💔 حب خادع 💔
تاني يوم في المستشفي تصحي حياه تلاقي نفسها لسه في حضن حمزه تبتسم بحزن وتفضل تبص عليه لحد مايصحي ويشوفها حمزه بتبص عليه وهي مبتسمه يبوس جبينها
حمزه: صباح الخير يا قلبي
حياه: احم صباح النور وتيجي تقوم بس يحضنها بتحكم
حمزه: لا خليكي في حضني
حياه بكسوف: حمزه حد يشوفنا
حمزه بحب ويبوسها من رقبتها: اللي يشوف يشوف مش مراتي
حياه: حمزه اوعي بقي
حمزه: تؤتؤ
حياه: حمززززه
حمزه يبوسها من خدها: عيون حمزه ويبوس خدها التاني وحياه حمزه ويبوس شفايفها قلب حمزه
حياه باحراج: حمزه خلاص بقي وبعدين انت تعبان
حمزه بحب: هتصدقيني لو قولتلك طول مانتي في حضني مش حاسس ب اي تعب
تتكسف حياه وتدخل الممرضه وتشوفهم وتبص لحمزه بنظره اعجاب تشوفها حياه تتجنن وتقوم
الممرضه بدلع: يلا يا استاذ حمزه علشان احطلك المرهم علي ضهرك مكان الكدمات
حمزه: طيب ماشي ويجي يقوم بس تزقه حياه علي السرير. اااااااه
حياه: انت لسه شوفت حاجه وتقوم للممرضه. هاتي شكرا مش عايزين نتعبك
الممرضه وهي لسه باصه لحمزه باعجاب: دا شغلي واحنا تحت امر استاذ حمزه
حياه تاخد منها المرهم وتزقها وتخرجها بره الغرفه:لا ياحبيبتي شكرا يلا بالسلامه بقي هوينا
تخاف منها الممرضه وتمشي وتروح حياه تقف قدام حمزه وتحط ايديها في وسطها وتقلد الممرضه: يلا يا استاذ حمزه علشان احطلك المرهم ضربه في معاميعك بت ملزقه شبه العروسه الحلاوه وانت ايييه ياخويا ماصدقت قال طيب ماشي مشش ف ركبك انت التاني
حمزه بصدمه: نععععمممم
حياه بغضب: ماسمعش صوتك واتعدل كده علشان احطلك المرهم
حمزه يخبث: طيب يلا قلعيني التيشيرت
حياه بصدمه: اقلعك ايه
حمزه بخبث: التيشيرت ماهو مش معقول هتحطيلي المرهم وانا لابس
حياه برفعه حاجب: ماتقلعه انت وانت اتشليت
حمزه برفعه حاجب: بقيتي بيئه يا حياتي
حياه: طب اخلص علشان احطلك الزفت
حمزه يبتسم بخبث: حاضر ويجي يقلع التيشيرت اااااااه
حياه بخوف: مالك ياحمزه
حمزه يمثل الوجع: كتفي مش قادر ارفع ايدي
حياه: طب استني وتروح حياه تقلعه التيشيرت وتتكسف وتيجي تقوم يمسكها حمزه ويقربها منه
حمزه: رايحه فين مش هتحطيلي المرهم
حياه باحراج من قربهم: لا حطه لنفسك
حمزه يهمس في ودنها: كده هتخليني اقوم انادي الممرضه تاني
حياه: والله طاااايب وتلف حياه وتحط المرهم علي ضهره وتدلكله المرهم بقوه ويتألم حمزه
حمزه: ااااه انتي بتعملي اييه
حياه بغضب: بوريك هتنادي الممرضه ازاي
حمزه بضحك: هههههههه خلاص يا مجنونه ااااه
حياه: تستاهل علشان تتلم بعد كده
حمزه: ههههههههه خلاص اتلميت
حياه وتسيبه وتروح تقعد علي الاريكه اللي جنب السرير ويروح وراها حمزه ويقعد جنبها ويمسك ايديها ويبوسها
حمزه بحب: اسف يا حياتي والله كنت بهزر معاكي ومفيش واحده في الدنيا تملي عيني غيرك ولا هفكر ابص لغيرك. ياحياه انتي ماليه قلبي وعنيا يمكن بعيد عني بس والله مكتفي بيكي وعمري ماحبيت غيرك انتي هتكوني اول حب واخر حب
