نوح (مكتمله) بقلمي آلاء محمود

الفصل ال 11

د.رؤوف : انا اسف صدقني انا بحاول ع قد مقدر .. اني اخلص اللي بيحصل
بهمس بصوت خشن مخيف رؤوف انت اتعاونت معانا وانت عارف اللي بيتعاون معانا بيكون نهايته ايه لو حد خلف وعده معانا
رؤوف بخوف : انا عمري ماهخلف وعدي  معاك ابدا صدقني
بهمس بصوت خشن مخيف مستني مستني يا رؤوف ... واحنا متابعين كل حاجه ماشي يا رؤوف
رؤوف بخوف : ح . ح. حاضر
_
اسلام قاعد ف بيته .. وبيبص ع صوره سلمي
ليه بتعملي فيا كده .. انا حبيتك انتي حلم بنسبالي واما صدقت اني انتي بقيتي معايا بس مش لقيكي ملكي ..وب شر انا هخليكي ملكي .. هتشوفي يا سلمي انتي بتاعتي وبس بتاعتي وبس .. مش هخليكي لحد .. حتي لو وصلت بيا اني  انا اللي هسلمك بنفسي ليهم لو لقيتك هتبعدي ... انتي بتاعتي بتاعتي وبس
..
سفيان : وحشيتني اووي يا عز
عز : الله يرحمها يا سفيان
سفيان بدمعه هربت من عنيه : كانت حامل
عز بصدمه : بجد !
سفيان : شوفت صاحبتها من فتره وقالتلي .. قالتلي انها كانت فرحانه اوووي ومستنياني عشان تقولي .. وبص لعز .. ملحقتش تقولي يا عز ملحقتش .. وبهيستريا  خدها مني بسبب قذرتي هي اللي دفعت التمن انا واثق انها مش مسمحاني يا عز مش مسمحاني ..
عز : اهدي يا عز اهدي
سفيان بضعف : كل يوم بحلم بيها بشوفها غضبانه .. غضبانه وعنيها بتعاتبني .. ومبترضاش تقرب مني يا عز
_
نبيله : خالد
خالد : نعم يا ماما
نبيله : هتروح امتي تتقدم ل هاله
خالد : لسه يا ماما لما يعدي فتره ع موت سوزان
نبيله : انت ملكش دعوه يا خالد بسوزان نهائي اتفق مع هاله وهنروح نتقدملها
خالد : ماما لا .. دي هتكون قله ذوق .. ماينفعش نعمل كده ابدا ماينفعش
نبيله : كلم اهل هاله انا مش هعيد كلامي تاني وسابته ومشيت
خالد : يا حول الله ياررب انا هتشل انا هروح اشوف سلمي
..
سلمي كانت نايمه .. وبتتقلب وجايه تفتح عينيها لقت نفسها كانها ع سرير مستشفي
سلمي : ايه ده انا فين !؟ انا ايه اللي جبني المستشفي قعدت تبص حواليها .. وبصدمه  دي مش مستشفي دي مشرحه  لقت سراير كتير وعليها ناس وبدات تقرب وبصدمه بابا لقت عينيه زي الست اللي شافتها عينيه مش موجوده وبدات تقرب وعنيها بدات تدمع بابا حبيبي .. وفجأه قام ف اللحظه دي قلبها كان هيقف من الخضه وكل اللي ع السراير التانين قاموا وبقوا يجمعوا حواليها وهي ف النص
بهمس لازم تفوقي من النوم يا سلمي فوقي
خالد : فوقي يا سلمي
سلمي اتنفضت : بقت تبص حواليها بخوف..
خالد بستغراب : يا حول الله انتي ف حد كان بيجري وراكي ايه كميه العرق دي .. مالك يا حبيبتي
سلمي : بقت تهز راسها بخوف بمعني مافيش .. انا كويسه مافيش حاجه انا كويسه هي الساعه كام
خالد : 8
سلمي : يالهوووي يا خالد ازاي تسبوني نايمه لحد دلوقتي .. انا عندي شغل
خالد : اهدي اهدي .. بلاش صربعه ياسلمي ..
سلمي : لو كنت جايلي عشان حاجه خليها بعدين ماشي
خالد بتفهم : ماشي يا حبيبتي
سلمي لنفسها : برغم اني لولا انك صحتني معرفش كان ايه اللي كان ممكن يحصلي الحمدلله ...  اعوذ بالله من الشيطان الرجيم من اللي انا شوفته
_
د.رؤوف :شروق انا عايزك ف حاجه مهمه ..
شروق : اتفضل يادكتور
د. رؤوف : بدا يحكيلها ع كل حاجه ناوي عليها الفتره الجايه
شروق بأنفعال : لا طبعا ده حرام دي معصيه لربنا .. انا استحاله اعمل كده .. ازاي يا دكتور يحصل منك انت كده
د.رؤوف بهدوء : اهدي كده يا شروق خدي اشربي ده واهدي
شروق : بدات تهدا ودي حاجه غريبه
د.رؤوف بخبث : ها يا شروق .. ايه رايك ف اللي قولتهولك موافقه تساعديني
شروق ببتسامه : طبعا يا دكتور
..
ف المستشفي ...
هاله : مالك يا سلمي ف ايه
سلمي : اول مره اتأخر يا بنتي
هاله : متقلقيش الحالات اللي كنتي هتلفي عليها انا لفتلك عليها
سلمي : حبيبتي يا هاله ماتحرمش منك والله ... وغير انتي برضوا لازم ترضيني عشان اللي هكون حماتك مش نبيله وضحكت جامد
هاله : يابنت اللذينه يا سوسه .. الواحد يعمل الخير ويرميه البحر .. بس مايعملش معاكي انتي خير وطلعتلها لسانها
سلمي بضحك : ماخلاص يا ست كل ده عشان لفتيلي ع كام حاله هتذليني .. ده انا ياما شيلتك انتي وشروق ولا ناسيه يا هانم
هاله : احم احم .. خلاص يا صاحبي مش اسلوب ده
سلمي بضحك : ايوه كده اتعدلي
هاله : المهم قبل مانسي  روحي شوفي الحاله الجديده وشخصيها
سلمي : حاله جديده تاني
هاله : لالا دي حاله عاديه .. بس د.رؤوف قالنا نقولك عليها عشان تشخصيها وبعد كده احنا نستلمها
سلمي : يا مسهل حاضر هو فين سفيان !؟
سفيان : انا اهو مستنيكي بره ع فكره يلا نخشلها
سلمي : يلا ياعم

