💔 حب خادع 💔
ڤيلا عائله الصياد
توصل احلام وعزه وليليان بعد ما سابوا حمزه وحياه في المستشفي ويدخلوا الڤيلا يشوفوا دولت قاعده وحاطه رجل علي رجل ومعاها صحابها وكمان تالا تروح ليليان تسلم عليهم باحترام
دولت: تعالي ياحبيبتي اقعدي معانا
ليليان بتعب: لا ميرسي انا تعبانه وهطلع اغير هدومي وهنام
دولت: طيب ياحبيبتي اطلعي وتوجه كلامها لعزه بقولك يااا اجري علي المطبخ اعمليلنا قهوه
احلام بغضب: ماتقومي تعملي لنفسك انتي اتشليتي
دولت بزعيق: انتي ازاي تكلميني كده انتو نسيتوا انا مين
احلام باستفزاز: لا مانسيناش انتي مين. انتي الخدامه بتاعتي وفيه حد بردو ينسي الخدم بتاعه
كوثر هانم: معقول يا دولت الكلام دا صح
دولت بغضب: لا طبعا دي كدابه
تالا: مين دي اللي خدامه انتي اتجننتي ياست انتي ولا ايه
عزه: خلاص يا احلام ماحصلش حاجه انا هروح اعمل القهوه
ليليان: لا يا طنط عزه خليكي انا اللي هعملها
دولت بغضب: ليليااااان تعملي اييهه
ليليان بهدوء: هعملكم القهوه يا ماما
دولت بزعيق: ليليااان اسمها مامي وبعدين قهوه ايه دي اللي هتعمليها
ليليان: عادي يا ماما دول ضيوفك وكلنا عيله واحده وطنط عزه كمان من العيله وحضرتك طلبتي منها تعمل القهوه وانا قولت هعملها انا فيها ايه بقي
دولت بغضب: دا شغل الخدم مش شغلك وهي جايه من الشارع هي وبنتها
احلام بصوت عالي: انتي نسيتي مين اللي جايه من الشارع
تالا: انتي ياست انتي متتكلميش مع عمتو بالطريقه دي تاني انتي فاهمه
ليليان: تالا من فضلك هما كبار سيبيهم يحلوا مشاكلهم بنفسهم
تالا: ليليان انتي ازاي سيباها تتكلم كده مع عمتو
ليليان بهدوء: هما كبار ومينفعش اتدخل بينهم عن اذنكم هروح اعمل القهوه
دولت: ليلياان علي غرفتك حالا
ليليان: حاضر بس طنط عزه مش هتعمل حاجه لانها مش من الخدم عن اذنك وتطلع ليليان غرفتها وتروح وراها تالا
احلام تبص لدولت بقرف: يلا بينا يا عزه نطلع نقعد في غرفتي لحسن الجو هنا يخنق وتطلع ومعاها عزه
ــــــــــــــــــــــــــــــــــــــــــــــــــــــــــــــــــــــــــــــــــــــ
في الشركه في مكتب ياسر
ياسر في مكتبه ويرفع سماعه الفون يستدعي شمس وبعد دقائق تدخل شمس المكتب
شمس: افندم
ياسر: هتفضلي ضاربه بوز كده
شمس: حضرتك طلبتني ليه
ياسر: علشان وحشتيني
شمس تبتسم بكسوف: احم بردو حضرتك مقولتش طلبتني ليه
ياسر يقوم من علي مكتبه ويروح يمسك ايد شمس وياخدها ويقعدوا علي الاريكه: متزعليش مني والله ليليان دي اختي الصغيره حقك عليا مش هعملها تاني ويرفع ايديها علي شفايفه ويبوسها
تتكسف شمس وتسحب ايدها وقلبها بيدق بسرعه: احم عن اذنك عندي شغل
ياسر يمسك ايديها: بردو هتهربي مني
شمس: احنا في المكتب ممكن حد يدخل ويشوفنا ساعتها الكلام هيكون عليا مش عليك
ياسر بغضب: خلي كلب يفتح بوقه ويتكلم عليكي نص كلمه وساعتها هنسفه وهمحيه من علي وش الارض
شمس باحراج: احم طيب هتروح تاني النهارده المستشفي
ياسر: ايوه بس هروح الڤيلا الاول هاخد ليليان
شمس برفعه حاجب: والله طيب روح وتيجي تقوم يمسكها ياسر
ياسر: ههههههههه اهدي يامجنونه انا هروح اخدها علشان هي اللي طلبت مني وبعدين هاخدك معايا
شمس: طيب هقوم اخلص شغلي
ياسر ويميل علي ودنها ويهمس: بحبك ياشمس عمري
شمس بكسوف: احم طيب انا هروح مكتبي وتجري شمس علي مكتبها
ويجي حامد لشمس ويطلب منها يدخل لحمزه
حامد: ياسر في مكتبه
شمس: ايوه يا فندم
