نوح (مكتمله) بقلمي آلاء محمود

الفصل ال 16

سفيان بزعيق : اسلام كان عايز يقوله ع هاله !
عز : ممكن تهدا بس انا لميت الموضوع والله يا سفيان
سفيان : مش هيتغير اناني وقذر وقتال قتله لو حصل حاجه لهاله وديني لقتله وع الاقل هريح الدنيا من شره
_________________

ف بيت جليله ...
جليله : نبيله ! ادخلي
نبيله : انا جيالك عشان اقولك اني هتمم جوازه سلمي ع اسلام
جليله بصدمه : نعم .. هو انتي يا وليه  معندكيش دم .. ده دم ابنك لسه مبردش .. وغير خالد توام سلمي يعني استحاله توافق ع حاجه متخلفه زي دي .. وغير انا اسلام ده مبطقهوش
نبيله : اسلام شخص محترم وبيحب سلمي وهيحافظ عليها
جليله : وسلمي .. انا دايما بحس ان سلمي مجبره عليه .. سلمي مابتحبوش يا نبيله بلاش تجبري البنت حرام عليكي
جليله : انا مش مقتعه باللي بتقوليه ده بس السؤال هنا اوعي تكوني جيالي عشان اقنعها
نبيله : احلي حاجه انك فهماني يا جليله
جليله : هتخليني اقنعها بحاجه انا مش مقتنعه بيها اصلا
نبيله : جليله .. سلمي بتحبك عشان انتي اخت محمد فغلوتك عندها غير اي حد
جليله : انا مش هستغل ده فيها ابدا ماشي .. ابدا ابدا
___________________
ف المستشفي ...
شروق : فكرك هتلاقي
هاله : ياريت والله عشان نخلص
دخل سفيان وعز واسلام
اسلام : ام محمد قالت ان سلمي جت هي فين !؟
هاله : ف الارشيف
سفيان : ارشيف ! ليه ؟
شروق : بدرو ع الحاله اللي بتشبه مرام
اسلام وعز وسفيان بصوا لبعض وطلعوا يجروا
شروق : استنوا في ايه .. يا ابني انت وهو
هاله : هو ف ايه ؟
شروق : مش عارفه انا خوفت بجد .. نظره القلق كانت غريبه
_______________________

الارشيف ...
سلمي : ازيك يا صفاء عامله ايه !؟
صفاء : دكتور سلمي حبيبتي .. حمدلله ع سلامتك والبقاء لله هو دلوقتي ف مكان احسن كتير ربنا يصبركوا يارب
سلمي : تسلميلي يا حبيبتي
صفاء : حضرتك بدوري ع حاله معينه
سلمي : ايوه بس  انا عايزه  ادور بنفسي يا صفاء
صفاء : الارشيف تحت امرك
سلمي دخلت بدات تتجول وسط رفوف الملفات وبدور لحد ماوقعت عنيها ع ملف واستغربته جدا واول مافتحته فضلت متنحه دكتور نوح وميت ازاي .. ازاي دكتور وازاي ميت من ٥ سنين وانا بشوفه ازاي
وسمعت صوت من وراها وبتلف لقت سوزان وبصريخ اطلعي من هنا يا سلمممممممممممي .. وبقا بوقها بينزل دم اسود غريب لدرجه وهي بتكلم الدم نطر ف وشها
اسلام وعز وسفيان وقفوا وفضلوا مصدومين من شكل سلمي
اسلام : سلمي مالك بتبصي ع ايه وايه اللي ع وشك ده
سلمي بتلعثم : سو .. سو .. سوزان واغمي عليها
سفيان : استر ياررب
_______________________
ف مكتب اسلام ..
اسلام : شالها وطلعها مكتبه وبقا يفوقها لحد مافاقت .. سلمي انتي كويسه دلوقتي
سلمي : بتحاول تستوعب ايه اللي حصل ..
سفيان : ايه اللي حصل يا سلمي ؟
سلمي : اللي حصل اني عايزه امشي مش قادره انا تعبانه وعايزه اروح بيتنا وقبل ماتمشي وبصتلهم مين نوح الدميري  وازاي دكتور وانا اصلا مسمعتش عنه قبل كده
اسلام وعز وسفيان فى صدمه : نوح !
اسلام : انتي عرفتي عنه امتي
سلمي : انا اللي بسأل دلوقتي .. يبقا مايتردش عليا بسؤال .. يترد بالاجابه ع طول
اسلام : سلمي انتي مش ملاحظه ان صوتك بيعلي
سلمي : ماعلينا ف اللي انت بتقوله اصل احنا مش هنسيب السمكه ونمسك ف الديل  .. بس ورحمه اخويا .. لو اكتشفت اني حد فيكوا انتوا التلاته يعرف حاجه .. وبتحذير .. هيشوف مني وش اقسم بربي ماهيتمني يشوفه حتي ف احلامه وسابتهم ف حاله صدمه من طريقتها واسلوبها
عز : اللي خايفين منه بيحصل
اسلام : بص لسفيان عارف لو عقلك وزك انك تروح تقولها نهايتك هتكون ع ايد عزازيل فاهم
سفيان ابتسم : هو انا المرفوض اخاف .. بص يمكن انتوا تخافوا عشان مافيش ايمان اصلا وانكوا معدومين الايمان بالله اساسا .. وحقيقي انا كل يوم بدعيلكوا بالهدايا .. عشان انتوا بجد بقيتوا مقرفين اوووي
اسلام : ماعلينا من اللي انت قولته .. اظن اني حذرتك
_________________
سلمي مشيت وهي  ف حاله  مش طايقه نفسها اصلا ... بس الوحيده اللي جت ف دماغها هي مرام
_________________
ف اوضه مرام ...
سلمي : معرفش ليه بتيجي ع بالي وقت مابكون مخنوقه
مرام : قصدك جيالي عشان تعرفي مين نوح او نقول المعني الصح دكتور نوح
سلمي : كويس  انك عارفه .. انا جايه ليه
مرام : كويس بداتي اول المشوار .. بس السؤال هنا بنسبه انك بتشوفيه
سلمي : انا عايزه اعرف ازاي بشوفه وهو ميت
مرام : عادي .. الارواح وسطنا دايما .. او نقول المفهوم اللي بيقوله  الناس  العفاريت .. هما دايما حوالينا
سلمي : انتي بتسرحي بيا عفاريت ايه اللي موجوده !
مرام : يا دكتور سلمي العفاريت زينا بظبط بتحب وتعشق وتكره وتنتقم وفي منها الخير والشر وموجوده حوالينا بس يا تري بقا نوح خير ولا شر
سلمي بأندفاع : خير طبعا
مرام ضحكت ضحكه عاليه : ايه يا دكتور وقعتي ف حب واحد مش موجود اصلا
سلمي : ايه الزفت اللي بتقولي عليه
مرام : بقول اللي شايفاه .. والله هو اكيد لو عايش كان فضل معاكي
سلمي : قصدك ايه !؟
مرام : ع فكره يا دكتور انتي عارفاه  ارجعي بالزمن لورا كده شويه وشوفي شوفتيه فين .. معلش يا دكتور بقا كفايه عليكي كده .. انا عايزه انام
سلمي : مرام
مرام : عايزه ارتاح يا دكتوره وخدي الباب وراكي
سلمي : نفسي اعرف مين اللي المفروض يتحكم ف مين .. انا هنا بنسي اني دكتور اصلا ...
_______________
عز : مش هتعرف حاجه
اسلام : اومال جابت اسم نوح  منين
عز : يمكن عشان خاطر سوزان الله يرحمها جابت سيرته
اسلام : قصدك الله يكحمها يرحمها ايه بس
عز : حرام عليك يا اسلام .. الميت مايجوزش عليه غير  الرحمه
اسلام : هو انت نااسي احنا بسببها احنا كنا بنتعرض ل ايه !؟
عز : مش ناسي
اسلام : ولا انها كانت عايزه تروح تقول ل سلمي .. حقيقي انابكرها هي وامها .. اللي عارفه كل حاجه
عز : بتكره سوزان ! .. دي سوزان كانت بتتمنالك الرضا ترضا .. متنساش اني بسببك هي بتكرهه سلمي
اسلام : انت طيب اووي يا عز .. سوزان زي ابوها وخالها د.محمد .. مبيحبوش حد .. هي دايما بتحقد ع سلمي .. دايما هي شايفاها احسن منها واحلي منها
عز : ع اساس اني انت مش زيهم
اسلام : ايه يا عز لا تعايرني ولا عايرك يا صاحبي
عز : صاحبي !ع فكره الكلمه دي بقت سخيفه اوووي وبقت بحسها مبتذله ومبتذله اوووي كمان
اسلام : شكرا يا عم مش هرد عليك ..
__________________

