ماما جات ضمتني
-ربنا يجيبهم بالسلامة❤.ابتسمت ليها عدنان قال
-انا وبتي سالي الصغيرة ح نعمل عصابة ضد اولادك🐸
بابا:وانا معاكم.
وضربوا يدينهم قلت
-انا وماما معاهم و ح نكون اقوى منكم😝.
قعدنا نضحك
ماما:ح تسموهم منو؟
عدنان:امم البت سالي اكيد و الأولاد رين و ريان و مراد💚
ماما:سالي ومراد؟قاصد يعني ولى الأسماء عجبتك😂
عدنان:سالي علشان تكون زي سالي بالظبط اما مراد علشان عمو مراد اداني احلى عرض في حياتي و احلى سالي💙.
وجاء ضماني عاينت ليه همس لي
-بحبك💜.نزلت راسي بخجل
بابا:طيب يلا اطلعوا ارتاحوا
انا:بابا انا عايزاكم في موضوع مهم ممكن؟
بابا: قولي يا سالي
عدنان:لو الفي بالي م تقوليه يا ماما.
هزيت راسي بأي و التفت ليهم قلت
-انتوا ليه م موافقين انكم تتزوجوا؟.
عاينوا لبعض
ماما:سالي اقفلي الموضوع😊
انا:انا في حياتي م طلبت منكم حاجة حسي م عايزين تنفذوا لي طلبي الأول والأخير دا؟.
عدنان ضغط على يدي عاينت ليه بدموع مسح لي دموعي وقال
-فكروا يا جماعة علشانها والله كلامها م غلط
بابا:كلامها م غلط و م صح برضو😊.
وقفت على طولي وقلت
-م صح يا بابا كيف؟ انا حسي ممتحنة وحامل ل 4 اطفال ونازلة الجامعة ح اكون بفكر فيكم طول الوقت و م مطمنة ح تكونوا كيف ح تكونوا اذا واحد فيكم حصل ليه حاجة انا م عارفة ح اعمل شنو ح اكون متشتت بين جامعتي ودراستي وعدنان والأولاد وبينكم وم ح اعرف اعمل حاجة ح اكون طول الوقت متدبرسة ومحتاجاكم كلكم معاي وبعدين م فيها حاجة اذا اتزوجتوا وانتي يا ماما اذا مفكرة كدا بتخوني صحبتك تبقي غلطانة انتي لو اتزوجتي بابا وكنتي معاه هي ح تكون مبسوطة ﻷنك اهتميتي ببتها وكبرتيها وخليتيها احسن م يكون وبتهتمي براجلها وحبيبها اكيد ح تكون مبسوطة.
طلعت غرفتي بسرعة وانا ببكي عدنان قال
-بالجد المرة دي فكروا لانو حالتها تعبانة والدكتور قال تبعد عن الضغط والتوتر وهي حسي نازلة امتحانات كمان
ماما:اطلع هديها.
هز راسه وطلع لي جاء لقاني متسطحة وماسكة بطني وببكي رقد جمبي وضماني اتقلبت عليه وضميته وانا ببكي مشى على شعري وقال
-حبيبي اهدي😐
-عدنان انا في حياتي م طلبت منهم حاجة حسي ح يبخلوا علي بالطلب دا؟ اذا كلامي غلط عادي قولوا لي وانا ح اسكت.
باس راسي وقال
-م تخافي ح اقنعهم ليك انتي مش عايزاهم يتزوجوا؟.
هزيت راسي بأي قال
-طيب اعتبريه وعد مني☺.
هزيت راس باس خدي وجرا لي انفي
-طيب يلا بطلي بكى يا روحي.
كنت بديت اغفى مشى على ضهري لحد م نمت طلع لي الجكت وفك لي شعري وغطاني وقام نزل لقاهم بتناقشوا قال
-حسي انسوا الموضوع دا قدامها وفكروا فيه مع نفسكم ح تلقوا انو غير انو في مصلحتكم في مصلحتها هي زاتها.
ابتسم ليه وإستأذن وجاء البلكونة وفضل يشتغل عدا اسبوع كان تاني يوم اول امتحان كنت متوترة وخايفة وقاعدة اقرا في البلكونة وعدنان في الغرفة جاني قال
-خلاص كفاية قارية كويس انتي يلا نتغداء برا ونرجع☺
-لالا م عايزة م حاسة نفسي قارية كويس والله.
قعد جمبي وقال
-قومي قومي على مسؤوليتي بس.
هزيت ليه راسي وقمت لبست فستان كحلي غامق مايل على الأسود اوف شولدر نص كم ناحية الأوف مقصوص على شكل زقزاق طوله لحد تحت الركبة طوالي وسلسال صغنوني و اسبورت زيتي وعدنان لبس بنطلون زيتي و تيشيرت صوفي اوف وايت وجزمة كبدي جاء بوسني وقال
-حاكو حاكو بس🐸.
قعدت اضحك وضماني عليه فضلنا كدا لحد م نعست قعد يضحك قال
-نعستي يا عديمة الرومنسية😹.
ضربته وقلت
-يلا يلا.
طلعنا مشينا اتغدينا وطلعنا حمنا قال
-رايك شنو بعد تخلصي امتحانات نمشي اليونان وتولدي هناك؟
-م عايزة خليه بعد الولادة
-بعيد وبعدين لم تولدي م ح تكوني فاضية لي😔.
قعدت اضحك جراني عليه وضماني وبقينا ماشين قال
-والله جد وبعدين الاولاد ح يكونوا صغار يعني لسة باقي على ولادتك كتير وبعد الولادة على الأقل شهرين علشان تستعيدي نفسك وصحتك كويس😐
-عدنان انا عايزة اولادي يتولدوا في السودان م غيرها.
قال بإستغراب
-السودان؟
-انا امهم م اتولدت فيها ولا حتى انت اتولدت فيها صح؟.
هز راسه قلت
-بس يلا انا عايزة كدا صح السودان م امن حاليا وانا سامعة بأي حاجة حاصلة فيه لكن بالجد نفسي اولادي يتولدوا هناك ويكونوا عارفين نفسهم سودانين انا لحد اللحظة دي م عندي وثيقة سودانية كلها وثايق تركية والباسبورت الأمريكي اظن في قسيمتنا بس صح؟.
هز راسه بإستسلام قلت
-انا الحتات دي كلها م بنتمي ليها بس هم معتبرني منهم اما السودان بلدي الانا منها م عندي صلة بيها ليه ياخ؟ انت عارف صح كل الناس بتقول انو السودان م كويس وكذا بس هو احسن حته في حياتي مشيتها ناسه م كلهم بعضهم الما كويسين ومضيعنه وانا علشانهم مفروض اضيع حياة اولادي واخليهم بجنسية غير جنسيتهم؟.
وقف ابتسم لي ختيت يدي على خده وقلت
-انا عارفة انك خايف علينا من البحصل فيه وخوفك الأكبر يا عدنان انت عارفه م من كدا
