.تلفونه ضرب وكان بابا رد
-عمو كيفكم
-الحمدلله انتوا الكويسين؟
-والله يا عمو سالي عيانة.جريت منو التلفون بابا كان بقول
-بسم الله حصل ليها شنو ووين انتوا؟
انا:بابا عندي التهاب بس م عيانة ولا حاجة.
اتنهد وقال
طيب الحمدلله خليك في البيت طيب؟
انا:ﻷ انا جاية عندكم
-كدي اديني عدنان.
اديته ليه قال
-عدنان م تخليها تطلع نهائي البت دي مجنونة
عدنان:اكيد يا عمو
-طيب خلاص يلا
عدنان:خالتو مارينا كويسة؟.
جريت التلفون وفتحت الإسبيكر عدنان كان بحمر لي
بابا:ايوا احسن من قبل ايام وجسمها استجاب للعلاج وحتى العملية نجحت.
دموعي نزلت
عدنان:الحمدلله طيب💛.
قفلنا قلت
-يلا نمشي
-تمشي وين يا روحي؟
-لماما يعني وين!😒
-مافي كلام زي دا نومي نومك.
قمت منو
-م على كيفك انا عايزة امشي😢.
مسكني وقال
-كيف م على كيفي طيب امشي يلا داك الباب😒
-عدنان ياخ😢
-يا بت انتي عندك التهاب يعني ممكن تعديها وهي م بتقدر تقاوم فاهماني؟
-اشوفها من بعيد طيب😢
-عايني من الأخر ممنوع الطلعة☺.
قمت من جمبه وشلت تلفونه ونزلت الجنينة قعدت ابكي ضربت لبابا رد قلت
-بابا ياخ تعال لعدنان دا م عايز يخليني اجيكم😭
-يا روح بابا انتي تعبانة م تجي وحتى امك قالت كدا خليك باقي اليوم في البيت وتعالوا بكرة
-ﻷ يا بابا ياخ😭
-سالي بطلي عناد.
قعدت ابكي اتنهد وقال
-خلاص م تبكي ح اجيك حسي😧.
عدنان جرا التلفون وقال
-عمو معليش خليها علي
بابا:طيب بس م تخليها تبكي يا عدنان
عدنان:حاضر يا عمو.
قفل وعدنان شالني وانا ببكي طلعنا الغرفة ضماني وقال
-بطلي بكى ياخ😐.هزيت راسي بﻷ جرا لي خدي وقال
-بيبي انتي؟.
حمرت ليه ضحك وقال
-خلاص معليش😂.
رجعت ضميته قلت
-م ح تخليني صح؟😢
يا سالي ياخ😐.
اتقلبت منو بزعل خت راسه على رجولي وقال
-اول حاجة ح اقولها ﻷولادنا انك عنيدة وشريرة وم بتسمعي الكلام يا سالي☺.
ختيت يدي على بطني وقلت
-انا ح اشوفهم اول وهم ح يسمعوا كلامي انا ﻷنهم في بطني انا م انت😟.
ضحك وباس يدي وبطني وقال
-م تبكي طيب؟
-عدنان انا عايزة كيك ايسكريم شكلاته😢.
ضحك وقال
-حاضر ثواني ويكون عندك لكن ح يكون كيك شكلته بدون ايسكريم علشان الإلتهاب طيب؟
-م الا يكون بارد شديد ياخ😢.
هز راسه وقال
-اديني تلفوني من جمبك طيب.هزيت راسي بﻷ وقلت
-ح تعمله انت م تطلب😐
-انا في حياتي م عملته ح اسممك بس م اكتر😐.
قعدت اضحك وفتحت اللابتوب كتبته ليه وقلت
-كتبت ليك كيف بعملوه يلا قوم😢.
ضحك وباسني وشال اللابتوب وقام عدت فترة وهو م جاني وانا مليت قمت نزلت ليه كان بتكلم مع خالتو ريان باللابتوب قالت
-همم السنيورة شرفت😏.
قلت
-خالتو كيفك☺.
قالت
-سالي انا قلت ليك شنو؟ اها م اظن اتكلمت معاك لانو لو اتكلمت معاك م ح تكوني لاصقة فيه كدا لحسي .
عاينت لعدنان ضغط على اسنانه وقال
-امي😠.
قالت بإستهزأ
-يعني م كفاية انو امك وهي ميته سرقت مني راجلي ووصلت بيه ينتحر؟ جاية انتي تسرقي ولدي برضو؟.
بقيت م قادرة اقيف ومسكت على الكرسي بيد وعلى بطني بيد عدنان جاء مسكني وقال بعصبية
-امي انا كلمتك يا اما تختاري انك توافقي وترجعيني لحضنك زي م كنا يا اما تخليك زي م انتي وكدا عمرك لا ح تشوفيني لا ح تعرفيني وين.
ضرب اللابتوب بيده وقعه اتكسر وقعدني واداني موية قعد جمب رجولي ومسك يديني قال
-انتي كويسة؟.قلت بخنقة
-يعني عمو مهر هو الكان خايف منو بابا؟ يعني علشان كدا اختارك؟💔.
هز راسه ونزله قال
-لو كنتي بتخصيني م ح يقدر يقرب عليك ابدا يا سالي و دا حصل فعلا
-طيب وانت قادر كيف تقعد معاي لسة؟ كيف قدرت تقيف قدام ابوك وكيف اتحملت موته وانا السبب😭.
خت يده على شفايفي وضغط على يدي وقال
-بابا كان غلطان وحتى لو م انتي مرتي م كنت ح اسمح ليه بجريمة زي دي وانتي م السبب يا سالي شره هو الكان سبب
كيف م حد وراني كيف انا م عرفت انو هو اتوفى وانا كنت مع وافي ونينا في بيت واحد .
وقال
-ﻷنهم عارفين العملو.
قعدت ابكي وقلت
-أسفة💔.
ضغط على يدي وقام جاب لي الكيك هزيت راسي بﻷ عمل لي اسمايل بشفايفي وباس يدي هزيت راسي تاني بﻷ بوز وشه ونزل راسه بزعل حضنته وزدت في البكى قطع من الكيك ومداها لي هزيت راسي بﻷ باس عيوني وفتح ستت الفستان فتحت خشمي بخلعة ابتسم ودخل لي الكيك في خشمي وهو بضحك حمرت ليه رجع قفلها وخت يده على بطني قال
-علشانهم طيب؟.
هزيت راسي باس بطني ويدي بعد خلصت اكل طلعنا ادوشت وجيت نمت في حضنه وانا تعبانة صحيت الصباح زهجانة وقافلة معاي كنت كملت 4 شهور عدنان م كان جمبي ختيت يدي على بطني واتقلبت لقيته قدام المراية بنشف في شعره وم لابس تشيرت غمضت عيوني بزهج وقلت
-عدنان م ممكن كدا ياخ😬
-هو شنو الما ممكن😂
-م تلبس تيشيرت😒
-خايفة علي امرض ولى خجلانة حددي🐸.
اتنهدت بملل وفتحت عيوني لقيته في وشي باسني وقال
-صباح الخير يا ماما قومي يلا.
هزيت راسي وكحيت قال
-اها يلا يلا علشان حرارتك تنزل😐
