اسلام : وجيه الوقت اللي اخيرا اليوم اللي بتمني هيجي
رؤوف : انت متأكد انها هتوافق
اسلام ببتسامه خبيثه : عارف ان امها هتضغط عليها .. انا بس عايزها ف بيتي ومش عايز اي حاجه تاني
رؤوف : انت حبيتها فعلا ولا عايز ترضي غرور رجولتك
اسلام ضحك ضحكه عاليه: اكيد عشان ارضي غرور رجولتي .. احب مين بس .. انا مش بتاع حب .. مصلحه ثم مصلحه ثم برضو مصلحه تربيتك يا كبير
رؤوف ضحك ضحكه عاليه : تربيه قذره
___________________
سفيان : عز ارجع عن اللي انتو هتعملوا
عز : ماينفعش يا سفيان .. بيزلني بشروق .. مش هقدر اخسرها .. انا مش هقدر استحمل ده
سفيان : عارف يا عز .. بس تخسرها ولا تخسر دينك وايمانك بربنا
عز : سفيان اقسم بربي .. انا مؤمن بربنا بس انا خايف
سفيان : خايف .. خايف من عزازيل ومش خايف من ربنا وغير مين عزازيل ده
عز : ابليس
سفيان بصدمه : نعم .. انتوا وصل بيكوا لكده .. انا افتكرته جن زي ماقال نوح زمان
عز : ده انيل من كده يا سفيان .. ده مافيش حاجه اسمها رحمه فاهم
سفيان : عز احنا لازم نشوف حل عشان كده كتير وكده ماينفعش .. حرام اللي بيحصل ده حرام فاهم
عز : ع اساس اني مش عارف .. انا ربنا غضبان عليا يا سفيان غضبان والله اعلم هيحصلي ايه؟
سفيان : ابليس! دي فكرت مين
عز : د.محمد ود.رؤوف .. انت ناسي انهم حضروا ولما معرفوش يصرفوا قلب علينا وساعتها حصل اللي حصل واتفقوا مع عزازيل ع حاجه عشان يوقف الدمار الشامل اللي كان بيحصلنا بس انا مش عارف الاتفاق بس نوح كان عرفه
سفيان : نوح دايما كان صح .. اني ف حاجات قذره كانت بتحصل .. الكارثه اني انتوا دلوقتي عارفين وبرغم ده مكملين .. انت فاكر احنا اشتركنا فكام روح مالهاش ذنب تموت .. وللاسف اني احنا مكناش متخيلين انها بتتقدم كقرابين لكن دلوقتي انتوا عارفين كانت بتتقدم لمين .. ل ابليس او عزازيل زي مابتقوله .. المرادي هيكون دمار علينا
عز : نوح كان صح .. وكان ايه نهايته .. مات يا سفيان .. مات واسمه بيحاوطنا برغم اني عدا سنين ع موته
سفيان : انا نفسي اعرف علاقته بسلمي كانت ايه .. عشان حرفيا علاقتهم كانت غريبه .. ده بسبب اللي حصل خلها فقدت الذاكره .. انا مش قادر انسي الحريقه مش قادر حاسس كانها بتحصل قدامي دلوقتي
عز : ومين هينساها يا سفيان .. نوح كان احسن حد فينا .. حد برئ وفيه نقاء .. انت عارف اني اسلوب سلمي معانا دايما بيفكرني بيه .. دايما شيلنا وشايله المستشفي وهو كان كده دايما
* فلاش باك من ٥ سنين *
نوح : عز انت كنت عارف بقذاره د.رؤوف و د.محمد
عز : قذاره ايه انا مش فاهم حاجه
سفيان : ف ايه يا نوح صوتك عالي
نوح : ف اني فيه جلسات كهربا بتحصل وبعد كده بيقتلوا المريض وبيتقدم كقربان والاستاذ اسلام عارف ده
اسلام دخل ببرود
اسلام : ف ايه يا نوح .. كل حاجه بفلوسها يا حبيبي .. لولا القذاره اللي بتقول عليها دي المستشفي مكنتش عمرها ماكانت هتكون شغاله ابدا
