المراهقة و الأربعيني

96

الحلقة ٩٦

ضرب العطر بالحايط و جا كضبني من شعري و شدو حيل و كال :- اول سؤال ويامن طلعتي
-شبيك صراح عوف شعري
زكح و عيونه خازرها و الدمرات من ركبته بارزه و الوجه احمر و صرخ :- احجي لا اذبحج
- طلعت ويا فوزية وبناتها
- وين وليتن
- على مدينة العاب
- تمكيجتي
- ايه
شد على شعري قوي كلي :- بنفس الجبة
- لا .......وسكتت
جرشعري حيل و زكح :- شنو لبستي
-صراع بس شعري تكطع فدوه عوفني
-احجي لا اكرمج هينا والله
- بنطرون وقميص
اني كلت هيج لو اتخبل، عبالك بحلبة ملاكمة، شبعني راجديات والغلط طلعني كاوليه، اخر شي كال:- مو صراع الي الدنيا تحسبلا الف حساب تجي وحدة ساقطة مثلج تكسر كلمتي
دفعني ع التخت واخذ الشي مني بالغصب والضرب و اني بس ابجي تحتو واصرخ واطلب منو يبتعد بس ولا كانو يسمع من خلص دفرني برجلو بكل قوته من على التخت، وكعت على كتفي لان ماجنت متوقعة يدفرني جان خليت ايديه
وجتفي قبل مخلوع كمت اناشغ  واصرخ من الألم هو ما اهتم بدل وطلع.
اريد اكوم من مكاني ما اطيق الوجع عندي ابدا ما يوصف، كمت اصرخ حتى اوكف، و لما وكفت كمت ادحك جتفي نازل، و وين ايد ناصبة وايد هادلة وهيج احس عظم برز من ايدي والوجع دمار
لبست ثوب على جسمي بالموت، و كوه امشي و اصرخ من كل گلبي و دموعي ملمطخه وجهي، ونزلت وضعيتي تخزززي
جانت الحجيه كاضبه الدرج و تصيح :- ولكم الفرخه شبيها، ولك صراع شسويتلها، وكفت ع الدرج و اصيح عليها بس اريدها تجيني متت من الألم، صعدتلي لحيلها ولا كنها عجوز و مريضه ركضتلي ع الدرج و بقت تصيح ع البيت :- الحكوها راح تموت.
بساعتها اول مره اسمع الحجيه تدعي على ابنها الوحيد و تصيح الله لا ينطي ان شاءالله كسر بأيده

واني اكولها :-عمة جتفي موتني ما اكدر اطخه راح اموت
وابجي واناشغ صعد الحجي و ام سعد و اخلاص ادحك من باب غرفتها، عمي اجا شافني كام يتحسب على صراع، ويدحك على  جتفي انخلع  اجا ساعدني و هو ينزلني يصيح على نائل:- بسرعة طلع السيارة

الحجيه خلت على راسي حجاب و عبايه و دنطلع ، نزل صراع جان بالحمام يسبح، شاف الكل مخبوص وعمي ماسكني كالو :- عوفها  عالجلبة خليني اربيها
زكح الحجي :- خاف الله بيها صراع ، دتشوف كتفها  انخلع  خاف ربك عاد، امشي بنيتي امشي
الحجيه لبست عباتها و اجت وراي صعدوني السياره و اني احس روحي عتطلع ، صراع شاف وضعي هشكل والكل انخبص بيه، اشر لنائل ينزل من السياره و هو صعد يسوق.

طلعنا لواحد قريب من بيتنا، يجبر الكسور والخلع وهيج شغلات وهما يعرفو، من شاف كتفي كال :- هاي اول مرة
كتلو :- لا ثاني مرة
كال :- خوش
كعدني والكل واكف على راسي و اني بس انوح و ان من الالم يذبح، كاللهم :- بس ابعدو شويه، حتى اشتغللها الخلع
وتقرب مني بس طخها ، نشغت احس روحي طلعت
:-اصبري ابنيتي لازم انرجع الكتف
- لا عمو دخيل  الله يخليك راح اموت
راد حاول ما كدرت، الحجيه ما اتحملت، كالتلهم : نطلع للمستشفى البنيه گضت
المجبرچي كال :- لا شغلتها سهلة بس يرجع العظم لمكانا وتفض واي الم ما يبقى  وهسه المستشفى بس خفارات لان دنيا ليل
حجه الحجي و اتقرب مني باس راسي :- يلا بنيتي عفيه، خلي يرجعو حتى ترتاحين، و قسم والله بعد عملتو هاي اني اربيلج يا بس خلي نرجع كتفج
اتحملي بعد ابوج
هالحجي صراع بس يدحك و نضرات الخوف و القلق و الندم بوجهو تقرأ الف، بس وكتها اشوفه احقر انسان على وجه الكرة الارضية على الألم الشفتو