حياه بحزن ودموع: ليه بتحبني الحب دا كله
حمزه بحب: تعرفي اني مش عارف حبيتك ازاي بس بحبك من ساعه ماشوفتك ودايما بفكر فيكي ولما اغمي عليكي بين ايديا حسيت بحاجه غريبه معرفتش ساعتها هي ايه بس دلوقتي عرفت. عرفت ان لما قلبك يدق بسرعه يبقي حب عرفت ان لما الشخص يكون مبسوط في وجود شخص تاني معاه يبقي بيحبه عرفت ان لما اكون قدامك واحس ان قلبي بيدق بسرعه ونفسي اجي اخدك في حضني يبقي حب عرفت ان لما اشوف دموعك واحس انها بتحرقني يبقي حب يمكن طريقه جوازنا كانت غلط بس انا فعلا بحبك وهعمل المستحيل علشان اعوضك لو طلبتي نجمه من السما هجيبهالك ولو طلبتي حياتي ماتغلاش عليكي لو طلبتي قلبي هقولك انتي اصلا سرقتيه وقلبي مبقاش ملكي بقي ملكك انتي. انتي وبس
حياه بدموع: ارجوك كفايه
حمزه: لا يا حياه انا كده مقولتش كل اللي بحس بيه عارفه لما تكوني بتتكلمي مع حد ونبضات قلبك تبقي سريعه دا يبقي حب عارفه قد ايه احساس ان حبك في حضنك حلو بجد احساس جميل حياه انا في حضنك بنسي الدنيا والناس حضنك بحسه بيتي
حياه بدموع: كفايه ياحمزه كفايه
حمزه يقرب منها ويقربها منه ويبوسها من شفايفها بوسه طويله وتغمض حياه عنيها وتتجاوب معاه وينسوا الدنيا كلها في اللحظه دي ويتمادي حمزه ويفتح اول زرار من بلوزتها ويجي يفتح التاني تحس بيه حياه وتمسك ايده وتبعد عنه
حياه: احم لا ياحمزه
حمزه ويبوسها من رقبتها: تعبت يا حياه مبقتش قادر ابعد عنك اكتر من كده ليه مش حاسه بالنار اللي جوايا
حياه تبعده عنها: احم طب اصبر شهر بس
حمزه باستغراب: شهر
حياه: احم اه يكون جهزت شويه حاجات كده
حمزه بحب ويبوس ايديها: وانا هصبر الشهر دا وربنا يصبرني
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عائله الصياد في غرفه ليليان
تصحي ليليان علي صوت الموبايل وهو بيرن تلاقيه رقم غريب تقفل وتكمل نومها بس يرن تاني ترد عليه
ليليان بصوت ناعس: الو
عدي: لا كده ازعل منك معقول لسه نايمه
ليليان بغضب: انت عايز مني ايه
عدي بوقاحه: كنت بفكرك بس بالميعاد يمكن تحتاجي تجهزي نفسك
ليليان بغضب: مش هاجي ياعدي مش هغلط تاني
عدي بغضب: اسمعي ياحلوه انا قولت اللي عندي والساعه 5 تكوني في الشقه والا صورك هتوصل لاخوكي سلام ياقطه
ليليان بدموع: ياااارب اعمل ايه وتفتكر حاجه وتمسح دموعها بردو مش هغلط تاني ياعدي وهتشوف وتقوم تاخد شاور وتلبس هدومها وتروح لغرفه احلام وتخبط وتدخل تلاقي احلام بتصلي تبصلها ليليان لحد ماتخلص صلاه وتلاقيها قاعده علي سجاده الصلاه بتدعي لحمزه وحياه وتدعي بالهدايه لدولت وحامد وتدمع ليليان لما تسمعها بتدعيلها بالنجاح والستر تروح ليليان توطي وتبوس ايديها
احلام: ايه يابنتي اللي بتعمليه دا
ليليان بدموع: ابيه حمزه بشوفه دايما بيعمل كده علشان كده ربنا بيحبب فيه خلقه علشان عنده ام زيك راضيه عنه انتي كويسه اوي يا ماما
احلام: ربنا يبارك فيكي ياحبيبتي
ليليان: شكلك حلو اوي بالاسدال يا ماما والحجاب جميل فيكي
