويقف امام احد المقابر ويبكي: وحشتني اوي يا يوسف وحشتني مش لاقي حد يكون حنين عليا زيك ياريتك عايش دلوقتي علشان تعرف ان ماما بريئه ومش مذنبه ولا خاينه زي مانت فاكر ماما مش زي ما الحيه دولت قالتلك ماما دي اشرف واحده في الدنيا بس متخافش انا هاخد حقها وحقك من دولت ومش هسيبها هندمها علي اليوم اللي فكرت فيه تهرب من اهلها ولازم اعرفها مين هو حمزه الصياد ويركب حمزه عربيته ويمشي
عند حياه واقفه بتقرأ قرآن وبعد ماتصدق تخرج من المقابر وتركب تاكس بس وهي في نص الطريق تشوف حاجه ولسانها ينطق بدون وعي: لو سمحت اقت هنا ثانيه واحده وتنزل حياه وتروح عند ناس متجمعين وباصين في الارض تقرب حياه علشان تشوف فيه ايه وكانت صدمتها انها شافت ..........
يتبع
ــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
توقعاتكم
ياتري حياه شافت ايه؟
وياتري تالا هتسكت علي اهانه حياه ليها؟
وايه مصير حياه وحمزه مع بعض؟
وحياه كانت بتزور قبر مين؟
