Marked Series 6: Deal With The Devil (COMPLETED)

Prologue

Bakit ba may mga taong ipinanganak na maswerte? Iyong pagflip lang ng hair ay hinahangaan na ng mga tao samantalang iyong iba kailangan pang magparebond at gumastos ng conditioner araw-araw upang mapansin kung gaano kaganda ang hair nila. Iyong iba isang kahig kailangang pagkasyahin sa tatlong tuka habang iyong iba isang pitik lang sa hangin nasa harap na ang pagkain nila. Ang swerte.

Gusto niyang mapabuntong-hininga at pinagpatuloy ang pagbabasa ng manga na nasa harap ng kanyang computer screen. Iyong binabasa kasi niyang Japanese manga ay iyong bidang lalaki as usual mayaman habang iyong babae naman ay maraming utang kaya naging slave ng devil na guy. Nakakaasar talaga ang mga mayayamang mayayabang.

"Kawawa naman iyong babae." Usal niya.

"He is here!" mabilis pa ala una niyang iminimize ang browser at ini-open ang Microsoft word at nagkunwaring nagtype ng dapat 'kuno' niyang itype. Bilang head executive assistant A.K.A head secretary nang CEO ng ZYKE Hotels hindi siya pwedeng mahuli na may ginagawang kababalaghan gaya nalang ng pagbabasa ng manga during her free time o kaya naman ay ang magbasa ng wattpad depende kung alin ang may new update.

Katatapos nga lang niyang basahin iyong onepiece kahit na ilang beses na niya iyong binasa at favorite part pa rin niya iyong iyak siya ng iyak ng mamatay si Ace. Naninikip ang heart niya, mahirap kasi kapag ikaw lang mag-isa sa ibang bansa habang iyong pamilya mo ay nasa Pilipinas. Hindi ganoon kadali maging OFW lalo na isang bansa na hindi naman English ang first language.

Nandito siya sa Singapore, she quit her old job dahil hindi naman niya feel ang ganoong trabaho masyadong demanding. Maraming hindi pwede at hindi niya hawak ang time niya. At kagaya niyang hindi naman galing sa mayamang pamilya ang tanging pwedeng gawin niya ay ang pumunta sa abroad sayang din ang chance at saka malaki din ang sahod niya. Three years na rin siya dito and so far wala naman siyang reklamo in terms sa sweldo at mga bonuses. Ang boss siguro niya ang pinakagalante sa lahat ng boss.

But it doesn't mean na gusto niya ang boss niya, iyong sweldo lang niya ang gusto niya sa trabaho niya. Kung hindi lang talaga sa pero nungkang magtatagal siya sa double face na boss niya na akala mo kung sinong gwapong bumaba galing sa Mt. Olympus. Sa harap ng maraming tao sobrang bait at kuntodo smile pa pero kapag kaharap siya ay pinahihirapan siya nito sa dami ng trabaho.

"Ang gwapo talaga niya." Kinikilig na bulong ng isa sa mga secretary nitong si Selena na katulad niya ay Pilipina din. Karamihan sa mga staffs ng hotel ay mga Pilipina, Pilipino din kasi ang may-ari.

"Hi, beautiful ladies. How's your day?" tsk. Meet Reigan Buenaflor, her boss... her own nightmare.

Hindi na niya tiningnan ang mga kasama niyang secretary na kanina pa nagpapahid ng mga kolorete sa mukha para lang mapansin ng amo nila.

"Happy na sir dahil nakita na namin kayo." Kinikilig na wika ni Rose. Tinapos na niya ang pagtipa ng memo na dapat ay kanina pa niya tinapos pero masyado siyang nawili sa pagbabasa.

"That's good to hear." At nasabi na ba niyang tatlo silang secretary nito? Pero iba-iba ang description ng trabaho nila. Si Selena ay ang secretary na sinasama nito kapag may parties and special meetings. Selena is beautiful at pwedeng idate sa mga party. Si Rose naman ay kapag kailangan ng out of town na meetings, efficient din naman kasi ito sa trabaho. Siya naman sa office lang talaga siya, siya ang gumagawa ng mga paperworks siya din ang nag-aayos ng mga minutes of the meeting. Hindi naman kasi siya ang tipo ng babaeng pwede nitong isama sa mga parties and events at mas lalo namang hindi sila pwedeng magsama ni Reigan-ng boss niya sa mga out of town dahil mag-aaway lang sila.