_
اوضه ريناد ...
سلمي : اهلا بيكي
ريناد : مردتش
سلمي : انا دكتوره سلمي .. وهو دكتور سفيان  ممكن اخد من وقتك شويه
ريناد : هزت راسها بمعني  اه وبعد كده بصت ع سفيان بمعني انها مش عايزاه موجود
سلمي : تمام سبني معاها شويه يا سفيان
سفيان بهمس : هو انا بشع لدرجادي بيخافوا مني
سلمي ضحكت : وبهمس اطلع برا يا زفت
سفيان : خلاص خارج اهو
سلمي : اهو خرجتهولك يا ستي .. يلا ندردش مع بعض بقا شويه .. اسمك ايه !؟ وعندك كام سنه !؟
ريناد بقلق  : اسمي ريناد و عندي 22 سنه
سلمي بطمانينه : اسمك جميل متبقيش قلقانه كده  .. صغنونه يا ريناد بس انتي قموره تعرفي ده
ريناد : لا انا مش حلوه .. كل الناس بتقولي اني وحشه وصحابي كانوا ف المدرسه كانوا بيقولولي اني وحشه حتي لما دخلت الجامعه برضوا شايفني وحشه وفاشله ومانفعش نهائي .. انتي اكيد بتضحكي عليا انا حاولت انتحر بس فشلت .. فشلت كتير
سلمي : بصت  ع ايديها لحظت اني فيها جروح .. عامله زي جرح الامواس .. ريناد انتي جميله جدا صدقيني .. وغير انتي ملفك بيقول انك جايبه مجاميع حلوه اوووي ايام المدرسه وف الجامعه تقديراتك كلها امتياز
ريناد انا فاشله ووحشه .. انا فاشله ووحشه
سلمي : انا همشي دلوقتي واكيد هنقعد تاني مع بعض
_
سفيان : ها يا عصب المستشفي تشخيصها ايه !؟
سلمي : اتلم بقا ..
سفيان : خلاص يا صاحبي
سلمي : ماشي يا عم .. بص هي عندها كراهيه الذات والسلوك الهدام
سفيان : عشان كده اذيه نفسها
سلمي : بظبط .. بص بقا احنا هنتعامل معاها كالاتي .. هنبدا نخليها تخلي بالها من نفسها ونبدا نتعاطف معاها .. ونخليها تتجرأ انها تتكلم  مع اشخاص جديده .. والادويه والكلام معاها دايما هيساعدنا كتير ع اني احنا نتخلص من كراهيه الذات والسلوك الهدام   اهم حاجه يا سفيان تحس بالامان
( كراهيه الذات والسلوك الهدام : بتظهر
عن الدوامه السلبيه اللي بيتعرضلها المريض من عدم تقدير ذاته ذي مثلا يكون اتعرض لحادثه ف فتره طفولته  او ف اي مرحله من حياته خليته يحس انه اقل قيمه عن اي حد وانه يحس ان هو فيه حاجه غلط وانه مايستحقش الحب ابدا وممكن برضو كراهيه الذات تكون من اعراض الاكتئاب واضطرابات شخصيه غير مستقره ... وان كراهيه الذات بتكون كانه شخص داخله بيتنمر عليه دايما وبينتقده
وبيصدر احكام عليه زي انه فاشل او مقرف  او تخين  او شرير او عنده اي عيب خلقي  وبيقنعه هذا التنمر الداخلي بان كل اللي حواليه بيشوفه بالطريقه البشعه دي وده بيحسسه بالقلق وانه من الصعب حد يتحمله نهائي ولا جسديا ولا شخصيا
سلمي : مفهوم يا سفيان
سفيان : مفهوم يا عصب المستشفي
سلمي ضحكت : انا عارف انك مش هتبطلها ابدا
سفيان بضحك : ابدا ابدا
_
د. رؤوف : شروق بقت معانا خلاص
اسلام بصدمه : نعم كل ده عشان تقرب عز لينا تاني
د.رؤوف : هيخاف عليها فده كان السبب اللي هيخليه يرجع عشان يحميها  وب شر عقبال ماافكر ف سفيان هجيبه ازاي بقا ..
..
سلمي دخلت مكتبها وفجأه بدات تحس بأرهاق وسخنيه غريبه حواليها وراسها بقت تنزل ع المكتب براحه من تعب غريب بقا ف جسمها .. وفجأه لقت نفسها ف البدروم تاني برضو
بس المرادي البدروم مش ضلمه البدروم منور كانه جديد ولقت طفل والطفل بدا يزحف عليها  كانت هتوطي تاخده ... وفجأه الطفل بقا شخص كبير وملحقتش تشوف ملامح والنور ضلم تاني .. فضلت وقفه مصدومه وفاقت 
ع عياط طفل ف عربيه اطفال .. واول مابدات تقرب لقت بوقه بينزل حاجه خضره لزجه .. وبصرخه هكون جواكي وف دبان طلع من بوقه ف وشها ..

يتبع «««««««««««««««