احلام: هيكون احلي فيكي ياحبيبتي
ليليان: فيا انا
احلام: ايوه فيكي تحبي تجربي
ليليان: اه يا ماما ياريت
تقوم احلام وتجيب طرحه وتلفها لليليان: بصي كده في المرايه
ليليان بانبهار: الله يا ماما حلو اوي
احلام: استني وتروح تجيب دريس من الدولاب وتديه لليليان. هيكون احلي لو لبستيه علي الدريس دا
لليليان: واااو جميل جدا
احلام: كنت جيباه لحياه هي اه مش محجبه بس بتلبس دريسات عادي ف جيبتهولها بس اتلبخت في الحادث بتاع حمزه ادخلي قيسيه والبسي عليه الحجاب وتعالي
ليليان بفرحه: حاضر وتروح تلبس الدريس وعليه الحجاب وتخرج لاحلام وتنبهر احلام بجمالها
احلام: ما شاء الله قمر منور ياحبيبتي
ليليان بفرحه: فعلا شكلي حلو اوي
احلام: خلاص ياحبيبتي الدريس من دلوقتي بتاعك
ليليان: لا يا ماما انتي جيباه لحياه مش هينفع اخده
احلام: ملكيش دعوه حياه انا جيبلها غيره
ليليان تبص علي شكلها في المرايه تاني بفرحه: شكلي بقي حلو اوي يا ماما انا خلاص مش هقلع الحجاب تاني وهنزل دلوقتي بيه وتنزل ليليان علي تحت بتجري
احلام: ربنا يهديكي يابنتي
ــــــــــــــــــــــــــــــــــــــــــــــــــــــــــــــــــــــــــــــــــــــ
تنزل ليليان تلاقي دولت وحامد قاعدين علي سفره الطعام ومعاهم تالا يبصولها بصدمه لما يلاقوها بالحجاب
دولت بغضب: ليليان ايه القرف اللي عملتيه في نفسك دا
تالا: يااااي يا ليليان كده شكلك وحش خالص
ليليان بهدوء: وحش ليه علشان ساتره نفسي ومش لابسه زيك شوفي نفسك انتي لابسه ايه وانا لابسه ايه ولا لازم اعرض جسمي للناس علشان اكون حلوه
دولت بزعيق: ليلياااان مين اللي قالك تعملي كده
تنزل احلام وتسمعها: انااا
دولت بغضب: مين قالك تلعبي في دماغ بنتي انتي عايزاها تطلع بيئه زيك
احلام: ومن امتي الحجاب بقي حاجه وحشه من امتي الستر وحش هي بنتك لما تلبس لبس محتشم وتتحجب يبقي غلط
دولت بغضب: ماتتكلم يا حامد
حامد يبص لاحلام وهي بتتكلم ويقول لنفسه: مش هي دي اللي تخون اكيد مش هي اللي شوفتها مع راجل تاني ازاي دي تبقي خاينه اكيد لا مش مصدق نفسي طب ازاي ازاااي
دولت بزعيق: حاااامد بكلمك
حامد: احم مالها يا دولت بس البنت شكلها حلو بالحجاب وهي عايزه تتحجب سيبيها براحتها
تالا بلا مبالاه: براحتك يلا بينا نروح الجامعه
ليليان: سوري تالا عندي مشوار مهم قبل الجامعه
تالا: اوك نروح مع بعض يلا بينا
ليليان بسرعه: لا لا مش هينفع اصل انا رايحه ازور واحده صاحبتي تعبانه
تالا ياستغراب: اوك ماشي سلام ياعمتو سلام يا انكل
وتمشي تالا وتروح ليليان تبوس احلام من خدها وتقول. سلام يا ماما
دولت بغل: ماماا
حامد: هههههههههههههه
دولت بغيظ: انت بتضحك علي ايه
حامد: ولا حاجه انا رايح الشركه سلام ويمشي حامد
دولت: لعبتي في دماغ بنتي وخليتيها زي الخاتم في صباعك بس صدقيني هندمك علي كل دا
احلام: ربنا يهديكي شكل الخدامين نسيوا مين هما اسيادهم وتسيبها وتطلع غرفه عزه
