المراهقة و الأربعيني

تكملة الحلقة 83

#مراهقة_و_الاربعيني

،،،،،،،،، بقلم زينب ماجد ،،،،،،،،،

الحلقة_تكملة 83

گمت اصيح بكل صوتي ، ما رد ع السريع ضربت الجهاز بالكاع وكمت ابجي واصيح ، ونور واكفه تتوسل بيه :- فدوه لا تكوليلو اني الكتلح والله يذبحوني

-اطلعييييييييي منيييييي

-الله عليج لا تجيبين اسمي

-عووووووفينيييييي روحي منييييي
مشيتها وطردتها برا ، كمت ارجف والدموع تتجاره ، يتزوج عليه ؟ هالحقير يتغفلني ويتزوج عليه ، كمت املخ بروحي واصرخ ،

اشيل بالغراض واكسر المكياج ضربتو سويتو طحين ، شكو شي ع الميز شلتو وكسرتو واصرخ بكل صوتي وامخل بشعري ، احس جنيت راح اموت

النار تغلي بروحي وراسي اشتعل و رجليه ما عاد اكدر اكف عليها ، كعدت بالكاع وكمت اضرب بيها ، واصيح ارييييييييد ابويه ، باباااااااااا وينك ذبحونييييي بابااااااااااا

ردت فاتت نور وهي تتوسل :- فدوه ليليان والله اني ما كدرت اضم عليج بس لا تكولين والله نائل يذبحني حذرني بس انه ما تحملت يستغفلوج

-ولج عوفيني رااااااح امووووت ، ولج يكولي احبج والله احبج ، تالي متزوج علييييييييييه ، ولك ياااااحب هذا صراااااع

نائل كام يدك ع الباب ويصيح :- ليليااااااان

-ما اريد اشووووووف احد بيكم حقرااااااااء كلكم حقراااااااااااااء ، ، تأذوووووووني لييييش ، ليش فهموني ليييش

بشنو اذيتكم اني عمري ما اذيت منكم احد، تأذون واسامح وتالي تزوجوه وتساندووووووووووه ، كلكم حقراااااء

.. هو يضرب ع الباب و الحجي صعد و يكلو :- يابه شهرتنا صوتها واصل لاخر العالم

واني كمت على حيلي ، نور اصفرت كدامي ، كالتلي :- لا اطلعين

دفعتها :- وخري مني

طلعت للحجي وكمت اصيح :- تزوج رجليييييي خلك خركه انت بأيد لميعه و تخطب لرجلييييي يا ما بيك خيييييير

هو هد.عليه ، وكام يغلط ونائل واكف كدامو ويكلو :- عوفها يابه كلبها محترك على زواج رجلها

والحجيه من جوا تصيح :- يا يا ولج اول وحده يتزوج رجلها هججتي الدنيا يول حسج گصررررري

واني اصرخ :- روووووح روح الميعه ابو الحبووووووب

اصرخ ونور تجر بيه وتصم بحلكي ، صعد صراع ، اخذني الحظنو وخلى راسي بصدرو وقيدني واندار للحجي اللي يغلط ويكلو اذبحها ، زكح بنائل وكال :- نزلووووو

اني ادفع بيه اريد اوخرو واصرخ واضرب بيه ، فوتني للغرفه ، هديت عليه اتلاوى وياه واصرخ تتزوج عليه حقيييييير