باسم : شنو صوني امالا
منتصر : آها كساد برا حمو قالت نلعب ايلاف من امبدري تقولي توا نجي نلعب معاك معش جت
باسم سكت
دق باب فتحت هبه خش بابا حط حاجات بعدها خش للمربوعه
باسم صبي سلم ع بابا قعدو يهدرزو وشوي وخش انس واحمد قعدو يهدرزو اذن مغرب صلو وحطو فطور وفطرو و بابا خش للدار و قعدو شباب بس
منتصر جابلهم نسكافي بكلاوه قمعز
احمد : باهي خطوه كويسه
انس : ان شاء الله تكمل بس
باسم : لقيت عرب
انس حك رأسه وابتسم : عندي اها
احمد ضحك : ما شاء الله يا دنس انت من جماعه من تحت تحت
باسم : ههههههه
انس : لا والله رن اسامه عليا قالي في شقتين وانت وحظك فتت موضوع عشان شفت كم شقه ما عجبنيش عجبتني هذه امس بس صار موضوع
احمد : منتصر صبي صبي عدي جيب اميه
باسم : عليك جو كلا انتم
منتصر صبي طلع
انس : عندك عليش اطلع فيه فكني من طروحك حافظك راه
احمد : هههههه زرق عليا
انس : فاطلك اصلا
منتصر : يحسابني فرخ والله ماني شايلها الميه
هبه : كيف امالا من يشيلها بابا ولا ماما
منتصر : اهيا ايلاف تخش تشيلها
انا ماسكه فوني ونهدرز مع ملاك : توا شن فيها كان شلتها
منتصر : وانا مش مهزب يزلطني قدام باسم
هبه عبت اميه : خشي إنت يا ايلاف وخلاص
انا صبيت خذيت اميه ودقيت ع باب
احمد : خش تعال
انا فتحت باب مربوعه : سلام
باسم بحت فيا طول : عليكم سلام
احمد : جيبي جيبي هذا شكله يبي ينشف ريقي
أنا خشيت مديت اميه انس رن فونه صبي
احمد : بتهرب
انس : خاطني هههههه
طلع
باسم : شن جوك
انا : الحمد لله
احمد صبي : توا نجيك انا طاق في وليد صاحب نهاية الشارع
باسم : تمام
احمد طلع وانا مازالت مصبيه وقانطه ع فوني سمعت باب يزوي بحتت لقيت يد هبه سكرت باب مربوعه
باسم : قمعزي نبيك
انا قمعزت : نعم
باسم : أول شي شن دايره ان شاء الله متريحه
انا : الحمد لله
باسم : خذيتي دواك
انا : لالا قاعد هنا في مربوعه مازالت ما خذيته
باسم صبي : وين حطتيه
انا : خليه توا ناخذه بعدين
باسم : قولي بس وين
انا : فوق عارضة
باسم عدا جاب دواء وجاب كأس اميه قمعز ع ركبيه قدامي حط حبه دواء في يده وكأس في يده اخري
انا خذيت دواء وشربت اميه وصبيت وصبي معايا
باسم : خوذي باقي دواء
انا خذيت شكاره قمعزت قعدت ناخذ في دواء حسيت روحي متلخبطه
باسم : هيا تروحي معايا
انا : لا
باسم : خلاص بلاش عناد خلينا نروحو
انا رن فوني تنحنحت : ايو حوبا
رحاب : اهلا صحه فطورك يا اوفي
انا : سلمك كيف حالك
بحتت في باسم لقيته مرفع حاجبه
رحاب : الحمد لله وينك معش روحتي اليوم ماشين كلهم للمزرعه يوتو في اروحهم بايتين غادي
انا : قاعده عند هلي
رحاب : باهي تعالي
انا بحتت في باسم : دكتوره قالتلي لازم راحه
رحاب : والله تجي نكسدو في مزرعه مع بعضنا
انا : مره اخري ان شاء الله
رحاب : تمام ع راحتك سلميلي ع هلك
انا : يوصل قتلك من ماشي للمزرعه
رحاب : عيت خالي فتح الله وخالاتي الاثنين وعويلهم عزمتهم عميمه
انا : اها تمام ربي يدوم اللمه سلميلي عليهم كلهم
رحاب : يوصل ان شاء الله تبي حاجه
انا : لا سلامتك باي
رحاب : سلام
سكرت وحطيت فون جني
باسم : قالولي خاطرك في بحر نوضي البسي نشيلك
انا : بابا توا يشيلني
باسم : انا قاعد صبي توا نشيلك
انا : لالا عدي للمزرعه انت
باسم ضغط ع سنونه : مش ماشي للحد انا جايك إنت
انا تنهدت : انا نبي نتريح
باسم : اسمعي انا فهمت موضوع كله خلاص مشي جو
انا ابتسمت : مشي جو
باسم : شن تبيني انديرلك
انا سكتت
باسم سكت قعد يبحت فيا
انا صبيت
باسم : ايلاف افطني للتصرفاتك اللي في بطنك تؤام راه
انا بحتت فيه ابتسمت : تؤام
باسم : اها تؤام ؛ خلينا نروحو عشان نتريح انا وياك تقعدي قدامي عيوني ما تدويش معايا المهم معايا
انا تنهدت
باسم صبي : اليوم عندك موعد مع دكتوره البسي نشيلك عياده ع اقل
انا : لازم نعدي
باسم : كنك يا ايلاف عشان صحتك وصحه عويل
انا تنهدت وصبيت
باسم : خوذيلي طريق نبي نطلع نرجاك برا
انا فتحت مربوعه لقيت ماما مقمعزه في صالة وهبه في مطبخ تسيق : هبه راك تطلعي
هبه : تمام
باسم طلع من مربوعه ماما صبت سلمت عليه طلعت معه لعند برا
انا : من اللي في حمام
هبه : احمد
انا : باهي
احمد طلع وانا خشيت دوشت وطلعت لبست لقيت هبه تكلم
