'Di Madinig

• Last Chapter (Part Two) •

"True," sabi ko bago ko isinandal ang ulo ko sa balikat niya at tumingin na rin sa mga bituin sa langit katulad niya. "So, don't ever lose me, okay?"

Naramdaman ko na rin ang pagsandal niya sa ulo ko. "I won't."

* * *

"What? Ano ba ang sinasabi mo?" hindi ko makapaniwalang tanong kay Maku.

How is that even possible? Hindi naman, 'di ba?

"Bars, totoong sinasabi ko. Si Alfie na daw ang president ng Sigma Chi Alpha."

"H-ha? Hindi niya magagawa sa akin 'yon. Alam niyang frat 'yan ni Bran. Alam niyang kapatid ko si Bran. Sinabi ko sa kanya lahat. Hindi niya gagawin 'yan sa akin," iling ko kay Maku, ayoko pa rin paniwalaan ang mga sinasabi nila tungkol kay Alfie.

"Nagsasabi ako ng totoo, Bars—"

Hindi ko na siya pinatapos pa. Kaagad kong pinuntahan si Alfie sa building nila at eksaktong kakalabas niya lang mula sa room nila.

Mukhang nagulat siya nang makita niya akong nasa harapan niya na. "Totoo ba 'yung naririnig ko?" tanong ko sa kanya pero hindi siya sumagot.

"Totoo ba?"

Wala pa rin sagot.

"Alfie, totoo ba?" I asked again.

Nilapitan ko na siya at hinawakan ang magkabilang balikat niya. Tears were already threatening to fall, but I managed to stop it. "Sabihin mong hindi 'yun totoo. Sabihin mo sa aking fake news lang 'yun. Hindi ikaw 'yon. Ibang Alfie 'yon. Marami namang Alfie sa school natin, 'di ba? Hindi naman ikaw ang bagong presidente ng frat."

Pero wala pa rin.

Bakit ba 'di mo ako madinig?

"Ano? Bingi ka na ba?! Hindi mo na ako madinig bigla?!" I asked, tears were starting to fall.

"Alfie, nakaka-gago kasi e. Alam mo namang 'tong frat ang sumira kay Bran, sa kapatid ko. Sa pamilya ko. Sa kompanya namin. Sa buhay ko. Kaya ano 'to? Bakit ka kasali dito? Delikado 'tong pinapasok mo—"

"Why do you care?" he asked.

Natigilan ako. Bakit ba siya nagkaka-ganyan?

Ano ba ang nangyayari sa kanya?

"Why do I care?" hindi makapaniwala kong tanong sa kanya. "Kasi nag-aalala ako sa 'yo! Kasi mahalaga ka sa akin! Kasi importante ka sa akin! May pake ako kasi ikaw 'yan, buhay mo 'yan! May pake ako kasi hindi ba..."

Hindi ko matuloy.

Kasi hindi rin ako sigurado.

Hindi ko rin alam kung ano niya nga ba ako.

Kung ano nga ba kami?

Nanatili lang siyang nakatingin sa akin.

"What?" he asked, expressionless.

Ano ba ang nangyayari sa 'yo, Alfie?

"Alfie, hindi mo alam kung ano ang pinapasok mo!"

"Not your life to meddle with," he said as he tried to walk past me, pero kaagad kong nahawakan ang braso niya at akmang pinigilan siya.

"Alfie, ano ba? Hindi mo ba narinig ang sinabi ko?!"

Marami nang tao ang tumitingin sa amin, but I don't care. I just wanted him to hear me, to whatever I had to say. I wanted him to listen to me. I wanted him to understand what I'm trying to say.

He faced me. "I heard what you said. Hindi naman ako bingi. Ikaw ba? Hindi mo rin ba narinig ang mga sinabi ko? It's not your life to meddle with, so fuck off," aniya bago ulit ako talikuran.