السكون الذي يسبق العاصفة

10

السكون الذي يسبق العاصفة
الحلقة العاشرة
بقلم/ نور ميسره

آدم:!!!!!!!!؟؟؟؟؟
إيهاب:  ايوا حاجه تخصك ( يضع الورق على الطاولة)
آدم:  ( بضحكة ساخرة)  ايه ده
إيهاب:  ده الورق اللي كان ممكن يوديك ورا الشمس
آدم:  (بضحكة عالية)  وابوك عارف انك جايلي  وبتديني الورق
إيهاب:  لا طبعا ميعرفش
آدم:  ( بعدم تصديق)  طيب يا إيهاب متشكر
إيهاب: ( يجلس على الطاولة في الكرسي المقابل لآدم)  انا مش عامل كل ده عشان حضرتك تيجي تقولي متشكر في اتفاق بينا وانت طلبت وانا نفذت دورك بقا
آدم: انت متخيل اني هصدق ان ده الورق الاصلي
إيهاب:  تقدر تفتش الورق وانت تعرف انه الاصل
آدم:  واللهي...... الورق مزور اصلا
إيهاب:  واللهي مزور مش مزور دي بتاعتك انت وابويا انا معرفش حاجه عن الورق ده اصلا ولا حد يعرف اصلا اني جاي اديك الورق ده من الاخر انا ضحيت بثقة ابويا فيا انت كمان لازم تكمل الاتفاق
آدم:  وإلا ايه ( بنظرة استفزاز)
إيهاب: ( وجهه يظهر عليه البرود)  وإلا......
يقاطعه سماع صوت مريم وهي تنادي امها
مريم:  ( بصوت عال)  ماما يا ماما
خلود:  نعم يا مريم
تحضر مريم للطاولة
مريم: ( بصوت فيه فرح ولكن تختفي) صباح ال..........
إيهاب:  صباح النور
مريم:  ايه اللي جابك هنا
إيهاب:  بكلمك مبترديش فقولت اجي ازوركم وادي بابا حاجات طالبها مني
مريم:  اه عموما اهلا وسهلا بيك
إيهاب:  (بضحكة سريعه ونظرة خاطفه بين وجه مريم وآدم) 
آدم:  شرفت يا إيهاب
إيهاب:  بقا هي كده طيب ماشي
يخرج إيهاب وتجلس مريم على الطاولة
مريم: ايه اللي جابه
آدم:  ( يشاور على الورق)
مريم:  طيب اقوم انا بقا الحق التمرين بتاعي
آدم:  تمرين ايه
مريم:  ندى عملت اشتراك ليا وليك ولماما في نادي
خلود:  طب انا هبقا اجي بعدين
مريم:  ماشي........ باي
😀😀😀😀😀😀😀😀😀😀😀😀😀
في منزل يوسف
يدخل عليه مهند
مهند:  ايه يا يوسف مبتردش ليه
يوسف:  كنت نايم ياض مالك
مهند:  ماليش شوفلنا حاجه نفطرها بقا عشان جعان
يوسف: ايه اللي جابك على الصبح كده
مهند:  جبتلك المعلومات اللي انت عايزها عن البت بتاعت امبارح
يوسف:  بت مين
مهند:  مريم يا حبيبي
يوسف:  طب انجز واقول
مهند:  عرفت ان اسمها مريم آدم فريد وامها خلود عبدالرحمن وعرفت ان اخوها ميت في حادثة وانهم طول عمرهم عايشين في إيطاليا وجم مصر اجازه وعرفت ان ابوها رجل اعمال وعنده شركات
يوسف:  كل اللي انت بتقوله ده ملوش معنى
مهند:  هو ده اللي عرفته
يوسف:  انا عايز حاجه تجيبها تحت ايدي
مهند:  عايز ايه من الاخر
يوسف:  ابقا كلم سهى تقرب منها اكتر وتشوف حكايتها
مهند: تمام
😀😀😀😀😀😀😀😀😀😀😀😀😀
في النادي حيث تجلس مريم في الحديقة تكمل تصميم احد الفساتين
إيهاب:  (يأتي خلفها)  حلو اوي الفستان
مريم:( بإستغراب)  إيهاب
إيهاب:  كنت عارف انك هتيجي هنا
مريم:  انت بتراقبني
إيهاب:  ابدا واللهي انا كنت جاي ازور واحد صاحبي وبالصدفة لقيتك
مريم:  طب  ايه مش تقوم تزور صاحبك
إيهاب:  انتي بتطرديني صح
مريم:  طب كويس انك ذكي وفهمت
إيهاب:  انتي وعدتي انك تديني فرصه
مريم:  انا........( يسعفها تفكيرها)
اسمع يا إيهاب انت عملت غلط كبير و.........
