نبيله رايحه جايه ف الصاله نفسها تعرف سلمي بتقول ايه وجليله بتقول ايه واول ماشافت جليله جريت عليها
نبيله : ها يا جليله قولتلها
جليله : انتي معندكيش دم ليه .. انتي شايفه حالتها تسمح .. الله يخربيتك يا نبيله .. مش هتتغيري ابدا .. فعلا الطيور ع اشكالها تقع قذره ومقرفه زي محمد .. سبحان الله ان ربنا رزقكوا بخالد وسلمي يتحطوا ع الجرح يبرد لكن انتوا يتحط ع الجرح يولع اشوف فيكوا يوم
نبيله : اخلصي يا جليله مش وقت كلامك ده .. هي قالتلك ايه ..
جليله : سلمي ع وشك ان ذاكرتها ترجع .. نوح بيظهرلها ..
نبيله بصدمه : نعم
جليله : سلمي بتشوف كل الارواح الغضبانه ..
نبيله : كارثه لو سلمي شافت البدروم .. كل الارواح الغضبانه دي هتدخل جواها
جليله بصدمه : ايه اللي انتي بتقوليه ده ازاي
نبيله : ده الاتفاق اللي اتفقوا عليه محمد ورؤوف مع عزازيل كان الاتفاق ع سوزان وسلمي وشروق هاله ووقع اختيار عزازيل ع سلمي
جليله بصدمه : يعني سلمي هتكون بوابه لجحيم عزازيل
فلاش باك ..
*من ٥ سنين *
د.رؤوف : احنا نحضر عزازيل ونشوف هيحصل ايه
د.محمد : انت اتجننت يا رؤوف لا طبعا .. عزازيل شيطان مش مجرد جن صغير سهل نصرفه ونخلص منه
د.رؤوف : انت خايف ولا ايه يا محمد
د.محمد : اه خايف .. خايف لو حصل حاجه هنتعك فيها كلنا وانت عارف ان المشي ورا الشيطان اخرته وحشه
د.رؤوف : نجرب يا محمد .. احنا عايزين المستشفي تتشهر وغير يلا انا جايب حاجه التحضير
د.محمد: ده انت مخطتط بقا
د.رؤوف : طبعا يا صاحبي .. يلا بقا ع البدروم ... تحضيره بيطتلب ٦ جثث وموجودين ٥ من المرضي .. وامن المستشفي كان تعبان امبارح وخليتهم يبلغوا عيلته انه مات ف حريقه ومتفحم وبعت لعيلته واحد متفحم كده عشان محدش يشك ب كده يبقا معانا ٦ جثث
د.محمد : ده انت الشيطان يتعلم منك يا رؤوف
د.رؤوف : لا ربنا يجعل كلامنا خفيف عليه
د.محمد : بعد ده كله وبتقول ربنا
د.رؤوف : هو انا ليه حسك بتفكر تبقا شيخ
د.محمد : ولا شيخ ولا حاجه اتفضل اخلص
بداوا عمليه التحضير وتمت
د.محمد : هي مش كده المفروض تمت
د.رؤوف : المفروض .. استني يا محمد.. لو انت موجود يا عزازيل حرك اي حاجه
السراير بدات تتهز بطريقه تخوف .. وبدا صوت همس يطلع بصوت خشن يهز الابدان
عزازيل : ماذا تريدون
د.رؤوف بقلق : احم .. عايزينك تساعدنا
عزازيل : ف قتل مرضاكم .. ام ف عمل تقديم قرابين
درؤوف : كل حاجه
عزازيل : انتم كسرتم الاتفاق مع ابن ملك الجان .. فبأي شيء اضمن اخلصكم
د.رؤوف : اي حاجه عايزها هتتتفذ
د.محمد بهمس: لا مش اي حاجه طبعا يا رؤوف انت اتجننت
د.رؤوف : اسكت بس
عزازيل : اذن اريد مرساة لبوبه الجحيم وتكون فتاة
د.رؤوف : اسف مش فاهم يعني مرساة
عزازيل : مرساة : ان تكون هذا الفتاة عابر للموتي .. اي تقديم القرابين الذي تفعلونها ستعبر من خلالها لجحيمي
د.محمد : يعني عايز تفهمنا ان البنت اللي انت هتختارها .. اي جثه هتموت روحها هتُعبرلك من جواها
عزازيل : نعم .. هذا هو مقصدي
د.رؤوف : والبنت دي نجبها منين
عزازيل : يوجد هنا فتاة .. فتاة خمريه اللون وشعرها اسود فحمي
رؤوف ومحمد بصوا لبعض بستغراب : كلهم كده
عزازيل : لا ليس جميعم هكذا
د.محمد : فيه هاله وفيه شروق وسكت
د.رؤوف : وفيه سلمي
د.محمد : بص لرؤوف بصه حارقه
عزازيل : نعم هذه الفتاة الذي اقصدها
د.محمد بصدمه : نعم لا طبعا بنتي لا .. لا نهائي
عزازيل ضحك ضحكه عاليه بس تخوف : ان تضحي بأبنتك ام تضحي بعائلتك بأكملها
د.رؤوف : لا طبعا يضحي بعيلته ايه بس .. هو عنده حق يا محمد تضحي ببنتك ولا بعيلتك
د.محمد : سلمي مالهاش دعوه باللي بيحصل ده خالص لالا مش هضحي بنور عيني لا
باك ...
