نوح (مكتمله) بقلمي آلاء محمود

الفصل السابع

سفيان : الو يا عز
عز: مال صوتك ف حاجه حصلت ولا ايه !؟
سفيان :لو جمبك شروق ابعد عنها ..
عز : شروق عند حماتي ف ايه !؟
سفيان : بقولك ايه يا عز واضح ان اسلام هيرجع لحركات زمان تاني
عز : طب اهدي كده .. اسلام اتغير يا سفيان وخصوصا بعد موت د. محمد
سفيان : بس د.رؤوف موجود يا عز .. انا قرفت من شغل الشياطين ده .. انا ياعم بخاف ع نفسي .. وسلمي لو عرفت اقسم بديني ماهترحم اسلام ولا
د. رؤوف وافتكر كلامي ده كويس يا عز
عز : طب اهدي كده وانا هشوف الحوار ده بكره
سفيان : تشوفه ماتشوفوش .. دي حاجه انا مش هكلم فيها خلاص ياعز .. انا حقيقي افتكرته اتغير بس ديل الكلب عمره مابيتعدل ابداً وقفل من غير مايسمع رده
سفيان : يارب احمينا وابعد عننا الشر .. انت عالم ياررب اني توبت عن اي حاجه فيها معصيه ياررب احفظني واحفظ صحابي .. واهدي اسلام زي ماهدتني انا وعز ياررب
................................................................
سلمي دخلت اوضتها بس كانها مش اوضتها ....

ف مكان ضلمه مخيف .. الحيطان عليها كفوف دم بطريقه مرعبه وناس متجمعين حاولين حد شكلهم مخيف اوي لبسين اسود ف اسود وبيقوله كلام غريب وصوتهم عالي جدا
سلمي بتوتر : لا بقا هو انا صاحيه ولا نايمه !؟
وبهمس متقربيش منهم
سلمي : بدات تقرب ومهتمتش لصوته
وبهمس بس بصوت غصبان : قولتلك متقربيش .. خليها بمزاجك بدل مامنعك انا
سلمي لقيتهم بقوا بيبعدوا عن اللي كانوا متجمعين حوالينه بس هي مش عارفه تتحرك كان حاجه مسكاها ..
بهمس : مش هخليكي تقربي ..
وفي اللحظه دي شافت متجمعين حوالين ايه .. وفضلت متنحه ومصدومه وكان الكلام اتلجم ف لسانها مش راضي يخرج
بهمس ممزوج بخوف سلمي فوقي من نومك قبل مايشفوكي بسرعه
سلمي اتنفضت وبصريخ : سوزاااااااااااااان