إيهاب:  ( يقاطعها ويمسك يدها) استني بس انتي مش وعدتيني انك هتديني فرصه اثبت اني إنسان كويس واديني اثبتلك اهو
مريم:  (  تسحب يدها)  احنا اتفقنا اني اديلك فرصه تثبت انك كويس بس مش تتفق مع بابا انك تجبلو الورق مقابل انك تتقرب مني اكتر
إيهاب:  انتي بتتهربي على فكرة
مريم:  وانت شايف اني للبيع
إيهاب:  انا عملت كده عشان ابوكي يثق فيا
مريم:  ومين قالك ان بابا واثق فيك ولا بيحب يشوفك اصلا
إيهاب:  لا دي بتاعتي انا........اهم شي انك تكوني عند وعدك ليا
مريم:............................
إيهاب:  سكتي ليه
مريم:  لاني مش متقبلاك في حياتي
إيهاب: ( يضحك)  كل شيء بالصبر
مريم:  حتى لو بالصبر مش هيبقا في نتيجه
إيهاب:  لا في بدليل انك في البداية كنتي مش طايقاني وبعدها كلمتيني عادي وادينا اهو قاعدين مع بعض وبنتكلم زي اي اتنين طبيعيين
مريم: (صمت)
إيهاب:  ودلوقتي احكيلي ايه الرسومات دي
مريم:  دي تصميمات ناويه انفذها في الواقع واعمل لنفسي ذوق خاص في الفساتين
إيهاب:  طب وريني كده ( يأخذ منها الورق)
مريم: ( مصدومه) 
إيهاب:  حلوين جدا
مريم:  شكرا
إيهاب:  طب مين اللي هينفذلك
مريم:  لسه مش عارفه بس خلاص انا في محلات في إيطاليا عارفين كل الطلبات اللي عايزاها هيبعتوهالي
إيهاب: طيب مين بردو اللي هينفذلك
مريم:  معرفش معرفش بس هبقا اشوف ماما او ندى اكيد يعرفو ناس هيعملو الكلام ده
إيهاب:  ( يبتسم)  طب وليه كل ده انا عندي صاحبي هيعملك خط الانتاج بتاعك
مريم: ( بفرح)  بجد
إيهاب: ( بضحك)  اه......... اقولك حاجه كمان هو نفس الشخص اللي المفروض اقابله انهاردا
مريم:  قصدك ان احنا هنقابله انهاردا
إيهاب:  بالضبط وبعد ما نقابله هنروح نتغدى وبعد كدا اروحك بيتك
مريم:  لا مينفعش ان هتغدى مع ماما وندى
إيهاب:  خلاص اعزمكم على الغدا
مريم:  اممممم..... ماشي
😀😀😀😀😀😀😀😀😀😀😀😀
في كافيتيريا النادي يجلس إيهاب ومريم
ويدخل عليهم صديق إيهاب
إيهاب:  والله زمان يا استاذ
.........:  كنت فين ياولا
إيهاب:  ماانت عارف بقا
.......:  طب مش تعرفنا الاول
إيهاب: ( بضحكة)  معلش دي مريم
مريم:  اهلا وسهلا
إيهاب:  مريم احب اعرفك ده يبقا صديق الطفولة بتاعتي مهاب الجارحي
مهاب:  تشرفنا يا آنسة مريم ( يقبل يدها)
إيهاب:  ( ينظر له نظرة شرار ولكن يخفيها)  ايه يا مهاب ماتلم نفسك انا مش قفص جوافه هنا
مهاب:  ههههههههههههههههه برغم ان تربيتك كانت برا بس مفيش فايده
إيهاب:  ههههههههههههههههه احنا رجاله اوي
مهاب:  عامل ايه واخبار حياتك ايه و اتخرجت ولا لسه
إيهاب:  انا كويس وبخير وقربت اتخرج خلاص كلها شويه وتنده عليا بالمهندس إيهاب
مهاب: يلا على خير يا حبيبي
إيهاب:  تشرب ايه
مهاب:  عيب عليك يبقا انا صاحب النادي وانت اللي تعزمني
إيهاب:  تمام اعزمنا انت
مهاب:  تشربوا ايه
إيهاب:  نسكافيه
مهاب:  وبالنسبة ليكي يا مريم
إيهاب: ( بنظرة جادة)  هاتلها عصير ساقع
مريم:  ( تنظر له نظرة شرار)
مهاب:  تمام
ينادي مهاب النادل ويطلب الطلبات
مهاب:  ايه بقا اللي فكرك بيا
إيهاب:  واللهي انا كنت نازل مصر عشان شغل وقولت اعدي عليك وبصراحه كنت جايلك في خدمه صغيره
مهاب:  طلباتك مجابه يا صاحبي
إيهاب:  انا عرفت ان والدك عنده مصانع ملابس جاهزه
مهاب: اه
إيهاب:  طب حلو...... انا عايزك تنفذ التصميمات دي واطلب السعر اللي انت عايزه
مهاب:  عيب عليك يا صاحبي انت هات التصميمات بس وقولي على الخامات والحاجات وقولي على الكميات  ومفيش مشاكل.......... بس من امتى وانت ليك في الشغل ده
إيهاب:واللهي يا مها..........