نبيله : ايوه يا جليله .. محمد جيه حكالي بعد ماحضره عزازيل والكلام اللي حصل كل حاجه يسبب رؤوف
جليله : رؤوف ده شيطان موجود ع الارض حسبي الله ونعم الوكيل فيه .. هو قس المصايب كلها
____________________
ف المستشفي ..
شروق : بت يا هاله استني
هاله : ايه يا بت ف ايه ؟
شروق : ف ان انا سمعت اسلام بيقول ان طنط نبيله هتمم جوازته ع سلمي
هاله بصدمه : نعم يا نهار ابيض .. دي سلمي ممكن يجرالها حاجه
شروق : اكيد عرفت .. بس ازاي مقالتلناش
هاله : سلمي لو كانت عرفت كانت قالتلنا .. يالهووووي يا ناس ... نفسي اعرف طنط نبيله مستعجله ليه .. وغير الكارثه انها عارفه ان سلمي عمرها ماحبت اسلام اصلا .. فهتوافق تتجوزوا انا مش قادره اتخيل سلمي لما تعرف ده بجد مش قادره اتخيل
شروق : ولا انا برضو .. ده احنا واضح اني احنا هنشوف ايام عنب الفتره الجايه .. صح انتي مش مستغربه ان مرام الفتره دي ولا بتهش ولا بتنش
هاله : واخده بالي .. بس يلا احسن الواحد مش ناقص وجع دماغ اساسا
شروق : صح والله فعلا
هاله : انتي مالك الفتره دي متغيره هو ف حاجه حصلت معاكي
شروق : عز يا هاله .. متغير اوووي مش عز جوزي ابدا الفتره دي مابينمش نهائي ودايما سرحان مابيعملش حاجه غير انه بيصلي وبيقرأ قران دي حاجه مفرحاني بس انا عايزه اعرف ماله ده يا بنتي بيقوم منفوض من النوم .. انتي عارفه يا هاله انا ساعات بقوم من النوم بسمع صوت من الحمام وبقرب بسمع كلام مش مفهموم انا قلقانه عليه اوووي وهو مابيكلمش معايا نهائي
هاله : طب انتي اتكلمي معاه .. خديه وسافروا غيرو جو طيب
شروق : والله عرضت عليه ورفض .. وكل ماجي اتكلم معاه يبعد عني .. انا خايفه عليه اوووي يا هاله اوووي
هاله : ربنا يريح بالك عليه يا شروق
شروق : ياررب بجد يا هاله ياررب
________________________
نبيله بتكلم ف التليفون ..
