SIMON (P.S#3)

5

Just so won't be confused, iba ang timeline ni  Xantha at Bobbie hahaha naunang naging magjowa sila Xantha kaysa kila Bobbie at Ulap :)

-------------

Huli...

"Aray! Ang sakit ha!"

"Usod ka kase Gold! Tabi kami ni Bobbie mamaya dito kapag dumating siya!"

"Ang luwag luwag sa kabila oh! Puro ka na Bobbie kuya. Dati naman ako lagi katabi mo! Ayoko! Hindi ako aalis dito!" Nakapout na si Lexo na nakuha pang pagkrusin ang kanyang mga braso, ang biceps niya mapapatingin ka na lang. 

Napailing ako. Grabe din ang bunso ng mga Puntavega. Parang baby ng lahat pero napakamanly ng katawan. 

"Alis sabi e!"

"Ayaw sabi e!"

Pinanuod ko kung paanong magtulakan si Ulap at Lexo na parang mga bata. They really are so childish. Mamaya naman ay sila din ang magkayakap kapag may nagtampo nang isa. 

"Sa akin tatabi si Bobbie, huwag na kayong mag away diyan. Lipat ka nga dun Chase dali!

Napaangat ang dulo ng aking labi ng madinig ang tinuran ni Andrea. Napaungol naman agad si Keso sa inis pero tulad ng dati ay wala din naman itong magagawa. 

"Si Cinco na lang palipatin mo. Hoy Emmanuel, lipat ka doon. Bakit andyan ka sa tabi ni Andeng?" 

Nangalumbaba si Cinco bago bored na tinignan ang magkasingtahan. Ang kamay ni Chase ay nakasampay na sa balikat ni Andrea. 

"Ako ang nauna dito. Siya ang tumabi sa akin. Bakit hindi kayong dalawa ang lumayas nang matuwa ako sa inyo?

Natawa naman ako sa sagot ni Cinco, sanay na sanay na sa mga pasimpleng banat ni Chase sa kanya. Napakaseloso din minsan nitong si Chase e. Hindi na din naman niya maaawat iyong si Andrea na dumikit dikit kay Cinco minsan. Literally speaking, Cinco and Andrea had really become the best of friends, na kahit anong gawing tulak ni Cinco kay Andeng, parang tukong kakapit si gaga sa pinsan ko. 

"Huwag mong awaying si Cinco, baby! Nakita ko may katext yan baka tarayan niya din!"

"Hala binata na si Lima?"

Agad namang binalibag ng papel ni Cinco si Milan na natawa ng malakas bago umilag. Nagawa pa nitong magtago sa likod ni Dakota na busy sa kanyang phone. May binabasa. Napansin ko pa ang bahagyang pag ayos ni Milan ng kanyang buhok na hinayaan lang din ni Dakota. 

These two, they act like they are lovers but they are not. O baka naman tulad lang din namin sila ni Aedree at nililihim kung ano ang mayroon sa kanila? Pero kung ganoon ay bakit?

"Basta umusog ka na," 

"Alam mo Keso, may tawag diyan sa kaartehan mo, sakit yan." hindi ko na napigilang sumagot dahil nakakawawa na ang pinsan ko. Inis naman na tumingin si Keso sa gawi ko.