مريم: ( تقاطعه  بسبب مافعله معها عندما طلب المشروب)  التصميمات دي بتاعتي انا يا مستر مهاب والمطلوب انك تنفذ بس وانا هقولك على الكميات المطلوبة و هجبلك الخامات كلها من عندي واطلب السعر اللي يناسبك انا اللي هدفع تمن الشغل ده
إيهاب: ( مصدوم انها تخطته وقاطعته)
مهاب:  ( يلطف الموضوع)  طيب مفيش مشاكل يا آنسة مريم ده الكرت بتاعي لما تبقي جاهزة اتفضلي في اي وقت تحبيه
مريم:  ( تأخذ منه الكرت وتنهض وتقوم بإستفزازه عن طريق لبسها نظارتها الشمسية)    ciao
إيهاب: ( متمتما في سره)  يا بنت ال#####
مهاب: ( يضحك) عنيفه ومندفعه
إيهاب:  ( بغضب)  بتضحك على ايه
مهاب:  ظبطتك
إيهاب:  ( يجز على اسنانه)
مهاب:  معلش يا هوبا ابقا لما تروح فهمها انك اخوها الكبير ومينفعش تعمل كده
إيهاب: ( بصوت عالي)  دي مش اختي يا متخلف انا مليش اخوات اصلا
مهاب:  ( بإستغراب)  امال مين العسل
إيهاب:  مهاب اتلم ولم نفسك
مهاب:  اووف يا ساتر عليك لم ينقح عليك العرق المصري....... ايوا بقا مين الانسه
إيهاب:  خطيبتي
مهاب:  ( بعدم تصديق)  قول اقسم بالله
إيهاب:  هو في ايه
مهاب:  ( بضحكة)  توقعتك هتقولي ماشي معاها لان انا عارف إيهاب حمزة ديله طويل وعلطول بيلعب بيه كتير
إيهاب:  لا يا عم خطيبتي
مهاب:  طب ابقا خلي بالك من خطيبتك بقا عشان متعملش كده تاني معاك يا هوبا
إيهاب:  هبقا اكلمك بليل .........سلام
مهاب: سلام
😃😃😃😃😃😃😃😃😃😃😃😃😃
في منزل آدم
مريم:  مساء الخير يا ماما
خلود:  مساء الورد يا حبيبتي
مريم:  مجيتيش ليه
خلود: قولت اقعد اتغدا مع بابا احسن
مريم: ( ضحك)  واضح ان الجو كان رومنسي
خلود: ( تضحك)  يعني
مريم:  ربنا يسعدكم يارب
خلود:  ابوكي خرج على فكرة
مريم:  بجد ده انا كنت هكلمه
خلود:  لما هيجي هقوله
مريم:  متشكرة يا ماما .....انا هطلع ارتاح شويه
خلود:  طيب
تصعد مريم غرفتها وتلتقط هاتفها وتجري بعض المكالمات من ضمنهم انها تخرج الكرت وتكلم مهاب
مهاب:  الووو
مريم: الووو مستر مهاب انا مريم
مهاب:  اه طبعا عرفتك
مريم:  انا كنت بكلمك عشان التصاميم وكده
مهاب:  آنسة مريم كل شيء انتي عايزاه هيبقا تحت امرك
مريم:  مش قصدي انا اقصد ان انا عايزه ابدأ شغل في اسرع وقت لان الخامات هتوصل خلال الاسبوع الجاي وياريت منعطلش لان لسه ورايا معرض وانت فاهم
مهاب:  مفيش مشاكل
مريم:  اه وياريت متتعاملش ومتكلمش حد في الشغل البتاعي انا بس اللي ليا حق في الموضوع ده
مهاب:  مفهوم
مريم:  اشكرك اسفه  لو ازعجتك
مهاب:  لا اتفضلي ولا يهمك
تغلق الخط تم تتصل بهاتف حازم ولا يجيب
مريم:  ماشي يا حازم واللهي لاوريك........... بس يارب تكون في احسن حال
