ف المستشفي
رؤوف : اسف يا شروق بس انا محتاجك .. وانتي مبقاش ليكي منفعه دلوقتي .. فانا هخليكي تروحي لجوزك عز هو اكيد عايزك
شروق بصاله بخوف
رؤوف بستهزاء : متخافيش يا شروق ده هي شاكه دبوس وروحك هترفرف
احد الممرضين : د.رؤوف كل حاجه جاهزه
رؤوف : ودوها البدروم .. واعملولها جلسات كهربا عشان يبقا موتها موته طبيعيه .. وخدوه الرحم والقلب دول مهمين وباقي اعضائها هنحتاجهم ف طقوس تانيه المهم ان قدام اي حاجه هتحصل بعد كده اسمنا مايجيش ف الرجلين
احدالممرضين : اوامرك يا دكتور
رؤوف نفذوا بقا لحد ماجي هعمل مشوار واجي تاني
_______________________
نبيله بستغراب : رؤوف
رؤوف : ادخل !
نبيله : طبعا
نبيله : بتمني تكون جاي عشان حاجه تستاهل
رؤوف : هسألك ع حاجه وتجوبيني اذا كان هي فعلا كده ولالا
نبيله بخوف : ايه هي
رؤوف كان لسه هيكلم بس قطع كلامهم الخبط ع الباب ورؤوف هو اللي فتح
اسلام بستغراب : د.رؤوف هو انت بتعمل ايه هنا
نبيله : ف ايه يا اسلام .. سلمي كويسه
اسلام : نعم هي سلمي مش هنا ؟
نبيله ورؤوف بصوا لبعض
نبيله : لا مش هنا بنتي راحت فين يا اسلام
اسلام : انا وهي اتخانقنا الصبح ولما روحت البيت ملقتهاش
رؤوف : كلمتهم ف المستشفي
اسلام : لا مكلمتهمش
رؤوف : طلع موبايله وعمل مكالمه وقفل
نبيله بخوف : ها يا رؤوف بنتي فين
رؤوف : بيقولوا انها مشيت من الظهر
نبيله : من الظهر ! ودلوقتي الساعه 10 بليل دورولي ع بنتي
سلمي جت ودخلت الشقه لقتهم كلهم متجمعين
نبيله : سلمي حبيبتي انتي كنتي فين
سلمي بصتلهم بصه هما مفهموهاش
رؤوف : كنتي فين يا سلمي كل ده احنا كنا قلقانين
سلمي : رفعت حاجبها والله بجد كنتوا قلقانين وابتسمت بستهزاء وبصت ل اسلام انا عايزه اروح يلا
نبيله واسلام ورؤوف بصوا لبعض من طريقتها
نبيله: مالك يا حبيبتي
سلمي : تعبانه بس شويه .. محتاجه ارتاح مش يلا يا اسلام
اسلام : حاضر يلا
سلمي واسلام كانوا هيمشوا بس سلمي وقفت تاني
سلمي : عمو رؤوف هو حضرتك مش هتمشي يعني احنا بليل والوقت متأخر وجودك هنا مش كويس
رؤوف بهدوء : كنت ماشي اصلا
سلمي : تمام يلا تعالي معانا ف طريقنا
_____________________
ف عربيه اسلام ..
سلمي : عمو رؤوف .. هو بابا مات ازاي
رؤوف بص ل اسلام : مات ف حادثه مانتي عارفه
سلمي : ازاي اصل انا بحاول افتكر بابا مات ازاي مش فاكره
رؤوف نزلني هنا يا اسلام عشان عندي كام مشوار هعملهم
سلمي بصتله بأبتسامه صفرا
اسلام : مالك يا سلمي النهارده حقيقي مالك انتي كويسه
سلمي : هو ف حد يبقا معاه انتوا ومايبقاش كويس .. لا تقلق حبيبي
اسلام : حبيبي ! انتي اول مره تقوليلي حبيبي
سلمي : هو انت مش جوزي برضو يا اسلام يعني اقولك حبيبي واقولك كل حاجه
اسلام : انتي عيانه يا سلمي صح
سلمي : لدرجادي مستغرب .. هي كلمه غريبه ولا ايه
اسلام : لا مريبه مش غريبه بس .. وغير انا وانتي متخانقين الصبح فمستغرب طريقتك
سلمي : مافيش حياه زوجيه سعيده من غير شويه دراما
اسلام : حياه زوجيه سعيده ! وحبيبي ! انا دلوقتي اتأكدت انك عيانه فعلا ولازم نروح لدكتور
سلمي ضحكت جامد وبدلع : قربت منه لدرجادي انا شريره يا اسلام
اسلام اتوتر : سلمي احنا ع الطريق .. اظن محدش فينا متنازل عن حياته
سلمي بستهزاء : فعلا محدش متنازل عن حياته .. حتي لو بمزاجه او غصب عنه
اسلام : قصدك ايه ؟
سلمي : ولا حاجه يا اسلام .. خليك رويح كده
اسلام : انتي لو شاربه حاجه مش هتبقي كدا
___________________
ف بيت سفيان ...