حامد: طيب ويجي يدخل بس يقف علي صوت شمس
شمس: ثواني يا فندم هبلغه الاول
حامد بزعيق: تبلغيه ايه انا صاحب الشركه دي ومن حقي ادخل المكتب اللي يعجبني ومن غير اذن انتي فاهمه
يخرج ياسر من مكتبه علي صوت حامد: فيه ايه
حامد بغضب: انا عايز اعرف فين المستندات اللي كانت في مكتب حمزه اكيد معاك
ياسر: مش معايا حاجه اكيد حمزه شايلهم معاه
حامد بغضب: انت بتستهبل انا فتحت خزنه المكتب وكانت فاضيه قولي فين المستندات
ياسر ببرود: قولتلك معرفش حمزه بيشيل المستندات المهمه دي معاه ومحدش يعرف عنها حاجه
حامد بغضب: طيب يا ياسر لما اشوف اخرتها معاكم ايه ويمشي حامد
ياسر: عملك حاجه
شمس: لا بس كنت خايفه منه
ياسر بحب: اوعي تخافي طول مانا معاكي المهم خلصتي شغل
شمس: لا لسه بشتغل في ملف الصفقه الجديده
ياسر: مش مهم خليه بكره نشتغل فيه مع بعض ويلا بينا نروح ناخد ليليان ونروح المستشفي علشان الحق اوصلك قبل ما الوقت يتأخر
شمس وتاخد شنطتها والموبايل بتاعها: طيب يلا بينا
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عائله الصياد في غرفه ليليان
تطلع ليليان علي غرفتها وتروح وراها تالا
تالا: انتي ايه اللي حصلك مكنتيش كده
ليليان: عايزه ايه يا تالا
تالا: عايزه اعرف ايه غيرك كده
ليليان: هو التغيير دا وحش بقي ولا حلو بالنسبالك
تالا: طبعا وحش
ليليان: والله
تالا: ايوه طبعا فين ليليان البنت الجميله الشيك اللي لبسها كله علي الموضه بصي شوفي نفسك لابسه ايه دريس معفن وطويل ومقفل من كل حته ومش ظاهر جمالك فين ليليان القديمه فين
ليليان: وانتي شايفه ان لبسي المقفل دا وحش
تالا: طبعا يابنتي وحش دا الخدامه اللي عندنا بنتها بتلبس زي الدريسات اللي انتي لابساها دي
ولسه هترد عليها ليليان بس يرن الموبايل بتاعها برقم ياسر: ايوه يا ياسر يعني انت تحت طيب طيب انا دقيقه واحده بس هغير هدومي وهنزل علي طول وتقفل ليليان
ليليان: تالا انا لازم اغير هدومي علشان ياسر واقف تحت
تالا: واااااو وكمان ياسر واضح ان مش حمزه بس اللي بقيتي معاه لا دا حمزه والشوارعيه بتاعته وياسر واكيد البت البيئه اللي معاه بس انا بقي مش مصدقه انك اتغيرتي ماهي مش ليليان اللي هتتغير 180 درجه كده في يوم وليله
ليليان بغضب: انتي ايه اللي بتقوليه دا انتي اتجننتي اسمعي يا تالا انا اللي مخليني ساكته انك بنت خالي وبس فاهمه اوعي تتعدي حدودك بالكلام علي اخويا ومراته ولا حتي علي ياسر
تالا: وليه بقي متكلمش علي ياسر
ليليان بارتباك: علشا.ا.ان علشا.ا.ن علشان هو زي اخويا
تالا: والله بجد طيب يا ليليان وتسيبها تالا وتنزل وتغير ليليان هدومها ولسه هتخرج من الغرفه بس يرن الموبايل برقم غريب بس هي عارفه صاحب الرقم
ليليان: الو
عدي: وحشتيني
ليليان: عدي عايز ايه
عدي: مالك ياقلبي بتكلميني كده ليه بس شكل الجميل متضايق تعالي وانا هروقك
ليليان: اسمع يا عدي تنسي اي حاجه بيني وبينك ومتصلش بيا تاني وانسي علاقتي بيك نهائي فاهم
عدي: لا لا لا عيب تكلميني كده
ليليان: انا قولت اللي عندي
عدي: اسمعي ياحلوه بكره الساعه 5 تقابليني في الشقه
ليليان: مش هاجي المكان المقرف دا تاني
عدي بغضب: طب اسمعي بقي بكره الساعه 5 لو ماكونتيش في الشقه صورك وفيديوهاتك وانتي معايا هتوصل لاخوكي اللي كل مابحاول اخلص منه يرجع احسن من الاول
ليليان بصدمه: انت اللي عملت كده
