# مطر💙...
.قمت وانا مسخنة وبردانة في نفس الوقت دخلت وادوشت الموية كان سخنة لكن باردة قعدت ابكي عدنان دق الباب وقال
-سالي مالك؟.
م رديت قال
-سالي!!.
زدت في البكى وانا م قادرة اطلع منها جاء داخل غطاني وشالني طلعني وقفل التكيف خت لي مقياس الحرارة وقعد نشف لي شعري شاله مني وقال
-حرارتك عالية شديد😧.
قام طلع
لي ملابس وساعدني البس وقال
-بتقدري تنزلي؟.
هزيت راسي بأي قام وانا قمت راسي لفى مسكني عليه وحضني نزلنا وهو ماسكني ركبني العربية ومشينا المستشفى الدكتور فحصني واداني الأدوية وطلع بابا جاء داخل انا كنت بكح قال
-شنو لكن يا سالي.ابتسمت وقلت
-التهاب عادي☺.
الباب دق وجات ماما مارينا سايقاها الممرضة بالكرسي وقفتها جمبي وطلعت مسكت يدي ومشت على شعري قالت
-شنو يا حلو لكن😐.
ابتسمت وبست يدها وقلت
-كأنو كلامكم بقى زي بعض يا ماما🐸.
عاينت لي بإستغراب قلت
قصدي انتي وبابا.
ضحكت وقالت
-عاداني اعمل شنو😹.
عدنان كان كاتم الضحكة قلت ليه قرب هز راسه بﻷ بوزت ليه وشي جاء وهو مبتسم مسكت يده وهمست في اضانه
-رايك شنو لم تطلع ماما من هنا نعمل ليهم زواج صغير.
رفع راسه عاين ليهم ورجع عاين لي بإبتسامة وهز راسه بأي
بابا:بتتهامسوا في شنو يا اولاد🐸
انا:شنو يا بابا اولاد دي شايفني ولد قدامك؟.
قعد يضحك ونكش لي شعري قال
-معقولة😹.
قعدنا نضحك رجعت اكح عدنان شربني موية ماما مارينا عاينت لبابا بإبتسامة إبتسم ليها وقال
-خلاص يلا عشان ترتاحي ح اوصل مارينا غرفتها
ماما:مراد معاه حق يلا❤.
باست يدي وطلعوا عدنان قعد في الكرسي الجمبي وخت راسه على رجولي قال
-اهلك حلوين ربنا يخليهم ليك.
مشيت على شعره بإبتسامة قال
-يا ريت لو امي كانت كويسة
-خالتو آن عايزة مصلحتك بس يا عدنان.
هز راسه بﻷ وقال
-مصلحتي انها تبعدني عن حبيبتي ومرتي وعن اولادي علشان وحدي تافهة وزانية و مع منو؟اخوي؟!.
ضحك بإستهزأ مشيت على شعره وانا بحاول اغير في الموضوع قلت
-عايز تسمي البيبز منو ومنو☺.
ابتسم وباس بطني قال
-اذا كان فيهم بت ح تكون سالي ان شاء الله.
قلت بإستغراب
-سالي؟.هز راسه بإبتسامة قلت
-وإشمعنا يعني
-علشان بحبك بس
-وعلشان بتحبني ح تسمي بتنا سالي زيي😕
-ﻷ لكن علشان تكون زيك💕.
ابتسمت ليه وقلت
-والأولاد؟
-رين ..قاطعته
رين؟مطر؟.هز راسه باي ومسك يدي قال
-المطر بخلي الزرع الاصفر والدبلان يعيش وحبك عمل لي كدا بالظبط💙.
عاينت ليه بخجل قام من رجولي وباس راسي وحضني فضلت حاضناه لحد م نمت صحيت بعد فترة لقيته لسة حاضني بس وبعاين لي بإبتسامة مسكت يده العلى خدي ختيتها على بطني ورجعت ختيت راسي على صدره قلت
-عايزة نفضل كدا لحد م اموت بدون اعتراضات على حياتنا بدون م حد يتدخل فينا معاك كدا بس❤.
باس راسي وخدي حسيت نفسي ح اقح شلت مناديل وقحيت قام جاب لي موية شربني قال
-احسن؟.
هزيت راسي بإبتسامة رجع جمبي وضامني قال
-تقري شوية؟.
هزيت راسي فتح منهج الكيمياء من تلفونه انا كنت بقرا بال E كان بسألني وانا بجاوب ليه خلصنا كم امتحان قال
-عارفة انو باقي ﻹمتحان الشهادة شهر بس؟.
هزيت ليه راسي قال
-انا حولتك فرع المدرسة الهنا ورقم جلوسك ح يوصل.
هزيت راسي وقلت
-طيب😧.
قعدت اقح تاني لمس رقبتي قال
-حرارتك اتخفضت وجسمك بقى دافي
-امم ومواعيد الحبة اديني ليه☺.
ابتسم وفتح الدرج اداني ليها واداني موية بعد اخدتها صوتي كان مبحوح اداني عصير شربته قال
-ح اطلب الغداء ماشي.هزيت لي راسي بﻷ وقلت
-بعد شوية حسي م نفسي.
مسك يدي وقال
-ﻵ حسي.بوزت وشي جرا لي انفي قال
-م تعملي لي كدا 🐸.
قعدت اضحك باسني وقام طلبه شوية والممرض جابه عدنان بقى بشربني في الشوربة قلت
-حرام خلاص ح اتخنق ياخ😟.
ضحك وقال
-طيب الحمدلله
-ح نطلع من المستشفى متين ؟
-بكرة☺.هزيت راسي وقمت قال
-على وين؟
-عايزة ادوش وامشي لماما
-طيب بس م تغسلي شعرك.
هزيت ليه راسي ودخلت ادوشت وطلعت مسكته من يده واتكلت على كتفه ومشينا جناحها دقينا الباب ودخلنا بابا كان بغطيها وهي نايمة التفت لينا وطلعنا كلنا قلت
-كيف بقت؟
-كويسةالحمدلله والدكتور قالت اسبوع كدا وممكن تطلع.
هزيت راسي قال
-ارجعي غرفتك يلا
عدنان:انت زاتك يا عمو امشي البيت وانا ح اكون معاهم الإتنين
بابا:خلاص طيب خلي بالك☺💕.
بابا باس راسي وطلع رجعنا الغرفة قلت
-خليني اقرا انا م نعسانة
-اممم افتح الفيلم بتاع Treasure Island؟.
هزيت راسي فتحه وقعدنا نحضره وهو بسألني في كل لقطة قريب 25 سؤال بعد خلص حضني ونمت عدا اسبوع وانا طلعت البيت وبقيت كويسة شديد عدا عن صوتي الشوية المبحبوح كنت تحت ومستنية عدنان ينزل صرخت
-عدنان انزل ياخ اصلو شنو.
جاء معصب وقال
-بالنسبة لشعرك القصيتيه😡
-ياخ خليه كدا حلو
-انتي مفكرة كدا ح تواسي خالتو؟.
قعدت في الصفرة وقلت
-تعال اقعد انا جيعانة.
حمر لي وقال
-م عايز😠.
ومشى الهول