نبيله دخلت مفزوعه اوضه سلمي.
نبيله : بسم الله مالك يا بنتي ف ايه !؟ هو انتي عرفتي حاجه !؟
سلمي بعدم فهم : عرفت ايه !؟
نبيله : اصلك قولتي سوزان افتكرت عمتك كلمتك او سوزان
سلمي : ماما اتكلمي ع طول .. ده كان كابوس بس
نبيله : بدات تحكي لسلمي كل اللي قالتهولها جليله .. هي استقصدتني اتكلم معاكي واقولك
سلمي : ايه التخاريف دي يا ماما .. ايه قصد عمتو يعني ان سوزان بنتها ملبوسه ! ايه التخاريف و الجهل ده
نبيله : بطلي تكلمي كده ربنا يجعل كلامنا خفيف عليهم يا بنتي
سلمي : بلا خفيف بلا تقيل .. لو سمحتي بلاش نكلم ف الموضوع ده عشان انتي عارفه رأي ف حوار التخاريف والجهل ده
نبيله : طب هتعملي ايه ف حوار بنت عمتك .. سلمي عمتك اول مره تطلب مننا طلب
سلمي : ماما انا كده كده كنت هطمن عليها اصلا
نبيله بستغراب : بصت لسلمي من فوق لتحت .. انتي لحقتي دخلتي ونمتي كمان بلبسك
سلمي : انتبهت .. ولنفسها هو انا لحقت انام بالسرعه دي ومسحت ع شعرها ياررب خلصني من اللي انا فيه ده
نبيله : احم .. سلمي انتي هتروحي لسوزان امتي !؟
سلمي : ماما تحبي اروحلها دلوقتي
نبيله : لا يا حبيبتي .. انتي لسه جايه وتعبانه
سلمي : طب كويس انك عارفه اني تعبانه ومحتاجه ارتاح ممكن انام بقا يا ماما
نبيله : مبطلبش منكوا حاجه غير لما لازم تضايقوني
سلمي : نعم .. ماما هو انا كلمتك .. بقولك ايه انا واحده تعبانه وعايزه انام نبقا نتخانق الصبح تمام
نبيله : ماشي يابنت محمد بكره نكمل خناق
سلمي بضحك : حاضر يا مامتي بكره اول ماصحي
...............................................................
سلمي دخلت خدت شاور وقعدت تصلي فروضها وبتلف وراها لقت خالد
سلمي بستغراب : ايه ده يا خالد انت دخلت امتي محستش بيك
خالد : عشان انتي مركزه ف الصلاه طبيعي مش هتحسي بيا
سلمي : اه سوري .. انا دماغي فصلانه اصلا .. وضحكت ماما عليها شويه مواقف تضحك .. شدينا مع بعض شويه قولتلها ماما نكمل خناق بكره قالتلي ماشي بكره بنكمل وبضحك ماما بجد فظيعه .. وبصتله بستغراب مالك يا ابني بتبصلي كده ليه !؟
لقيته حضنها
سلمي بضحك : ايه الحضن المفاجئ ده .. احم خالد انا بتكسف ع فكره
خالد بصلها بطرف عنيه
سلمي ضحكت : بهزر بهزر يا عم .. انت كويس .. ايه متخانق مع هاله
خالد : ماما كانت عايزاكي ف ايه !؟
سلمي : كانت بتحكيلي ع سوزان وافتكرت اللي شافته ف الكابوس وفجأه ايديها اترعشت
خالد : حط ايده ع ايدها .. اهدي
سلمي بستغراب : اهدي من ايه !
خالد : من اي حاجه يا سلمي .. ماتروحيش لسوزان
سلمي : لازم اروحلها يا خالد .. ولنفسها مش عارفه ليه قلقانه عليها وقلبي مش مطمني من ناحيتها
خالد بحده : متروحيش اظن انك انتي متحبيش انك تضري نفسك
سلمي بستغراب : اضر نفسي ازاي !؟
خالد : اسمعي الكلام وخلاص تصبحي ع خير
سلمي : يا حول الله هو ده اخرت خناق المرتبطين نكد .. طب وانا مالي ينكد عليا ليه انا كمان الله يخربيتك يا هاله تنكدي ع الواد وبعد كده هو يجي ينكد عليا انا اووف يعني بس هروح برضو
سلمي بدات تنام بس قبل متغمض عينيها بدات تعيد كلامها مع الشخص اللي لحد دلوقتي مش عارفه اسمه ولقت نفسها بتبتسم ابتسامه واسعه وحاسه اني قلبها فرحان بس مش عارفه من ايه .. ولنفسها ايه يا سلمي اللي انتي بتعمليه ده .. انتي واحده مخطوبه .. ده عيب وحرام .. ولا اخلاقك ولا دينك يخليكي تفكري ف راجل تاني ابدا .. اي نعم انتي مبتحبش اسلام بس محبش ابدا اني اجرحه بتفكيري ف راجل تاني استغفر الله العظيم ياررب استغفر الله العظيم
.................................................................
عز : الو يا اسلام قابلني ف الكافيه
اسلام : لحق سفيان قالك
عز : اخلص يا اسلام انا مستنيك
................................................................
ف احد الكافيهات ...
عز قاعد مستني اسلام
اسلام : خير يا عم قولي
عز : انت ناوي ع ايه .. من غير لف ودوران كده يا اسلام ..
اسلام : ولا اي حاجه ..
عز : ع اساس اني انا كده صدقتك .. انت ممكن تقول الجمله دي لسفيان وهيصدقك عادي .. لكن انا لا يا اسلام .. احنا دفنينه سوا ولا انت ناسي
اسلام : مافيش اي حاجه يا عز واهدي كده .. ولو فيه هاجي اقولك