تجلس تسمع الاغاني وترسم ثم تتصل بها دارين
مريم:  ( بفرح) دارين
دارين:  ماشي يا مريم انا زعلانه منك
مريم:  اقسم بالله انا كارها الدنيا كلها
دارين:  ليه مش خلصتي من البلوه بتاعتك
مريم:  البلوه لحقتني لحد مصر يا دارين
دارين:  لا ده ناوي على الشر
مريم:  مقدرش اعمل حاجه لانه معمليش حاجه وحشه
دارين:  وهتعملي ايه
مريم:  ولا حاجه وبتصل بالزفت مبيردش عليا
دارين:  الزفت ده يبقا حازم صح
مريم:  اه مبيردش عليا ليه بقا
دارين:  مش عارفه بس هو كلمني امبارح
مريم:  شوفتي الاستفزاز يا دارين
دارين:  هبقا اشوف الموضوع ده
مريم:  وطبعا بيرد على الزفته بتاعته وسايبني
دارين:  زفته مين
مريم:  صوفيا
دارين:  معرفش والله وحازم عمره ما بيحكيلي عن اموره الشخصيه
مريم:  لما تكلميه ابقي قوليلو انا لو شفته هموته
دارين:  طب اهدي
مريم:  اقفلي عشان مش عايزه اتكلم
تغلق الخط
مريم:  ماشي يا حازم انا تعمل فيا كده
تدخل عليها الخادمة
الخادمة:  مدام خلود بتقولك ان استاذ آدم جه
مريم:  متشكرة يا سميرة انا هنزل دلوقتى
تنزل مريم وتجد امها وابوها جالسين في الصالون
مريم: ( بفرح)  بابا
آدم:  عيون بابا........... اقعدي عشان عايزكم في موضوع
خلود:  خيرر يا آدم
مريم:  في ايه
آدم:  انا لازم اسافر إيطاليا بكرا
خلود:  شغل بردو
مريم:  ليه
آدم:  لو مرجعتش في الفترة دي هتحصل كوارث
مريم:  طب ليه منرجعش كلنا مع بعض
آدم:  انتم هنا في مكان اقل خطورة فالوضع هنا احسن والبلد هنا آمن من إيطاليا
خلود:  وهترجع امتى
آدم:  معرفش
مريم:  طب انا هطلب طلب
آدم:  قولي
مريم:  انا عايزه ان احنا كلنا نخرج نتعشى برا
آدم:  موافق
خلود: ( تضحك) 
مريم:  ( بفرحة كبيره)  انا هطلع اجهز
خلود:  يلا انا كمان هجهز
آدم:  انا مستني....  ههههههههههه
😃😃😃😃😃😃😃😃😃😃😃😃😃
في المطعم الذي بالكومباوند
تجلس عائلة آدم
آدم:  هناكل ايه بقا
خلود: ههههههههههه صاحبة الموضوع هي اللي تقول
مريم: (بضحكة بريئة) انا اقترحت ان احنا نتعشى برا ومش ناكل ايه فلهذا اي شي هناكله هيبقا عشا  ......ولا ايه
آدم:  خلاص شوفو المينيو
خلود:  طب انا ممكن اخد لازانيا
آدم:  وانا كمان
مريم:  اممممم مش عارفه ( يرن هاتفها وتغلق هاتفها)
آدم:  مين اللي بيتصل
مريم:  معرفش ومش عايزه ارد.......... انا هاخد لازانيا بردو وطبق سلطة
آدم:  طب ما كان من الاول ( ينادي النادى ويطلب منه الطلبات) 
مريم:  انا عندي مفاجأة
آدم: (يضحك)  قولي
مريم:  عرفت مين اللي هينفذلي الفساتين بتاعتي
آدم:  مين!؟
مريم:صاحب النادي واسمه مهاب الحارجي
آدم:  انا سم.........
إيهاب:  ( يقاطعهم بالدخول عليهم)  مساء الخير
مريم:  إيهاب!!!!!!!!!!؟؟؟
توقعاتكم
يتبع.........