سفيان : هاله
هاله : سفيان ازيك .. اوعي تقولي اني ف حاجه ف مرام
سفيان : لاربنا هديها الفتره دي .. وغير سبحان الله عصب المستشفي الوحيده اللي بتعرف تتعامل معاها
هاله : بصراحه سلمي دايما شايلنا وشايله المستشفي وغير كل حاجه جتلها ورا بعض .. ده كويس ان فقدان الذاكره الجزئي ده مش مخليها فكره د.محمد مات ازاي .. كانت مش بعيد رجعت للغيبوبه تاني
سفيان : فعلا والله انا عمري ماهنسي السنتين ياعيني اللي فضلتهم ف الغيبوبه .. بس فكرك ممكن ترجعلها
٠هاله : اكيد مصيرها ترجعلها
سفيان لنفسه : ربنا يستر ومترجعلكيش يا سلمي عشان هتكون كارثه .. ساعتها انتي مش هتقبلي تعيشي ابدا بالاحساس بالذنب ربنا يسترها معاكي وعليكي
___________________

سلمي روحت البيت ...
نبيله : سلمي استني عايزه اكلمك ف حاجه
سلمي : بعدين يا ماما مش قادره عايزه انام بعدين والنبي
واول مدخلت اوضتها .. بدات تحس بسخنيه غريبه بس اشد عن كل مره  ولقت نفسها بتغمض وفتحتها فجأه لقت نفسها ف نفس  البدروم .. وشافت حاجه  غريبه كانها بتفرج ع شاشه سينما
ايوه هي واقفه مع نوح وبتكلم معاه .. بس شكلها اصغر من دلوقتي هي شايفه ف كلام بس الصوت مش واضح .. فبدات تقرب ..
نوح : سلمي ابعدي عن هنا .. محدش يقدر يأذيني .. انا مؤمن بربنا .. ربنا دايما جمبي ومش هيسبني
سلمي بعياط : بس الموت هياخدك مني يا نوح ..
نوح : سلمي .. اللي ربنا كتبه هنشوفه
وبهمس فوقي يا سلمي
سلمي : مش مستوعبه اللي بيحصل .. انا ازاي شايفاهم .. ازاي مش شايفني انا مش فاهمه حاجه
بهمس فوقي ارجوكي فوقي والنار ولعت ف المكان
واخر حاجه شافتها صرختها بأسم نوح .. 

يتبع «««««««