دولت بشر: هتندمي علي كل دا وهتشوفي
ــــــــــــــــــــــــــــــــــــــــــــــــــــــــــــــــــــــــــــــــــــــ
في الڤيلا عند ياسر يصحي من نومه ياخد شاور ويلبس هدومه ويتصل ب شمس
ياسر: شمس هاتي الملف اللي معاكي وتعالي علشان للاجتماع هنا عندي في الڤيلا
شمس: طيب
ياسر سلام ويروح علي الغرفه المخصصه للاجتماعات ويحضر للاجتماع وبعد وقت يجي الخادم
الخادم: ياسر بيه فيه واحده بره بتقول انها جايه لحضرتك
ياسر: اه دي شمس قولها تدخل
الخادم: حاضر ويروح الخادم يبلغها تدخل
ــــــــــــــــــــــــــــــــــــــــــــــــــــــــــــــــــــــــــــــــــــــ
في الجامعه توصل ليليان وتروح تقعد مع صحابها
ليليان: ازيكم يا بنات
لارا: يااااي ايه دا يا ليليان انتي اتحجبتي
تالا بتريقه: ههههههه ايه يابنتي ماهي قمر اهي
سيلا: قمر ايه بس شكلك وحش خالص يا ليليان
تالا: ماتقعدي يا ست الشيخه
ليليان بغضب: شكرا هروح اقعد مع اللي شبهي وتمشي ليليان وتروح وراها بنت وتنادي عليها وتقف ليليان
ليليان: ايوه مين انتي
البنت: انا اسمي ساره وكنت قاعده قريبه منكم وسمعتهم وهما بيتريقوا عليكي
ليليان: عادي ولا يشغلني كلامهم كل واحد حر
ساره: هما غلطانين علشان اتريقوا علي الحجاب اللي هو فرض علي كل مسلمه بس هنقول ايه فرحانين باللبس اللي هما مش لابسينه اصلا
ليليان: هههههههههه
ساره: انا لسه ناقله في الجامعه هنا ومعرفش حد تسمحيلي نكون صحاب
ليليان وتمد ايديها اكيد طبعا دا شئ يشرفني يا ساره
ساره: الشرف ليا تعالي نقعد مع بعض شويه
ليليان بابتسامه: يلا بينا
تالا من بعيد: بصوا اهي راحت تقعد مع اللي شبها
لارا: فكك منها بقت بيئه اصلا
سيلا: بقولكم ايه انتو الاتنين مش هنضحك علي بعض انتو اصلا مفيش واحده فيكم بتحب ليليان انتو بتحبوا فلوسها بس طبعا لما اتحجبت مبقتش من مستواكم ومش عايزينها تقعد معاكم بالشكل دا بس فعلا هي شكلها جميل بالحجاب لدرجه اني بفكر اتحجب زيها
لارا: بجد انتو مجانين فيه حد يسيب الشياكه دي علشان يتخنق بالحجاب واللبس المقفل دا
تالا: براحتك بس لو فكرتي تتحجبي يبقي طريق السلامه معاها يا حبيبتي
سيلا بغضب: عن اذنكم همشي
عند ساره وتيلا قاعدين بيضحكوا ويهزروا مع بعض واتعرفوا مع بعض وساره حكتلها كل حاجه عنها وحكتلها عن حبيبها اللي مات وقد ايه هي مجروحه من بعده وليليان حكتلها عن حادث حمزه
ساره: يا حرام وهو كويس دلوقتي
ليليان: اه الحمد لله هقوم انا اروح اطمن عليه عايزه حاجه ياقلبي
ساره: لا يا حبيبتي سلام
وتمشي ليليان
ــــــــــــــــــــــــــــــــــــــــــــــــــــــــــــــــــــــــــــــــــــــ
في المستشفي
حمزه: يا حياه زهقت من المكان دا وبعدين انا بقيت كويس
حياه: قولت لا مفيش خروج غير لما الدكتور هو اللي يقول
حمزه: حياه ارجوكي بجد زهقت ومابحبش جو المستشفيات دا
ويدخل حسام: لا دا احنا بقينا زي الفل اهو
