صحيت الصباح بصوت ماما مارينا بتصحيني بإبتسامتها الحلوة قمت حضنتها وقعدت ابكي قالت
م تبكي حبيبتي اهدي كله لخير💚
-دايما بقول كدا بس في النهاية م بحصل خير وبحصل الأسوء
-المرة دي ح يكون كل شيء كويس وح تطلعي من ظلم ابوك
-بس انا عايزة افضل معاه وما عايزة حاجة غير😭
-معليش يلا قومي.هزيت ليها راسي وقمت ادوشت ونزلت قعدت في حتتي يمين بابا عاين لي بطرف عينه وقال
م ح تمشي المدرسة الليلة.عاينت ليه بحزن قلت
- لكن يا بابا..قاطعني
- سالي كلامي واضح😒.
وقفت وقلت
- اسفة يا بابا انا م ح اوقف مدرسة😊.رمى الشوكة وجرا لي شعري
-اياك تاني تردي علي سامعة😡
-بابا انا م عايزة اتزوج لكن😭
-ﻷ م هو بقى راجلك وانتهى ف شنو م اسمع صوتك تاني😡.
فكاني بقوة وطلع ماما مارينا جات علي حضنتني وفضلت تمشي على شعري قلت
-انا بالجد نفسي اموت انا عايشة ليه اساسا😭💔
-م تقولي كدا عايزة تخليني لمنو انتي😢
-م عارفة لكن انا تعبت😭
-معليش حبيبتي💔.
هزيت راسي قالت
-العرس ح يكون بعدين طوالي وانا طلبت البنات الح يجهزوك وشوية وبوصلوا اطلعي غيري اليونيفورم
-ماما مارينا لو بتعرفي الحيوان دا اتكلمي معاه انو اخلص دراستي عادي الله يخليك😭
-م تخافي انا اتكلمت معاه وهو موافق
هزيت راسي و طلعت غيرت لشورت جينز وتيشيرت اصفر ونزلت البنات كان وصلوا حننت رجولي واكتافي بس ورفضت اعمل اي حاجة تانية بعد خلصت ادوشت ونمت طوالي صحيت بعد ساعة بصوت ماما مارينا
-سالي قومي حبيبتي
-انا تعبانة يا ماما
-انا عارفة لكن مافي يدنا حاجة ايام وتعدي قومي💔.
قمت ادوشت وطلعت لقيت مجهزين لي فستان زفاف شلته رميته و لبست بنطلون جينز مفتح وتيشيرت بصلي نص كم جات ماما داخلة قالت
-دا شنو يا سالي😐
-ماما م ح البسه طبعا
-طيب والعرس؟
-م ح امشي برضو😊
-سالي انتي جنيتي؟عارفة ابوك لو عرف ح يعمل ليك شنو؟
-م بهمني اساسا هو عمل حاجات كتيرة وبقى م بفرق معاي بس انا خايفة عليك منو ياماما💔
-انتي عارفة انو راجلك زاتو ح يعصب؟
-كل حاجة كانت بمزاجه دا دوري بعد كدا😊.
لميت شعري كعكة ونزلت قعدت في الهول الشغالات كانو بعاينوا لي بحزن قلت
-مدام انتوا زعلانين علي ونصكم من وانا طفلة هنا وعارف اي حاجة ليه م خطفتوني وريحتوني؟.
جات وحدة قديمة شديد ختت يدها على راسي وقالت
-م كان عندنا الجرأة البتخلينا ناخدك وبعدين ابوك كان ح يلقاك بسهولة
-كان احسن يلقاني جثة💔
-م تقولي كدا.
فتحت تلفوني و م اشتغلت بيها كلهم مشوا وفضلت براي بعد شوية في حد قعد في الكرسي القصادي م عاينت ليه مرت زي نص ساعة قال
-ح تفضلي كدا كتير؟.
رفعت راسي عاينت ليه كان الولد الإتشاكل مع بابا وعارضني في الطريق قلت
-وانت دخلك شنو؟
-امم انك تلغي العرس م اتكلمت بس انك تتكلمي معاي بالطريقة دي دي حاجة مرفوضة سامعاني؟
-تصدق انك حاجة حقيرة و م انسان اساسا😊
-سالي حاولي م تخليني افقد اعصابي😊.
جات ماما مارينا قالت
-الوقت اتأخر.
قمت طلعت برا بدون م اتكلم مع زول جاء طالع ومدخل يده في جيبه عاينت ليه من فوق لتحت و ركبت العربية كنت زهجانة وقرفانة شديد جاء ركب واتحركنا بعد فترة وصلنا البيت كان كبير تقريبا قدر بيتنا بس جنينته حلوة شديد💚نزلت بدون م اتكلم نادى الشغالة وقال
-وصليها الغرفة😒.
مشيت معاها كانت حلوة شديد❤قالت
-ارتاحي شوية والعشاء بكون جاهز☺
-امم.
طلعت وانا دخلت ادوشت ونمت طوالي صحيت الصباح الولد كان بنشف في شعره قدام المرايا و م لابس تيشيرت قلبت عيوني منه واتقلبت قال
-ماشة المدرسة؟.
عاينت ليه بفرحة
-بالجد؟
-هو شنو بالجد ماشة ولا ﻷ😒
-ماشة ماشة💚.
نطيت بسرعة ودخلت ادوشت واتجهزت للمدرسة اليونيفورم بتاعنا كان بنطلون جينزوقميص ابيض مخطط بالطول بالرمادي نزلت كان بفطر قعدت فطرت وطلعنا وصلني ومشى دخلت وعدت الحصص عادية نهاية الدوام كان العميد مالك المدرسة جاء اضطريت اقعد دخلت القاعة الكان طالبنا فيها وقعدت شوية ودخل حضرة راجلي حمرت ليه قعد وبدا يتكلم واتناقش معانا انا وباقي مسؤولين الفصول بعد خلص وطلع لميت حاجاتي ومشيت مكتبي الفي الفصل فتحت الباب كان قاعد فيه قعدت قصاده وحمرت ليه وقلت
-انت الجابك هنا شنو😒.
وقف على حيله وهمس لي
-امم شكلك م بتعرفي عدنان مهر يا اولى مدرستي سالي مراد😏.
بعد عني عاينت ليه بخلعة ابتسم وقال
-نمشي؟.
هزيت راسي وقلت
-عايزة امشي بيتنا
-للأسف م ينفع لانو ح نسافر بعد ساعة
-ساعة بتودينا
-اوف طيب يلا😒.شلت شنطتي وطلعت قدامه مشينا بيتنا بابا كان طالع عاين لي كدا ومشى بالجد كان نفسي احضنه ويبوسني ياخ💔