نوح : لا والله .. شغاله بقتل المرضي .. ودفنهم وانه كمان تاخده منهم اعضاء وتدوها للدجالين عشان يعمله عليهم سحر اسود .. لاذيه الناس .. انتوا استحاله تبقوا بني ادمين
عز وسفيان بصدمه : اسلام انت كنت عارف
اسلام : ايوه كنت عارف .. وكده كده هو مش هيعملنا حاجه طول مااحنا ماشين صح
نوح : والله .. الشيطان مش هيعملكوا حاجه .. ده انت عنيك مرعوبه .. بس انت يا اسلام خايف من شيطان ولا خايف من ربنا .. ربنا اللي دايما جمبنا وبيسندنا ف الحلو والمر
اسلام : انت عايز ايه .. ربنا ! ربنا دايما بياخد مني كل حاجه .. لكن عزازيل هيديني كل حاجه
نوح بصدمه : ايه اللي انت بتقوله ده استغفر الله العظيم .. ربنا لو عايز يديك كل حاجه هيديهالك .. بس ف حاجات بتكون هتأذينا .. ربنا دايما بيبعد عننا الاذي .. عشان ربنا كريم علينا .. فانت تروح تشرك بيه
اسلام : بقولك ايه يا عم الشيخ نوح ابعد عني .. بس اعملوا حسابكوا اللي هيتراجع هيكون نهايته بشعه وسابهم واول مافتح الباب لقي سلمي ف وشه كلهم فضلوا ف حاله صدمه من وجودها
اسلام ونوح : سلمي
سلمي بصدمه : ايه اللي انا سمعته ده .. هو ايه اللي بيحصل .. وبصت ل اسلام انت ازاي بالقرف ده وبابا ازاي ودخلت ف نوبه عياط هيستيري
اسلام : سلمي اهدي عشان خاطري
سلمي : انت تخرس خالص .. انت مقرف يا اسلام
سفيان : امشي يا اسلام اخلص
نوح : سلمي كل حاجه هتتحل
سلمي بعياط : هتتحل ! تتحل ازاي وابويا بيشرك بربنا ومتعاون مع شيطان .. هتتحل ازاي وهما معندهمش ايمان بالله اصلا قولي هتتحل ازاي وبزعيق رد عليا يا نوح
*باك*
سفيان : ايه يا عز سرحت ف ايه
عز : افتكرت اليوم اللي سلمي عرفت فيه .. ياعيني كانت بتعيط بطريقه هيستريه .. تصدق اني فعلا خايف يرجعلها الذاكره دي تبقي كارثه ..
سفيان : كنت بكلم ف الموضوع ده انا وهاله .. بس بجد انا خايف عليها وبتمني انها مترجعلهاش عشان بجد هي هتتعب وهتتعب اوووي كمان
_________________
سلمي روحت البيت ...
نبيله : سلمي استني عايزه اكلمك ف حاجه
سلمي : بعدين يا ماما مش قادره عايزه انام بعدين والنبي
واول مدخلت اوضتها .. بدات تحس بسخنيه غريبه بس اشد عن كل مره ولقت نفسها بتغمض وفتحتها فجأه لقت نفسها ف نفس البدروم .. وشافت حاجه غريبه كانها بتفرج ع شاشه سينما
ايوه هي واقفه مع نوح وبتكلم معاه .. بس شكلها اصغر من دلوقتي هي شايفه ف كلام بس الصوت مش واضح .. فبدات تقرب ..
نوح : سلمي ابعدي عن هنا .. محدش يقدر يأذيني .. انا مؤمن بربنا .. ربنا دايما جمبي ومش هيسبني
سلمي بعياط : بس الموت هياخدك مني يا نوح ..
نوح : سلمي .. اللي ربنا كتبه هنشوفه
وبهمس فوقي يا سلمي
سلمي : مش مستوعبه اللي بيحصل .. انا ازاي شايفاهم .. ازاي مش شايفني انا مش فاهمه حاجه
بهمس فوقي ارجوكي فوقي والنار ولعت ف المكان
واخر حاجه شافتها صرختها بأسم نوح ..