حمزه: طب اكتبلي علي خروج علشان زهقت من المستشفي
حسام: طيب نام علي السرير علشان اطمن عليك
حمزه: طيب ويطلع علي السرير ويكشف عليه حسام
حياه: ها يا دكتور حسام ينفع يخرج ولا لا
حسام: الحمد لله بقي كويس ويقدر يخرج بس ياخد العلاج ب نظام
حياه: تمام شكرا يا دكتور
حمزه: طب يلا اتكل من هنا
حسام: ايه يابني قله الاصل دي
حمزه: اه انا قليل الاصل يلا بره
حسام: ابو معرفتك عيل واطي
حمزه: بتقول حاجه يالا
حسام: ابدا دا انت حبيبي
حمزه: اه بحسب طب يلا بره بقي
حسام: متزوقش طاااه ابو منظرك ويجري حسام
حياه: ههههههههههه
حمزه برفعه حاجب: عجبتك اوي
حياه: اه هههههههههههههه
حمزه ويقرب عليها: والله
حياه بضحك: اثبت مكانك لتولع وانت واقف
حمزه: نعم ياختي
حياه: نعم الله عليك يادلعادي قولت اثبت مكانك
حمزه بصدمه: يادلعادي كمان
حياه: بقولك ايه يلا ياخويا علشان نمشي
حمزه ويحاوطها من وسطها: طب هاتي بوسه
ليليان: احم احم
يسيب حمزه حياه بسرعه وتتكسف حياه من الموقف
حمزه: تعالي يا حبيبتي
ليليان: لا انا جيت اطمن عليك وهمشي علشان عندي مشوار
حياه: خليكي يابنتي احنا اصلا هنرجع الڤيلا دلوقتي
ليليان بفرحه: بجد يا ابيه هتخرج من المستشفي
حمزه: ايوه ياحبيبتي
ليليان: طب انا همشي دلوقتي وهجيلكم علي الڤيلا
حمزه: طيب
ــــــــــــــــــــــــــــــــــــــــــــــــــــــــــــــــــــــــــــــــــــــ
في الشقه توصل ليليان الساعه 5 بالظبط وتخبط ويفتحلها عدي
عدي: اهلا بالجميل تعالي ياقلبي ويشدها علي حضنه وحشتيني
ليليان تزقه بغضب: ابعد عني عايز مني ايه
عدي: ايه اللي انتي مهبباه في خلقتك دا اتفضلي علي الغرفه ويقول بوقاحه. شوفيلك حاجه تفتح النفس كده والبسيها خليني اعرف اتمتع بيكي
ليليان بقرف: مستحيل تلمسني او تقربلي تاني
عدي ويقرب منها ويمسك دراعها بقوه: بصي ياحلوه لو ماعملتيش كده برضاكي هعمله انا غصب عنك فااااهمه
ليليان بدموع: اااه ابعد عني ابعد عنييي
عدي يشيلها بالقوه ويدخلها الغرفه ويرميها علي السرير بقوم ويقلع ويقلع قميصه
وتفتح ليليان الموبايل بتاعها وتتصل برقم وتخبي الفون تحتها ويقرب عليها عدي بعد ماقلع قميصه
ليليان: لااااا ابعد عني ارجووك ابعد
عدي يضربها بالقلم من قوته تنزف من بوقها ويحاول يقلعها هدومها بس تقاومه ليليان وتصرخ بالنجده
عدي: اصرخي محدش هيسمعك وبردو هاخد منك اللي انا عايزه ويضرب فيها بالقلم علي وشها ويقطع هدومها كلها ويحاول يعتدي عليها وهي بتحاول تقاوم بكل قوتها لحد مايضربها قلم من قوته تفقد وعيها و....
ـــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
توقعاتكم
ياتري ليليان اتصلت بمين؟ حسام ولا حمزه ولا ياسر ولا حياه ولا احلام؟
وفعلا ممكن يكون حامد ندمان علي احلام؟
وهل دولت هتسيبهم في حالهم؟
وتالا هتعمل ايه بعد ما ليليان مابقتش ف صفها؟
وايه حكايه ساره وياتري هتطلع كويسه فعلا ولا وراها لغز؟