هاله : مالك يا حبيبي
سفيان : هاله انا عايزه اقولك ع حاجه بس ارجوكي متسبنيش انا اما صدقت لقيتك
هاله بقلق : ف ايه يا سفيان قلقتني
سفيان : بدا يحكلها ع كل حاجه حصلت من قبل الحادثه لحد ماهو قاعدين دلوقتي
هاله كانت ف حاله صدمه من اللي بتسمعه
سفيان : هاله ردي عليا والنبي بلاش تبقي ساكته كده
هاله : انتوا مبتأمنوش بربنا
سفيان : استغفر الله بصي مش انا والله .. انا بقت قريب اوووي من ربنا من بعد اللي حصل اقسم بالله يا هاله
هاله بزعيق : ازاي جالكوا قلب تعملوا كده .. ايه ذنب الناس اللي ماتو دول ايه ذنبهم ..
سفيان : صدقيني احنا مكناش نعرف والله .. اسلام بس اللي كان عارف .. ونوح جيه قلنا ومن ساعتها كل واحد قرر انه يبعد عن اللي بيحصل ده بس اتقلب علينا نوح مات عشان كان مع د.محمد ... نوح انقذ حيات سلمي من الموت انا اخر حاجه شوفتها صرخه سلمي ع نوح
هاله : عيطت .. نوح كان بيحب سلمي اوووي .. بس مكنش يعرف انها كمان كانت بتحبه .. انا ازاي مشوفتش اللي كان بيحصل ف المستشفي ازاي عشان كده مراتك ماتت
سفيان : اه ماتت بسببي .. ابن ملك الجان قلب علينا كل واحد فينا خسر حاجه
هاله : انتوا ازاي كان بيجيلكوا قلب تعمله كده ازاي ... نوح كان دايما حد قريب من ربنا بسببه سلمي اتغيرت ف تصرفات كتير .. سفيان هي سلمي كانت معاكوا ف اللي انتوا بتعملوا
سفيان : لا مكنتش معانا بس عشان كانت بتثق ف د.محمد كانت بتمضي ع الحالات
هاله : الحالات اللي بتتقدم قرابين
سفيان : بظبط .. سلمي لو عرفت الجزء ده مش هتسامح نفسها ابدا وهيبقا مصيرها زي عز .. عز مقدرش انه يعيش وهو حاسس بالذنب .. ف سلمي صدقيني لو عرفت هيكون مصيرها زيه
هاله : انا عرفت ان سلمي مش هترجعلها الذاكره
سفيان : صدقيني ده احسن خبر .. ده كويس لصالحها
هاله : انا خايفه من اللي جاي .. خايفه يحصل حاجه بشعه
سفيان : انا مستغرب اني سنه كامله سلمي مبتشوفش حاجه ومحصلش ان اي حد مات
هاله : سلمي ازاي بتشوف الاموات
سفيان : سلمي بوابه لجحيم عزازيل .. د.رؤوف ود.محمد قدموها ل عزازيل ع طبق من ذهب
أنت تقرأ
نوح (مكتمله) بقلمي آلاء محمود
Horrorبقلمي الاء محمود 💜 كيف لروح تسعي للأنتقام يكون داخلها الخير والشر .. كيف اذا تدخل الأمر لتحرير ارواح بريئة من ايدي شيطاناً او بالأحرى شيطاناً يجري ف دمائنا دائماً يجعلنا نعصي ويقوم بإيقاعنا في شر اعمالنا .. وفي النهاية يخبرنا بأنه يحب الله ويطيعه...