نبيله : اصحي ياسلمي انتي كمان نايمه بهدومك لحد الصبح
سلمي اتنفضت : نوووووووح
نبيله : نوح؟
سلمي : مسكت دماغها انا مبقتش فاهمه حاجه ... وقعدت ف الارض وبصت ل نبيله انا تعبانه يا ماما تعبانه .. تعبانه من الكوابيس تعبانه من الاصوات اللي بسمعها تعبانه من الناس اللي شكلها يخوف اللي بيظهرولي .. انا خايفه خايفه اووي يا ماما
جليله : انتي بتشوفي ايه يا سلمي
سلمي : بشوف ناس تخوف .. واخرهم شوفت سوزان شوفتها النهارده ف ارشيف المستشفي .. شوفتها والله يا عمتو شوفتها كان شكلها يرعب مش يخوف بس
جليله بصدمه : سوزان!
سلمي : بقت تعيط ف حضن جليله .. انا تعبانه والله تعبانه
جليله : اهدي يا حبيبتي اهدي .. اطلعي برا دلوقتي يا نبيله
نبيله بصت بصه وحشه لجليله وخرجت
جليله : قوليلي بقا يا ست البنات ايه اللي بيحصلك
سلمي حكتلها من اول الهمس اللي كانت بتسمعه لحد ماهي قاعدها معاها دلوقتي وجليله كانت ف حاله من الصدمه بس حاولت مايبنش عليها
سلمي : هو ده اللي حصل يا عمتو .. مرام دي تحسي انها فاهمه وعارفه اللي بيحصل .. كان ف حاجه حصلت وعايزاني اكتشفها بنفسي بس والله انا مش عارفه ومعرفش ايه علاقه نوح بيا
جليله : سلمي اهدي يا حبيبتي اهدي
سلمي : عمتو قصدك ايه لما قولتيلي اني ملعونه
جليله : مش انتي واثقه فيا
سلمي : طبعا يا عمتو
جليله : يبقا استني لحد مايجي الوقت المناسب اللي اقدر احكيلك فيه ماشي يا حبيبتي
سلمي : حاضر يا عمتو
جليله : يلا غيري هدومك ونامي
________________
نبيله رايحه جايه ف الصاله نفسها تعرف سلمي بتقول ايه وجليله بتقول ايه واول ماشافت جليله جريت عليها
نبيله : ها يا جليله قولتلها
جليله : انتي معندكيش دم ليه .. انتي شايفه حالتها تسمح .. الله يخربيتك يا نبيله .. مش هتتغيري ابدا .. فعلا الطيور ع اشكالها تقع قذره ومقرفه زي محمد .. سبحان الله ان ربنا رزقكوا بخالد وسلمي يتحطوا ع الجرح يبرد لكن انتوا يتحط ع الجرح يولع اشوف فيكوا يوم
نبيله : اخلصي يا جليله مش وقت كلامك ده .. هي قالتلك ايه ..
جليله : سلمي ع وشك ان ذاكرتها ترجع .. نوح بيظهرلها ..
نبيله بصدمه : نعم
جليله : سلمي بتشوف كل الارواح الغضبانه ..
نبيله : كارثه لو سلمي شافت البدروم .. كل الارواح الغضبانه دي هتدخل جواها
جليله بصدمه : ايه اللي انتي بتقوليه ده ازاي
نبيله : ده الاتفاق اللي اتفقوا عليه محمد ورؤوف مع عزازيل كان الاتفاق ع سوزان وسلمي وشروق هاله ووقع اختيار عزازيل ع سلمي
جليله بصدمه : يعني سلمي هتكون بوابه لجحيم عزازيل
يتبع «««««««
أنت تقرأ
نوح (مكتمله) بقلمي آلاء محمود
Horrorبقلمي الاء محمود 💜 كيف لروح تسعي للأنتقام يكون داخلها الخير والشر .. كيف اذا تدخل الأمر لتحرير ارواح بريئة من ايدي شيطاناً او بالأحرى شيطاناً يجري ف دمائنا دائماً يجعلنا نعصي ويقوم بإيقاعنا في شر اعمالنا .. وفي النهاية يخبرنا بأنه يحب الله ويطيعه...