عدي بشر: ايوه انا ومش هرتاح غير لما يموت وزي ماقولت بكره الساعه 5 تجيلي الشقه ولو مش هتيجي يبقي 5 وربع هتلاقي صورك مع اخوكي سلام ياقطه
ويقفل عدي وتقعد ليليان علي السرير وتعيط وتفتكر ان ياسر تحت تمسح دموعها وتنزل
ــــــــــــــــــــــــــــــــــــــــــــــــــــــــــــــــــــــــــــــــــــــ
في العربيه عند ياسر وشمس
شمس: استغفر الله العظيم يارب
ياسر: ههههههههههه
شمس بغيظ: ممكن اعرف بتضحك علي ايه
ياسر: ابدا بضحك عادي
شمي: فين ست ليليان دي كمان هنفضل مستنين كده كتير
ياسر: هنزل استعجلها الوقت كده هيأخر
شمس بغيظ: طيب
وينزل عدي من العربيه يلاقي ليليان بتعيط وبتجري عليه وتحضنه يبص ياسر لشمس بمعني بصي ايدي محضنتهاش
ياسر يبعدها: احم يلا بينا
ليليان: حاضر وتركب ورا علشان شمس كانت جنب ياسر ويفضل الكل ساكت لحد مايوصلوا المستشفي
ــــــــــــــــــــــــــــــــــــــــــــــــــــــــــــــــــــــــــــــــــــــ
في المستشفي عند حمزه وحياه
حياه: يا حمزه كل بقي حرام عليك تعبتني
حمزه: يا حياه حمزه والله شبعت خلااص
حياه: طيب
حمزه يبصلها بحب وعشق وتلاحظ حياه نظراته تتكسف
حياه: انت بتبصلي كده ليه
حمزه بحب: بحبك
حياه: احم طيب نام بقي
حمزه: تؤتؤ بحبك
حياه: طيب نام بقي ياحمزه
حمزه: تؤ بحبك ويقرب عليه ويشدها عليه ولسه هيبوسها
ياسر: يا فضحتي بتعملوا ايه
حمزه بخضه: الله يحرقك بجاز يا شيخ
حياه تبعد عنه باحراج: احم ليليان اخبار ماما وطنط احلام ايه
ليليان: كويسين متقلقيش
شمس: انتي كويسه دلوقتي يا حبيبتي
حياه: اه ياقلبي الحمد لله
ياسر: عمي حامد جالي المكتب وسأل علي المستندات
حمزه: اوعي يكون وصل لحاجه
ياسر بغمزه: عيب عليك صاحبك مش عيل بعت شمس جابتلي كل حاجه وشيلتهم في الخزنه بتاعه مكتبي وقبل ماوصل المكتب راح لشمس وكان عايز يدخل المكتب بتاعي وشمس منعته وكان هيمد ايه عليها بس لحقته وبعدها جتلي تاني وشمس منعته وكان بيزعق
حمزه بغضب: كنت متوقع انه هيعمل كده كلهم حسابهم معايا لما اخرج من المستشفي وخصوصا الكلب اللي اسمه عدي
ياسر: ليه
حمزه: هو السبب في اللس انا فيه دا
ياسر بصدمه: معقول
حمزه: بعدين هفهمك
ليليان: ابيه اخبار صحتك ايه دلوقتي
حمزه: الحمد لله يا حبيبتي ايه اللي جابك تاني
ليليان: علشان اطمن عليك
حمزه: ليليان انا عايز مذاكره وامتياز
ليليان: بس كده من عنيا بس قوم بالسلامه علشان تذاكر ليا
حمزه: طيب ياحبيبتي روحي انتي قبل ما الوقت يتأخر معاكي عربيتك صح
ليليان: لا يا ابيه انا جيت مع ياسر
ياسر: متقلقش انا هوصلها دلوقتي وهروح اوصل شمس وهمشي وهعدي عليك بكره
حمزه: ماشي
شمس: عايزه حاجه يا حياه
حياه: لا ياحبيبتي شكرا
ليليان: سلام يا ابيه سلام يا حياه
حمزه وحياه: مع السلامه
ويمشي ياسر وليليان وشمس
حمزه: حياه خدي هنا
حياه وتروح تقعد جنبه علي السرير: نعم
حمزه: تعالي نامي جنبي
حياه: لا طبعا الجرح يوجعك
حمزه: لو مش هتنامي جنبي هقوم انا انام جنبك علي الاريكه
حياه: طيب طيب وتنام جنبه حياه وياخدها في حضنه ويبوس راسها ويفضل يبص عليها لحد ما تنام يبوسها من خدها وينام
تفتح حياه عنيها وتبص لحمزه: اسفه يا حمزه اسفه
ــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
توقعاتكم
ياتري حياه بتقول لحمزه اسفه علي ايه؟
وليليان فعلا متغيرتش زي ماقالت تالا؟
وهل ليليان فعلا هتروح الشقه؟
ولو مراحتش عدي هينفذ تهديده؟