عز : بص يا اسلام انا بتمني فعلا انك متكنش ناوي ع حاجه .. احنا مش عايزين نعصي ربنا تاني يا اسلام كفايه اوووي الخساير اللي خسرناها ولا انت ناسي .. انا خسرت كل حاجه بمتلكها .. محيلتيش غير شروق وانا مش هستحمل انها تتأذي فاهم .. بأي طريقه .. عشان انا عارف انك لو فكرت ف اي حاجه هتجرنا وراك بلاش يا اسلام افتكر ده وسابه ومشي
اسلام لنفسه : اسف يا صاحبي سامحني بس مش قادر
...............................................................
نبيله : سلمي ايه رايك متروحيش الشغل النهارده ..
سلمي : اشمعني يا ماما
نبيله : نروح عند عمتك جليله
سلمي : صح خالد مكنش موافق ع مرواحي هناك
نبيله بستغراب : غريبه هو سألني انتوا رايحين ولالا قولتله ايوه وهو هيجي معانا بس يخلص شغل
سلمي : يا حول الله .. ابنك مزاجي جدا ع فكره
نبيله : ع اساس انك مش زيه
سلمي بضحك : احم خلاص يا ماما ايه الفضايح دي
نبيله : ده عشان مترغيش كتير بس
سلمي بضحك : شكرا يا امومه
نبيله : العفو يا اختي يلا خشي البسي عشان نروحلهم
سلمي : حاضر يا ماما
...............................................................
نبيله طول الطريق بتوصيها ..
نبيله : سلمي حبيبتي .. حفظي ع لسانك هناك عشان انا عرفاكي .. مش كل مره تتخانقي معاها .. البنت تعبانه ماشي يا حببيبتي
سلمي : ماما للمره العشروميه بتقوليلي نفس الكلام.. حفظته خلاص مستعده اسمعهولك
نبيله : والله ماتربيتي .. وكويس ان اخوكي مجاش عشان نشوف البت مالها .. ممكن تكسف منه
سلمي : هو مجاش ليه صح !؟
نبيله : مانتي مش قاعده معانا ف البيت .. اخوكي عنده شغل من امبارح وهو نزل من بعد مع عمتك نزلت من عندنا
سلمي بستغراب : عنده شغل !؟ عنده شغل ايه يا ماما انا وهو كنا بنكلم امبارح بليل وكنا بنهزر اومال انا بقولك انه مكنش موافق ليه
نبيله : سلمي انتي بقالك فتره مش عجباني اول مره قولتيلي اني صحيتك ف الحمام ودلوقتي بتقوليلي ان خالد كنتوا بتهزرو امبارح .. انتي اعصابك تعبانه ولا ايه .. ركزي كده يا سلمي .. اخوكي من امبارح وهو ف الشغل يعني مكنش ف البيت اصلا يا سلمي مكنش ف البيت فاهمه
سلمي : حست ان دمغها لفت ولنفسها ازاي ده انا كنت بهزر معاه وحضني .. ايه ده بقا هو ف ايه بجد
نبيله : سلمي وصلنا يلا يا بنتي
................................................................
سلمي اول منزلوا قدام البيت قلبها انقبض ..
سلمي : اعوذ بالله .. قبضه القلب دي بقت بخاف منها وكل مايقربه من الشقه قلبها بينبض اكتر
بهمس متدخليش يا سلمي
سلمي بستغراب : بصت لنبيله .. مدخلش ايه يا ماما اومال جيباني ليه
نبيله : خشي يا مجنونه .. انا متكلمتش اصلا
سلمي لنفسها : ياررب بقا
جليله فتحت الباب
جليله : اهلا اهلا نورتوني .. اهلا يا نبيله اهلا يا دكتوره
سلمي : حبيبتي يا عمتو
جليله : هقوم اعملكوا حاجه تشربوها ..
نبيله : اومال فين سوزان يا جليله
جليله بحزن : نايمه
سلمي : باذن الله هتكون كويسه يا عمتو
جليله : ياررب يابنتي ياررب
نبيله : استني يا نبيله جايه معاكي
سلمي : جاين عشان تقومي وتسبيني يا ماما ياررب صبرني
بهمس سلمي ارجوكي متدخليش عندها ارجوكي ..بقت تتلفت حواليها هي اتخضت
سلمي بخوف: انت مين !
متخافيش مني اهم حاجه متدخليش .. بلاش يا سلمي
سلمي : بس بقا
نبيله : انتي بتكلمي مين هو مين اللي بس
سلمي : مافيش يا ماما .. مكنتش بكلم حد انا هدخل لسوزان اصحيها
نبيله : ماشي ادخليلها
سلمي بتحاول تتحرك من ع الارض مش عارفه كانها لزقت ف الارض
نبيله : ايه اللي موقفك
سلمي : مافيش هاخد حاجه بس من الشنطه وهدخلها
نبيله : ماشي يا بنتي انا هروح اساعد عمتك
سلمي : سبني اتحرك اي ان كان انت مين
لا مش هسيبك تتحركي اللي جوا ده اقوي منك افهمي ده
سلمي : انا بهلوس اكيد بهلوس .. قله النوم هي اللي عمله كده اكيد بقت تخبط ع وشها اصحي اصحي يا سلمي
للاسف انك حاليا مش نايمه ولازم تخرجي من هنا وحالا
سلمي كانت لسه هتكلم سمعت صوت غريب من وراها
سلمي : سوزان .. صحي النوم يا بنتي
سوزان : بقت تقرب منها .. وكانت هتملس ع وشها بس ايديها بقت ف الهوا كانها حد مسكها
سلمي : مالك يا سوزان .. انتي كويسه !
سوزان : بقت تضحك بصوت عالي لدرجه ان جليله ونبيله جم ع الصوت
سوزان بقت تضحك وصوتها كل شويه بيعلي وبصتلها وعنيها احمرت زي كاسات الدم
سوزان : مش هتقدر تحميها مني يا نوووووووووح

يتبع «««««««««««««