الحلقة 90
اني شفتو حظنها و اخذها للغرفه لو جنيت ، كمت افتر و الوب بالهول و اسمعها هي تبجي و تشكي و تتمسكن
وتكلو :- شبيه بس گلي شبيه ليش مضحك العالم عليا ، كتلك ابن عمي بس خليني تحت جنحك و اني مثل ميل الساعه وياك رگبتي كبالك طرها لو خالفتك
ليش مخلي اليسوى و المايسوى يتشمت بيه وانا بنت عمك من دمك و لحمك ، حبيت شسوي اكص كلبي و الومه على حبه الك من ذاك اليوم و لليوم انا احبك و انت ما حبيتني
كلت ارضى بس اعيش بسدو يكفيني هو بحياتي و انت ذالني لخاطر مرتك ، انطيني ذنبي شسويت
وتبجي بصوت يكسر الحجر و هو تحسو انضرب على مخو و ما يعرف اشون يسكتها و يهديها
فتحت الباب عليهم كاعده يم رجليه و هو مدنك يريد يكومها و يتوسل بيها تسكت و يكولها :- بنت عمي كدرج عالي والله بس ..... قاطعتو و كلتلها
:- گوه هي ميريدج حسي على دمج و عوفينا
ادارلي بعصبيه و هو يخزر و زكح:- ليليااان طلعي منا
-لا ما اكلع ولا تكعد تتمسكن هي الرضت تضل خدامه بهالبيت محد كاللها تحط عينها على رجال متزوج و تجي بسحورتها و عمايلها توكع براسو
ام سعد :- من عزا العزاج ان شاءالله انا بنت اختي ادور اسحوره الهي حوبتها بهالماتستحي ياربي
ام سعد تحجي و صراع يصيح و اني انفجرت و كمت اصيح :- عوفها يلا اطلع كووم
وهو يصرخ :- ولج امشي هسه اجي وراج روحي .
ما عرفت شسوي كمت اخبط و اخربط بالحجي و هو تبجي و كام يصرخ و يسب بنفسو و على ساعة التزوج بيها و ابتلى
عاد من كام يكسر اثنين خلسنا و رحت للغرفه ابجي بسكوت و هو يصرخ و يصيح ما خلا كلمه ما حجاها ..
والحجيه تكلو هذا اليعصي الله ما يرتاح وكت لما تعدل ترتاح و هو جن جنونه حتى كفران كام يكفر
نزل جوا يصيح و الحجيه و الحجيه يحجون ويا ويراددوه و يكلولا :- اعدل بينهم حرام عليك مثل ما هي مره ذيج مره ليله يم هاي و ليله يم ذيج ما تضرك شي و مصيرهن يتعودن و يصيرن حبايب
و الحجيه تكلو : شوفنا هاي انه و ام سعد حبايب و گلب على گلب مره ما تاكل مره
و اني نزلت ع الدرج و حجيت بصوت عالي :- و انتي تريديني اصير مثلج مذوله و محد يحترمني و ابقى اعيش ع الهامش لو امووووت
اني احجي و صراع هو صيحه و هو طفره ع الدرج كضبني من شعري و يصرخ :- ول انتي تعيرين امي بنت ****
كمت اصرخ بين اديه و اهلو يحاولون يفكوني منه و استلمني جلاليق و راشديات الخشم كام يخر دم ..
وفكوني منا و هو يكلهم :- ما اريدها بعد ما اريدها ابيتي منا يلا
اخذتني نور و هي تجر بيا و تهدي صعدت ع الدرج و الدم يجري من خشمي و اخلاص و اكفه و مكتفه اديها و تضحك و تكولي :- شفتي انا اكدر احرك الأخضر و اليابس بس ساكته بمزاجي
أنت تقرأ
المراهقة و الأربعيني
Romanceرواية حقيقية لفتاة عراقية لأخ أرهابي (داعشي) يقوم ببيعها لمن ظلموها فتبدأ رحلتها مع رجل اربعيني يكبرها بثلاث عقود. يا ترى هل الحب سيتعدى فارق العمر الذي بينهما ام يبقى الفارق.. مفارق.. ❤ بقلم زينب ماجد