#الدرج_العالي
.
🌷🌷للكاتبه زهور جمال الدين 🌷🌷
.
❣الحلقة السابعة عشر ❣
.
مشو شريف وحنين للدكتورة ..
-حنين عيونها مدمعات : كيف يعنى يادكتورة
-الدكتورة : يا اختى نتيجة القرابة اللى بينكم البيبي تكوينه مش طبيعى ..لازم من الاجهاض
-شريف متأثر : بالك فى دوا ...والا فى طريقه للعلاج
حنين بدت تبكى ... شريف منغير مايحس بنفسه وقف قام
الكرسى اللى كان مقعمز عليه وحطه فى جنبها وقعمز ..يبي
يحضنها لكن تحشم من الدكتورة ...
مسك يدها : خلاص عاد يا حنين ضرورى حنلقو حل ...
-حنين تلفتتله تبكى : كيف ياشريف.. كيف يطلبو منى انزل البيبي بارادتى ...
-شريف يشبحلها ومتأثر: المهم صحتك
-حنين 😔: هيا انروحو معش قادرة نقعد
-شريف: حاضر
مسكها من يدها : نوضى ...
الدكتورة تشبحلهم ومعجبه بيهم وبحنانهم على بعض
-شريف: نستادنوك توة يادكتورة ..
-الدكتورة : ربي يحفظكم لبعض ..بس الموعد الجاي مفروض
اتكونو مقررين .. لان كل ماكان البيبي صغير كل ماكان افضل
-شريف : انشاء الله ...
وطلعو من العيادةة...ركبو للسيارة
-شريف يبي ايغيرلها جوها : خلى نمشو نشرو عشى انروحو بيه للحوش
-حنين متأثرة😔: لا مانبيش ..روح بيا للحوش وراس حبيبي
شريف يسوق ويشبحلها ...
وقف عالقهوة نزل خدى هامبورجات ومشروب ..
وركب السيارة روحو للحوش ...وصلو خشو الجنان ...
-شريف: نخشو شوى لحوش العيلة
-حنين : والله مانى قادرة حبيبي خلى نركبو فوق
-شريف : حاضر زى ماتبى
_________________________________
فى حوش عبدالتواب ....
سرور وعبدالتواب مقعمزين عالصالون
-سرور: ياروحى انت مافهمتش عليا
-عبدالتواب : ياودى انا فاهمك ..لكن هادى امى منقدرش انقوللها حتى زيدى غادى
-سرور: بس هادى مش طريقه احنا عرسان وامك كل ليله ادير فى روحها مريضه وتشرط عليكم انت وخوك اتباتو معاها