اسلام : امي اتكلمتي معاها
نبيله : لا كنت جيبالها جليله تكلم معاها بعد محايله مني وف الاخر محصلش واتكلمت نهائي
اسلام : ليه
نبيله : خلي بالك تقريبا كده سلمي ع وشك ذاكرتها ترجع
اسلام بصدمه : نعم ازاي
نبيله : وغير بتشوف نوح .. واضح ان نوح خطر علينا
اسلام : لمؤاخذه بتشوف نوح ازاي ؟
نبيله : بتشوفه زي مانت بتشوفها كده.. ايه الاسئله دي
اسلام : امي ركزي .. نوح شخص ميت بتشوفه ازاي
نبيله بصدمه : نعم ولنفسها يعني خلاص بقت كده سلمي المرساه للاموات
اسلام : امي انتي معايا ولا قفلتي
نبيله : معاك يا ابني معاك ... انا النهارده هشوف ايه اللي هيحصل سلام دلوقتي
اسلام بستغراب : طيب تمام ماشي .. هستني مكالمه حضرتك
_____________________
ف المستشفي
سلمي : سفيان
سفيان : عصب المستشفي نورت اخيرا
سلمي : انا اسفه والله .. انا عارفه انك شيلت الدنيا كلها الفتره اللي فاتت بس انت عارف ان الدنيا مكنتش مظبطه الفتره اللي فاتت
سفيان : سلمي انتي دماغك فوتت ولا ايه اسكتي خالص .. انتي دايما شايلنا فيها ايه يعني لما نشيلك احنا كمان
سلمي : سفيان انت من القريبين لقلبي والله زيك زي خالد عندي والله بجد
سفيان : عارف يا سلمي ومتأكد من ده
سلمي : طب بنسبه انك متأكد من ده .. فانا عايزاك تعمل اللي نفسك فيه بقالك سنين
سفيان بستغراب : اللي نفسي فيه ؟ قصدك ايه يا سلمي
سلمي : هاله
سفيان اتلجلج ووشه احمر ومبقاش عارف يقول ايه
سلمي : انت فاكر اني مش عارفه ومش حاسه بيك يا سفيان .. انت عارف اني برغم اني خالد اخويا وعارفه انه هيحافظ عليها بس كنت عارفه ومتأكده ان انت احق بهاله منه هو ..
سفيان : سلمي افهمي انا
سلمي : مش عايزه افهم .. بس اللي عايزه افهمه . اني انت تقول لهاله وتعترفلها باللي جواك .. انا عارفه اني هاله كانت حب حياتك واني مراتك كانت مجرد تعود روح قولها يا سفيان وصدقني انا واثقه اني هاله هترحب بالموضوع عشان برضو خالد كان تعود بنسبالها فكر ف كلامي وروحلها .. وسابته ومشيت وهي دلوقتي دماغه عماله تلف من التفكير
___________________
سلمي دخلت مكتبها ووقفت ف الشباك
ولمحت نوح وابتساملها وبعد كده اختفي
سلمي لنفسها : تقريبا انا اللي محتاجه ادخل مصحه وجت ف دماغها مرام
___________________
اوضه مرام ..
سلمي : بصي انا تعبت من الكوابيس انا تعبت من كل الناس اللي بشوفها شوفيلي حل
مرام : انتي اللي دكتوره وجايه لمريضه تشوفلك حل ! غريبه دي الصراحه .. يا دكتور سلمي الحل ف ايدك بس للاسف انتي مش شيفاه .. خلي عز مايسمعش ل شيطان دماغه ماشي يا دكتور
سلمي : ايه عز ! وبخوف اوعي تقوليلي ان عز هيحصله حاجه لا ارجوكي
مرام : لو شيطانه اتغلب عليه هيحصله .. ولو سمحتي يا دكتور كفايه كده
سلمي خرجت وبقت قلقانه جدا ع عز وف نفس الوقت مش عارفه تعمل ايه ؟ بس قررت انها تروح هي محتاجه ترتاح
_____________________
ف ببت عز ...
شروق قامت ملقتش عز جمبها فبقت تدرور عليه
شروق : عز .. عز حبيبي انت فين ؟
سمعت صوت جاي من المطبخ واول ماراحت شافت منظر عمر ماعنيها كانت تتخيله ابدا عز ماسك سكينه وبيقطع ف لحم جسمه
عز : سامحيني وادعيلي ان ربنا يسامحني بس انا مش عارف اوقف نفسي وجاب حاجه زي الساطور وفصل راسه عن جسمه ...
يتبع «««««««««
أنت تقرأ
نوح (مكتمله) بقلمي آلاء محمود
Horrorبقلمي الاء محمود 💜 كيف لروح تسعي للأنتقام يكون داخلها الخير والشر .. كيف اذا تدخل الأمر لتحرير ارواح بريئة من ايدي شيطاناً او بالأحرى شيطاناً يجري ف دمائنا دائماً يجعلنا نعصي ويقوم بإيقاعنا في شر اعمالنا .. وفي النهاية يخبرنا بأنه يحب الله ويطيعه...
