"Love, uy."
Doon lang ako nakabalik sa realidad nang tapikin na ako ni Justin. Hindi ko napansing nasa tapat na pala kami ng cashier ng pizza parlor para um-order.
"Lasagna and chicken lang ako. Iced tea ang drink. Thank you."
Gusto kong kausapin ulit si GT para malaman kung iyon ba talaga ang nangyari sa kanya. Grabe kasi talaga. Never akong makaka-move on sa nangyari kay Edward. Na kung kaya at puwede lang talaga, pinuntahan ko na siya sa loob ng story para i-comfort kasi napakawalang kuwenta ng asawa niya. Imagine? Iniwan siya kasi broken siya.
I know, kupal talagang kausap si GT most of the time, pero kasi, ang tragic ng book one niya for a true-to-life story. And GT right now didn't look like he had undergone a tragic love story dahil sobrang bubbly niyang tao. Ang hirap maniwala.
Sa sobrang lutang ko, saka ko lang pinuna ang paligid noong sine-serve na yung orders namin. Nakapuwesto kami sa table for two people sa gilid ng glass wall na katabi ng entrance.
Tiningnan ko ulit si Justin. Nagtataka yata kasi wala na naman ako sa mundo. Pero most of the time naman, ganito ako. Pero ewan! Bakit ko ba kasi iniisip si GT? Ano na namang problema ng utak ko?
"Okay ka lang, love?" tanong niya.
Tumango na lang ako at tiningnan ang plato ko.
"Ang malnourished ng chicken," reklamo ko pa kasi parang galing yata sa pugo ang manok na leg part pa naman.
"How's work?"
Sinulyapan ko saglit si Justin bago himayin ang pagkain ko. "Okay naman."
"Sinundo ka raw ng boss mo kanina sabi ni Mama."
"Tsk, boss niya mukha niya," bulong ko bago nagsalita nang maayos. "May bagong project kasi kami. Kailangang asikasuhin agad."
Tumahimik ako para kumain. Nakailang sulyap din ako kay Justin kasi nakangiti lang siya sa akin.
Palagi naman niya 'yang ginagawa. Yung parang cute na cute siya sa akin. Ewan ko ba kung bakit siya ganiyan palagi. Noon, naiilang ako. Noong tumagal, kinikilig na. Pero ngayon? Ewan ko ba. Kung sana lang palagi niya 'yang ginagawa kaso hindi. Minsan lang e. Kapag nasa mood siya at well-behaved ako.
Habang kumakain, kinuha ko ang phone ko. Kating-kati akong i-chat si GT. Gusto ko talagang malaman kung nangyari talaga sa tunay na buhay yung kay Edward.
Eu Niz
Psst! GT! Yung story ni Edward, totoo 'yon?
Just now
Online siya. At habang paisa-isa ako ng subo, hinihintay kong ma-seen niya ang chat ko.
Vincent Gregorio
Kumain ka nang maayos, babe.
Just now • Seen 4:54 PM • Sent from Messenger
Kumunot ang noo ko at halos pandilatan ko ang phone dahil sa reply niya.
Eu Niz
Nakauwi ka na ba?
Just now
Vincent Gregorio
Secret.
YOU ARE READING
The F- Buddies
ChickLitHindi si Eunice ang klase ng babaeng naniniwala sa forever kahit pa taken siya. At kahit pa apat na taon na siyang may boyfriend, sobrang bitter pa rin niya pagdating sa usapang love life. Nang magtagpo ang landas nila ng idol niyang romance novelis...
22. Tale of Two Tragedies
Start from the beginning
